အမေ့ထံဖွင့်ဟခြင်း

တင့်တောင့်တင့်တယ် စိတ်အစုံနဲ့
ဘ၀ကို ဇက်ကုန်ဖွင့်ဖို့
လှပစွာသိမ်းဝှက် သယ်ဆောင်ခဲ့တဲ့အတ္တ
ခန္ဓာကို ငုံတဲ့သင်္ခါရနဲ့
အနတ္တစစ်တလင်းမှာ ထိုးစစ်ပြင်းပြင်းဆင်ကြပြီ ။ ။

ဂယက်လှိုင်းထန် လေကဓံကိုဖဲ့ထုတ်ရင်း
ဘ၀ကို ညထဲချကျွေးကြည့်တော့
မျောလွင့်ခြင်းနဲ့ အတိပြီးသတဲ့
ပင်လယ်ခံတွင်းက အာရုံအကျဉ်းကျကျွန်းပေါ်မှာ
တကိုယ်စာပြာချ ဘ၀တွေ
ပရဟိတ ပျောက်နေခဲ့ပြီ အမေ...။ ။

ပတ်ဝန်းကျင်နဲ့ သိက္ခာတရားတွေ
စောင့်ထိန်းလိုက်နာမိတဲ့ ကျင့်ဝတ်တွေ
စေညွှန်းပြထမ်း မာနအစွဲအလမ်းတွေ
ရပ်တည်မှုနဲ့ ရွေ့လျားဖြစ်အင်တွေ
ဖြစ်တည်မှုနဲ့ ပျက်သုဉ်းခြင်းညဉ်တွေ
ပဲ့ကျနေတဲ့ အနိဋ္ဌာရုံတွေ
စိတ်အာရုံမှာ ထင်ဟပ်
အမျှင်မပြတ် သံယောဇဉ်တလက်လက်နဲ့
ရေငတ်သူတွေ များနေကြပြီ အမေ...။ ။

တကယ်ဆို
စိတ်တွေသီးပွင့်တာကိုက
သံသရာကို လည်ပတ်စေတဲ့အခါ
အသက်အဟာရ အတွက်
ရမ္မက်တွေ ဖြာဖြာကျနေတဲ့သစ်ပင်မှာ
ငှက်တစ်သောင်းကော နားနိုင်ပါ့မလား ။ ။

သင်ခန်းစာ ဆိုတာလည်း
သာခန်းဆင်ဖို့ ဂွင်တစ်ခုပါ အမေ...။ ။

အနိမ့်အမြင့်နဲ့ပဲ တည်တည်
အလင်းအမှောင်နဲ့ပဲ စိမ်စိမ်
အမှန်အမှားနဲ့ပဲ မွှေးမွှေး
လရောင်ဆမ်းတဲ့ ထမင်းကြမ်းတွေခါးနေမှတော့
ဒီဘ၀ လူမပီသတော့ဘူး အမေ...။ ။


စိတ်၏စေရာနာခံလေသော
မိုးမြင့်တိမ်