နွံနစ်သွားသော လတစ်ခြမ်း

ချွေချခံလိုက်ရတဲ့ အမှောင်ထုကို လိုက်ကောက်ဖို့ကြိုးစားရင်း ...
တိတ်ဆိတ်မှုတွေက ငါ့တံခါးကို လာခေါက်နေကြပေါ့...

ငါဘယ်ရောက်နေလဲ..

ဘယ်နေရာမှာလဲ..

မြင်မြင်သမျှအရာအားလုံးမှာလဲ အမိုက်မှောင်တွေဖုံးအုပ်လို့...
အရိုးနင့်အောင်ကြွေရင်း ဘ၀ကိုဖြတ်သန်းလာလိုက်တာ...
ငါ့အာရုံတွေခါးနေမှန်းကို ငါတကယ်ကိုမသိခဲ့လိုက်ဘူး...
တကယ်ဆိုငါက မြောက်အရပ်ကိုမှ တောင်ဘက်ရွှေ့ချင်ခဲ့မိတာ..
တစ်ခါသာ ပစ်ချခဲ့လိုက်မိတဲ့ ရာဇ၀င်..
ငါ့လောကကို ၀င်ရောက်မွှေနှောက်သွားလိုက်ပုံများ ..
စိတ်ကူးစိတ်သန်းနဲ့ တည်ဆောက်ခဲ့တဲ့ တောင်တန်းတွေဟာလည်း ..
ကြေကွဲဖွယ်ရာ ပက်ကြားအက်တို့ရဲ့ စုပ်ယူစားသုံးခြင်းမှာ အပြိုပြိုအလဲလဲ ။ ။

တကယ်ဆို ငါကတိမ်တစ်စ ဖြစ်ချင်ခဲ့မိတာ...
လွတ်လပ်တယ် ပေါ့ပါးမယ် နေရာဒေသမရွေး ငါရွေ့လျားနိုင်တယ်...
မထင်မှတ်လိုက်ဘူး .. တကယ့်ကို မထင်မှတ်လိုက်ဘူး...ကံကြမ္မာသူခိုးရဲ့ ချောက်တွန်းမှုမှာ..
ငါဟာ မိုးစက်တစ်စက်ဖြစ်နေမှန်းကိုပေါ့...
တစ်စုံတစ်ခုကို ရဘို့ တစ်စုံတစ်ရာထက်ပိုတဲ့ တန်ကြေးတွေပေးရမယ်မှန်းသိရင်..
ကွက်ကျားမိုးတို့ရဲ့ အထ္တုပတ္တိကို ငါပြင်ရေးချင်တယ်...
အစွမ်းအစတော့မရှိဘူး ဒါပေမယ့် တစ်လမ်းသွားခရီးတွေကို ငြီးငွေ့တတ်တဲ့ငါ..
အခု ဒီတစ်လမ်းကို ငါလှမ်းနေရပေါ့ ။ ။

ပြေးဝင်တိုးဝှေ့လာတဲ့ လေတစ်မျှင်ကိုမှ မက်မက်မောမောရှုရှိုက်မိခဲ့တဲ့ငါ ..
ပြင်ဆင်ခွင့်မရှိခြင်းတွေသာ အဲဒီနောက်မှာ ကပ်ပါလာမှန်း...
ငါသာကြိုသိခဲ့ရင်...
ဘယ်သူမှ မသိခဲ့ဘူး.. ကိုယ့်ရင်ကိုယ်ထုနေရတဲ့အဖြစ်တွေ...
ကိုယ့်ဆံပင်တောင် မြဲမြံအောင် မထိန်းသိမ်းနိုင်တော့တဲ့ ခန္ဓာမှာ..
သေးသိမ်ကြုံလှီသွားတဲ့ စိတ်ဓါတ်တွေနဲ့...
ခရီးဆက်ဖို့ရာ ငါ့အတွက်မြေသြဇာတွေလိုနေတယ်..

ငါဘာလုပ်မလဲ...

ဘာလုပ်ခွင့်ကောရှိသေးလဲ...

ကိုယ့်ကိုယ်ကိုယ် စိုက်ပျိုးရင်းထွန်ယက်ကြည့်လိုက်တော့...
ငါ့သက်တမ်းမှာ လတစ်ခြမ်းပျောက်နေတယ်...
မှားခဲ့ပါတယ်လို့ ၀န်ချတောင်းပန်ဖို့ထက် အဲဒီ့အမှားအတွက် ငါထမ်းလိုက်ရတဲ့ဝန်က...
ကံကြမ္မာတရားရေ.. ခင်ဗျားမတရားဘူးလို့မစွပ်စွဲချင်ဘူး ..
ငါကိုယ်တိုင်ကိုက ပျောက်ဆုံးမှန်းမသိ ပျောက်ဆုံးသွားခဲ့တာ...
ခက်ခက်ခဲခဲ ရှုထုတ်လိုက်တဲ့ လေရဲ့အဆုံးမှာ...
ငါ့ဝန်းကျင်တစ်ခုလုံး အဖြူရောင်တွေလွှမ်းသွားလိုက်တာ...
ငါကြိုးစားပြီး လှမ်းရဦးမယ် .. ခပ်ပျပျအဝေးတစ်နေရာက အမေ့ရဲ့ ခေါ်သံငါကြားလိုက်ရတယ်..
ဆို့နင့်နေတယ်..ကြေကွဲနေတယ်..ယူကြုံးမရမှုတွေပါဝင်နေတယ်..
ဖြစ်ရလေခြင်းဆိုတဲ့ မချိတင်ကဲစိတ်...လက်လွတ်ဆုံးရှုံးရပြီဆိုတဲ့ အသိတွေနဲ့ ...
တစ်တစ်ချင်ချင်ခေါ်ငင်လိုက်တဲ့ အမေ့ရဲ့ပူဆွေးမှုပြယုဂ်...
ခွင့်လွှတ်ပါတော့အမေ..
စိတ်အခါးတစ်ချို့ကို အမေ့ဆီကနေ သယ်ထုတ်သွားခွင့်ပြုပါတော့...
ခပ်လှမ်းလှမ်းရှေ့တစ်နေရာမှာ တံခါးတစ်ချပ်မြင်နေရတယ်...
ရွေးချယ်စရာ လမ်းမရှိဘူး...
ဒီတံခါးကိုဘဲ ငါ....ဖြတ်သန်းသွားရတော့မယ် ။ ။

အေ အိုင် ဒီ အက်စ် တဲ့...ဘ၀များစွာကို သတ်ပစ်လိုက်တယ် ။ ။

စိတ်၏စေရာနာခံလေသော
မိုးမြင့်တိမ်

ထိုတစ်ည၀ယ်

"မိုးမြင့် မင်းဒီနေ့ ညဂိုဏ်းဆင်းရမယ် လို့ လမ်းဗိုလ်က ပြောခိုင်းလိုက်တယ်" ညနေပိုင်းလုပ်ငန်းခွင် သိမ်းလို့ site ထဲက ကော်ဖီမစ်ဆိုင်မှာ ထိုင်ရင်း ကော်ဖီကို ဇိမ်ခံသောက်နေတဲ့ ကျွန်တော် ကော်ဖီမစ်ဆိုင်ထဲ ၀င်လာတဲ့ လုပ်ဖော်ကိုင်ဖက် အင်ဂျင်နီယာ ကိုရဲ စကားကြောင့် သောက်လက်စ ကော်ဖီတောင် မျိုမကျဖြစ်သွားပါတယ်။"သွားပါပြီကွာ ဒီညတော့ စောစောလေးနားရရင် Mechanical လိုင်းဘက်သွားပြီး ကာရာအိုကေ သွားဆိုမလားလို့ အခုတော့စိတ်ကူးတွေပျက်ပါပြီ" ညဉ်းညဉ်းညူညူ ပြောလိုက်တဲ့ ကျွန်တော့် စကားကြောင့် ဆေးလိပ်ရှိုက်နေတဲ့ ကိုရဲရီပါတော့တယ်။ ကော်ဖီမစ်ရောင်းတဲ့ ဒေါ်ဘုမက " လမ်းဗိုလ်လေးကလည်း ကာရာအိုကေ မဆိုရလည်း အလုပ်ပြီးတော့ ဒေါ်ဘုမဆိုင်မှာ ကော်ဖီမစ်လာသောက်ပေါ့ " " အော်ဒေါ်ဘုမက အလကားတိုက်မှာမို့လို့လား" " အမလေး တိုက်ပါတယ် လမ်းဗိုလ်လေးရယ်" " ဟုတ်ပါပြီဗျာ ကျွန်တော်ကနောက်တာပါ" " ကျွန်တော်ညအလုပ်သိမ်းမှ လာသောက်ပါ့မယ် " ကျွန်တော်တို့ site ထဲမှာတော့ SAE ကို လမ်းဗိုလ် JE ကို တော့ လမ်းဗိုလ်လေး လို့ခေါ်ကြပါတယ်။ ဒီအခေါ်ဝေါ်တွေကို ဆည်မြောင်းမှာ လုပ်ခဲ့ဘူးတဲ့ သူငယ်ချင်းများ သိကြပါလိမ့်မယ်။

ကျွန်တော်လည်း ညပိုင်းအလုပ်ပြန်ဆင်းရမှာဆိုတော့ ကော်ဖီမစ်ကို ဇိမ်ခံမသောက်နိုင်တော့ပါဘူး။ ကော်ဖီကို တစ်ကြိုက်ထဲ မျိုချပြီး ဆိုဒ်အပေါ်ဘက် တောင်ကုန်းပေါ်မှာ ရှိတဲ့ ကျွန်တော့် အဆောင်ကို ပြန်ဘို့ လုပ်ရပါတော့တယ်။ "ကိုရဲ ရေ ငါတော့ပြန်ပြီဟေ့" " အေးအေး ငါနောက်မှ လိုက်ခဲ့တော့မယ် " ကျွန်တော်လည်း ကိုရဲ ကို နှုတ်ဆက်ပြီး အဆောင်ရှိရာကို ပြန်လာခဲ့ လိုက်တယ်။ အဆောင်ရောက်တာနဲ့ ခဏနားပြီးတော့ ရေချိုး ထမင်းစားဘို့ ပြင်ရပါတော့တယ်။ ရေချိူး အ၀တ်လဲပြီး ထမင်းစားဆောင်ထဲ ၀င်တော့ ထမင်းချက်တဲ့ အိမွန်က " ဟယ် ဗိုလ်လေး စောလှချည်လား စားတော့မှာလား " " ဟုတ်တယ် စားတော့မယ် အိမွန် ကျွန်တော် ညပိုင်း အလုပ်ပြန်ဝင်ရမှာ မို့လို့ဟင်းကျက်ပြီလား " " အော် ဟုတ်လား ကျက်ပြီဗိုလ်လေး အခုလေးတင်ဘဲ ကျက်တယ် " " ကျက်ရင်ခူးတော့ အိမွန် ကျွန်တော် စားတော့မယ်" ကျွန်တော်လည်း ထမင်းစားပြီး အလုပ်ဆင်းဘို့ ဆိုဒ်ထဲကို ဆင်းလာခဲ့ပါတယ်။ ဆည်ဆိုတာမျိုးက မြစ်ချောင်းနဲ့ နီးတဲ့ နေရာမျိုးမှာ ဆောက်လေ့ရှိတော့ များသောအားဖြင့် တောထဲမှာ ဆောက်တာများပါတယ်။ ဒါကြောင့်မို့ အလုပ်ဆင်းပြီး ပြန်လာရင် စားသောက်ရေး အဆင်ပြေအောင်လို့ စီစဉ်ပေးထားပါတယ်။

ဒီလိုနဲ့ ဆိုဒ်ထဲရောက်တော့ ည၇နာရီ ထိုးခါနီပြီပေါ့။ " ဆန်းလင်းလားဟေ့ " ဆိုဒ်ထဲမှာ လူရိပ်လှမ်းမြင် လိုက်တာနဲ့ ကျွန်တောနဲ့ အတူ ညပိုင်းအလုပ်ဆင်းရမယ် အလုပ်သမားလေး ဆန်းလင်းဘဲ ဖြစ်မယ်ဆိုတာ ကျွန်တော်သိလိုက်ပါတယ်။ " ဟုတ် ဗိုလ်လေး " " ဆန်းလင်းရေ ကိုအောင်ခိုင်ရောက်ပြီလား " " မတွေ့သေးဘူး ဗိုလ်လေး " ရောက်ပါပြီဗျာ" ကျွန်တော်မေးလို့ ဆန်းလင်းဖြေသံ အဆုံးမှာဘဲ ကျွန်တော့်တို့နဲ့ မလှမ်းမကမ်းကနေ ကိုအောင်ခိုင့် အသံထွက်လာပါတယ်။ " အော် ကျွန်တော်က ဘက်ဟိုးနဲ့ ကွယ်နေလို့ မမြင်လိုက်တာ ကိုအောင်ခိုင်ရဲ့ " ကဲ လူလည်း ဆုံပြီ ၇နာရီလည်း ထိုးပြီ ကျွန်တော်တို့ အလုပ်စလိုက် ကြရအောင်" " ကျွန်တော်တို့ အခု တာဝါ တိုင်ကနေ ရေတံခါး ဖွင့်ပေးလိုက်လို့ ထွက်လာတဲ့ ရေစီးဘို့ ရေထွက်မြောင်းကတော့ ဖောက်ပြီးနေပြီ အခုအဲဒီရေထွက်မြောင်းကို slope ဆွဲရမယ် ကိုအောင်ခိုင်။ slope ကတော့ ၄၅ ချိုးမယ်။ အဲဒါ slopeစောင်းညီအောင်လို့ ကိုအောင်ခိုင် ဘက်ဟိုး နဲ့ လက်သည်းကုတ်ရလိမ့်မယ် နည်းနည်းတော့လက်ဝင်မယ်" " ရပါတယ် ဗိုလ်လေးရယ် အောင်ခိုင်တို့ ကဒါမျိုးကျွမ်းပြီးသားပါ" "ကျွန်တော်သိပါတယ် ပိုသေချာအောင်မှာတဲ့ သဘောပါ ကိုအောင်ခိုင်က စိတ်ချရပြီးသားဆိုတာ ကျွန်တော် သိပြီးသားပါ" " ဆန်းလင်း ထွက်တဲ့မြေကြီးကို ဟိုတနေ့ ကမြေတူးထားတဲ့ ကမ်းပါးထဲ ပြန်ထည့်မယ်။ Dumper တွေရောက်ပြီမှလား။ ရောက်ပြီဗိုလ်လေး " " ကဲ ကိုအောင်ခိုင် စမယ် " " ဟုတ်ဗိုလ်လေး ဒါနဲ့ ဘယ်အချိန်သိမ်းမှာလဲ ဗိုလ်လေး" " ၁၀နာရီလေ ဘာဖြစ်လို့လဲ " " ဟို မှောင်မှာဆိုးလို့ပါ " " ဟား ဟား ဟား မှောင်လဲ ကိုအောင်ခိုင်ကို ဘယ်သူမှ မဆွဲပါဘူး " " မဟုတ်ပါဘူး မှောင်တော့ကျွန်တော် သရဲကြောက်လို့ပါ " " အမလေး ကိုအောင်ခိုင် ယောကျာ်း ရင့်မာကြီးဖြစ်ပြီး ကြောက်တတ်ရန်ကော။ ကဲပါဗျာ လုပ်စရာ ရှိတာလုပ်ပါ၁၀နာရီ အတိ ဆိုရင် သိမ်းပေးမယ် ဟုတ်ပြီလား" ကျွန်တော်လည်း ကိုအောင်ခိုင်ကို ပြောပြီး လုပ်ငန်းစဘို့ လောဆော်လိုက်ပါတယ်။

ဒီလိုနဲ့ ဆန်းလင်းကို Dumper တွေအခေါက်အရေကို တာလီချိုးခိုင်းပြီး ကျွန်တော်က Tranches ရဲ့ slope ကို ညီမညီကြည့် လိုတဲ့ နေရာကို ထပ်ဆွဲခိုင်းနဲ့ ရှုပ်ရှက်ခတ်နေပါတော့တယ်။ " ဗိုလ်လေးရေ ဒီတစ်ကြောင်းက နောက်ဆုံးဘဲဗျို့ ကျန်တာတွေ ပြီးပြီ " ကိုအောင်ခိုင်ပြောစကားကြောင့် ဟိုဘက်အခြမ်းကို စစ်နေတဲ့ ကျွန်တော် ကိုအောင်ခိုင် ရှိရာကို လာခဲ့ပါတယ်။ " ဇွပ် " " ဟာ အရေးထဲ ရွံ့ကနစ်ပြန်ပြီ " ကိုအောင်ခိုင်ဆီအလာ ရွံ့အိုင်ကို မမြင်ဘဲ တက်နင်းမိတာကြောင့် safety ထဲကို ရွံ့တွေ နစ်ဝင်ကုန်ပါတော့တယ်။ နစ်ဝင်တဲ့ ရွံ့တွေကို မခွာနိုင်သေးဘဲ ကိုအောင်ခိုင်ရှိရာကို သာခပ်သွက်သွက်လှမ်းလာလိုက်ပါတယ်။ စိတ်ထဲကလည်း" ဒီလူ ကြောက်ကြောက်နဲ့ မြန်မြန်ပြီးအောင်လုပ်ရင်တော့ ခက်မယ် " လို့ တွေးလိုက်မိပါတယ်။ နောက်၁၅ မိနစ်လောက်နေတဲ့ အခါမှာတော့ ကိုအောင်ခိုင် စက်ပိတ်သံ ကြားလိုက်ရပါတယ်။ နာရီကြည့်လိုက်မိတော့ ၁၀နာရီ အတိပါဘဲ။ ခဏနေတော့ ကိုအောင်ခိုင်အနားရောက်လာပြီး " ဗိုလ်လေး အားလုံးပြီးပြီ ၁၀နာရီ လည်းထိုးပြီ အလုပ်သိမ်းတော့မယ်နော် " ကျွန်တော်လည်း အလုပ်အားလုံးပြီးပြီမို့ ကိုအောင်ခိုင်ကို ပြန်ခိုင်းလိုက်ပါတယ်။ " ဆန်းလင်းရေ Dumper တွေ ဘယ်နှခေါက်လည်း မှတ်ထားတယ်နော်" " ဟုတ် မှတ်ထားပါတယ် " အေးအေး မင်းမီးတိုင်နှစ်တိုင် ဖြုတ်ပြီးယူသွားတော့။ ဒီတစ်တိုင်တော့ ထားခဲ့ မနက်ကျမှ ဖြုတ်မယ်။ မင်းဒေါ်ဘုမ ဆိုင်ကစောင့် ငါဖိနပ်မှာ ကပ်နေတဲ့ ရွံ့တွေ ခွာပြီးလိုက်ခဲ့မယ် " ။

ဆန်းလင်းထွက်သွားတော့ ကျွန်တော်လည်း အနားမှာ ရှိတဲ့ မီးတိုင်အောက် ထိုင်ပြီး တုတ်တချောင်းနဲ့ safety ထဲနစ်ဝင်နေတဲ့ ရွံ့တွေကို ခွာပါတော့တယ်။ ရွံတွေခွာရင်းကနေ ဘယ်လို ဖြစ်တယ် မသိပါဘူး ကြက်သီးတွေ တဖြန်းဖြန်းနဲ့ ထလာပါတယ်။ ပထမတော့ အေးလို့ဖြစ်မယ်လို့ဘဲ တွေးလိုက်မိပါတယ်။ ဒါပေမယ့် နောက်တော့ ကြက်သီးထတာက အေးလို့ထတာနဲ့ မတူဘူးဆိုတာ သတိထားမိလိုက်ပါတယ်။ ဒါနဲ့ အနီးအနား ပတ်ဝန်းကျင်ကို ဓါတ်မီးနဲ့ ဝေ့၀ိုက်ပြီး ထိုးကြည့်မိပါတယ်။ လူရိပ်လူခြေဆိုလို့ လည်းမတွေ့ရ အလင်းရောင်ကလည်း ကျွန်တော့အနားမှာသာ မီးချောင်းအသေးလေး ထွန်းထားလို့ လင်းနေပေမယ့် ပတ်ဝန်းကျင်အကုန်လုံးကတော့မှောင်နဲ့ အတိပါ။ ကျွန်တော်လည်း စိတ်ထင်လို့ဖြစ်မှာပါလို့ အားတင်းရင်း ရွံ့တွေဆက်ခွာနေမိပါတယ်။ ဒါပေမယ့် စိတ်ထဲမှာတော့ တစ်ယောက်ယောက်က ကျွန်တော့် ကိုစိုက်ကြည့်နေသလိုမျိုး ခံစားလာရပါတယ်။ ဒါနဲ့ ကျွန်တော်လည်းး ဖိနပ်က ရွံ့တွေကို ပြီးအောင်မခွာတော့ဘဲ ကပါးပေါ်က ဒေါ်ဘုမဆိုင်ကို ထွက်လာပါတော့တယ်။ ကျွန်တော် ခြေလှမ်း သုံးလှမ်းလောက် လှမ်းပြီးချိန်မှာတော့ ကျွန်တော့်ကျောကို အရှိန်ပြင်းပြင်းနဲ့ အနောက်ကနေ တစ်ခုခုနဲ့ ပစ်လိုက်တာ ကျွန်တော် ကျောပါကော့ထွက်သွားပါတယ်။ လူသူ တစ်ယောက်မှ မရှိတဲ့ ကမ်းပါးအောက်က ကွင်းပြင်ထဲမှာ ဘယ်သူက ကျွန်တော့်ကို ပစ်မှာလဲ။ ပုန်းပြီးပစ်ရအောင်လည်း ပုန်းခိုစရာ နေရာ မရှိ လွင်ပြင်ထီးထီးတည်း ရယ်ပါ။ စိတ်ထဲကလည်း အသားနာသွားတော့ ဒေါသက ထောင်းကနဲ ထွက်သွားတယ်။ ဒါနဲ့ ကျွန်တော်လည်း ဖျတ်ကနဲနောက်လှည့်ကြည့်လိုက်ချိန်မှာ စောစောက ကျွန်တော်ထိုင်ခဲ့တဲ့ နေရာနဲ့ မလှမ်းမကမ်းမှာ မည်းမည်းအကောင်ကြီး ကျွန်တော့်ဆီလှမ်းလာနေတာကို မီးရောင်နဲ့ တွေ့လိုက်ရတယ်။ ကျွန်တော် ဘာမှမစဉ်းစားနိုင်တော့ပါဘူး။ နောက်ကျတဲ့ ခြေထောက် သစ္စာဖောက်လို့ သဘောထားပြီး ဒေါ်ဘုမ ဆိုင်ရှိရာ ကမ်းပါးယံပေါ်ကို အသည်းအသန် ပြေးပါတော့တယ်။ နောက်လည်း လှည့်မကြည့်ရဲတော့ပါဘူး။ ဒေါ်ဘုမဆိုင်ကို ဘယ်လိုဘယ်လို ရောက်လာမှန်းတောင်မသိတော့ပါဘူး။ safety စီးထားပြီး ကမ်းပါးယံပေါ်ကို သာမာန်အချိန်မှာ တက်ခိုင်းရင် တော်တော်ကြိုးစားပြီး တက်ယူရပါမယ်။ အခုတော့ ဘယ်လိုဘယ်လို အပေါ်ရောက်လာမှန်းတောင် မသိတော့ပါဘူး။ ကြောက်ကြောက်နဲ့ ပြေးလာလိုက်တာလေ။ မောကြီးပန်းကြီးနဲ့ ပြေးလာတဲ့ ကျွန်တော့်ကို ကြည့်ပြီး ဆန်းလင်းကော ဒေါ်ဘုမ ပါလန့်သွားကြပါတယ်။

" ဗိုလ်လေး ဘာဖြစ်လာတာလဲ " " ဘာမှမမေးနဲ့ဦး ကျွန်တော့်ကို ရေအရင် တိုက်ပါ " " ဆန်းလင်း ငါ့နောက်ကျောကို ကြည့်စမ်း ဘာဖြစ်တာလဲလို့ " " ဗိုလ်လေး တစ်ခုခုနဲ့ အပစ်ခံရသလိုမျိုး ဖြစ်နေတယ် ကြည့်ရတာ ရွံ့စေးတုံး နဲ့အပစ်ခံရသလိုဘဲ " " ဟုတ်လား " ဒေါ်ဘုမ ပေးတဲ့ရေကို သောက်ပြီး ကျွန်တော် တီရှပ်ကို ချွတ်ကြည့်လိုက်တော့ လက်တစ်ဝါးစာလောက် ရှိတဲ့ ရွံ့စေးရာကြီးကို တွေ့ရပါတယ်။ ကျွန်တော်က ဖြစ်ပုံကို ပြောပြတော့ ဒေါ်ဘုမက " တော်သေးတာပေါ့ ဗိုလ်လေးရယ် နောက်ဆို တစ်ယောက်ထဲ မနေခဲ့နဲ့ ဗိုလ်လေးက မကြုံဖူးသေးလို့ တစ်ယောက်ထဲ နေခဲ့တာ ကျွန်မတို့ ဆိုရင် ဘယ်တော့မှ တစ်ယောက်ထဲ မနေခဲ့ ရဲဘူး။ တစ်ယောက်ထဲ ကျန်ခဲ့တဲ့ လူတော်တော်များများ တနည်းနည်းနဲ့ ခြောက်ခံရတတ်တယ် " " နောက်ဆို ကျွန်တော်လည်း တစ်ယောက်ထဲ မနေရဲတော့ပါဘူးဗျာ " " ကဲကဲ ကော်ဖီသောက်လိုက်ဦး ဗိုလ်လေး " ဒေါ်ဘုမ ကမ်းပေးလာတဲ့ ကော်ဖီကို သောက်ရင်းနဲ့ ဒီညအဖြစ်အပျက်ကိုတော့ ဘယ်တော့မှ မေ့နိုင်မှာ မဟုတ်တော့ဘူးလို့ တွေးလိုက်မိပါတော့တယ်။

ခန္ဓာတစ်ခြမ်းရှာဖွေကြသူများ

ဒီပုံပြင်လေးကို သူငယ်ချင်းတော်တော်များများ သိပြီးသားဖြစ်လိမ့်မယ် ထင်ပါတယ်။ ဒီပုံပြင်လေးက လက်ထပ်ထိမ်းမြားခြင်းနဲ့ ပတ်သက်တဲ့ ယုံတမ်းပုံပြင်လေးပေါ့။ မသိသေးတဲ့ သူငယ်ချင်းများလည်းသိသွားအောင် သိပြီးသားသူငယ်ချင်းတွေလည်း နှစ်ထပ်ရှိတော့မှတ်မိအောင်လို့ ဖော်ပြပေးလိုက်ပါတယ်။ကျောက်ခေတ်အစောပိုင်းကာလလောက်ကပေါ့... အဲဒီခေတ်မှာ အလွန်အစွမ်းထက်ပြီး အလွန်ကိုဘဲ အင်အားကြီးတဲ့ မျိုးနွယ်စုတစ်ခု ရှိခဲ့တယ်။အဲဒီမျိုးနွယ်စုမှာ ယောကျာ်း မိန်းမရယ်လို့ မရှိဘူးတဲ့။ ဘာလို့လဲဆိုတော့ သူတို့မှာ ဦးခေါင်းနှစ်လုံး လက်လေးဖက် ခြေထောက်လေးချောင်း ခန္ဓာနှစ်ခု ရှိနေလို့ပါဘဲ။ ခန္ဓာတစ်ခြမ်းကယောကျာ်းဖြစ်ပြီး ခန္ဓာတစ်ခြမ်းကမိန်းမအသွင်ဆောင်ပါသတဲ့။သူတို့ဟာ ထူးဆန်းသလို အစွမ်းလည်းထက်ပါတယ်။ အဲဒီခေတ်ကပေါ်ခဲ့တဲ့ ဒိုင်နိုဆောတို့ တယ်နိုစောရပ် တို့လို အကောင်မျိးတွေကိုတောင် အသာကလေးအနိုင်ယူနှိင်ပါတယ်တဲ့။ သူတို့ တစ်ခါခုန်ရင် နတ်ပြည်ခြောက်ထပ်ရဲ့အောက်ဆုံးထပ်ကိုရောက်ပါတယ်တဲ့။ဒါပေမယ့် သူတို့မျိုးနွယ်စု အကြီးအကဲရဲ့ တင်းကျပ်တဲ့ စည်းကမ်းကြောင့် ဘယ်သူမှ အဲဒီလောက်မြင့်အောင် မခုန်ကြပါဘူး။တစ်နေ့တော့ မျိုးနွယ်စုထဲက ငယ်ရွယ်တဲ့ လူသားတစ်ယောက်ဟာ အမဲလိုက်ရင်းနဲ့ ခွန်အာားကို မထိမ်းနိုင်ဘဲ ခုန်လိုက်မိတာ နတ်ပြည်ခြောက်ထပ်ရဲ့ အောက်ဆုံးထပ်ကို ရောက်သွားပါတဲ့။ ဖြစ်ချင်တော့ အဲဒီအချိန်မှာဘဲ တိုက်တိုက်ဆိုင်ဆိုင် နတ်သဘင်ပွဲတော် ကျင်းပဘို့ပြင်ဆင်နေတဲ့ အချိန်နဲ့ ကြုံကြိုက်နေပါသတဲ့။အနံအရသာနဲ့ ပြည့်စုံလှတဲ့ နတ်ပြည်၌ဖြစ်တဲ့ နတ်သြဇာတွေကို မြင်တွေ့ရတဲ့ခဏမှာ လူသားငယ်ဟာ ဆာလောင်မှုကို ဘယ်လိုမှ မထိန်းချူပ်နိုင်တော့ဘဲ စားသုံးမိပါတော့တယ်။ ဒါတွေကို နတ်စစ်သည်တို့ သိတဲ့အခါမှာ လူသားကို ဖမ်းဆီးဘို့ ကြိုးစားပါတော့တယ်။လူသားငယ်ဟာလည်း ဖမ်းဆီးမခံရလေအောင် ရှိသမျှခွန်အားကို အသုံးချပြီးတော့ လွတ်မြောက်အောင်ထွက်ပြေးလာနိုင်ခဲ့ပါသတဲ့။ဒီအခါမှာ နတ်တို့ဟာ ဒီကိစ္စကို နတ်တို့အရှင် သိကြားမင်းထံ တိုင်တန်းကြပါသတဲ့။ ဒီအခါမှာ သိကြားမင်းက ဒီမျိုးနွယ်စုရဲ့ စွမ်းအားကို ဖြိုခွဲနိုင်မယ့် နည်းလမ်းကိုရှာဖွေတဲ့အခါ ခန္ဓာကို နှစ်ခြမ်းခွဲနိုင်ရင် အစွမ်းထက်မှုတွေလည်း ပျောက်ဆုံးသွားမယ် ဆိုတာကို သိလိုက်ပါတယ်။ဒါကြောင့်မို့ သိကြားမင်းဟာ ၀ရဇိန်လက်နက်နဲ့ လူသားတို့ရှိတဲ့ နေရာကိုချိန်ရွယ်လို့ ခန္ဓာကို နှစ်ခြမ်းကွဲအောင် ဖြိုခွင်းလိုက်ပါတော့တယ်။ပြင်းထန်လှတဲ့ ၀ရဇိန်လက်နက်ကြောင့် လူသားတို့ဟာ ခန္ဓာနှစ်ခြမ်းကွဲလို့ စွမ်းအားတွေလည်း ပျောက်ဆုံးကုန်ကြပါသတဲ့။ပြင်းထန်လွန်းတဲ့ အရှိန်ကြောင့် ကွဲကွာသွားတဲ့ ခန္ဓာတွေဟာလည်း အလွန်ဝေးလံတဲ့ အရပ်ကိုလွင့်ပါး ကုန်ကြပါတယ်။အဲဒီအချိန်ကနေစပြီး လူသားတို့ဟာ ကွဲကွာသွားတဲ့ မိမိရဲ့ ခန္ဓာတစ်ခြမ်းကို လိုက်လံရှာဖွေကြပါတော့တယ်။ မိမိခန္ဓာတစ်ခြမ်းကို ပြန်တွေ့တဲ့ အချိန်မှာတော့ အတူတကွ ပေါင်းဖက်နေထိုင်ကြပါသတဲ့။အဲဒီအချိန်ကစလို့ ယောကျာ်းနဲ့ မိန်းမ လက်ထပ်ထိမ်းမြားခြင်း ဆိုတဲ့ ပေါင်းဖက်နေထိုင်မှုလေးစတင်ပေါ်ပေါက်လာပါတော့တယ်။ကဲ ကျွန်တော်တို့ကော ကျွန်တော့်တို့ရဲ့ ကွဲကွာသွားတဲ့ ခန္ဓာတစ်ခြမ်းကို ရှာဖွေကြရဦးမှာပါ။ သူငယ်ချင်းများလည်း အမြန်ဆုံးတွေ့ဆုံလို့ ပျော်ရွှင်စွာ ပေါင်းဖက်နိုင်ကြပါစေ။

မိဘကျေးဇူးကို ပြန်ပြောင်းအောက်မေ့ခြင်း

ဒီနေ့ အလုပ်က ပြန်ရောက်လို့ရေချိုး ၀မ်းရေးဖြည့်တင်းပြီး blogမှာတင်ဘို့ postတစ်ခုရေးမယ် ဆိုပြီးcomputerဖွင့်လိုက်တယ်။ ပြီးတော့မှ Postမရေးခင် emailစစ်လိုက် ဦးမယ်ဆိုတဲ့ စိတ်နဲ့ စစ်လိုက်မိတယ်။ အဲဒီမှာ သူငယ်ချင်းရဲ့ အမက forwardလုပ် ထားတဲ့ when i become old ဆိုတဲ့ emailကို ဖတ်လိုက်မိတယ် ဆိုရင်ဘဲအစတည်းက အိမ်ကိုလွမ်းတဲ့ စိတ်ဖြစ်နေတဲ့ ကျွန်တော် ပိုလို့တောင် လွမ်းလာမိတယ်။ အခုလို မိသားစု နဲ့ဝေးကွာပြီး တစ်မြေ တစ်ရပ်ခြားမှာ နေရမှဘဲ မိဘရဲ့ တန်ဘိုးကိုနား လည်လာမိတယ်။ မိဘအိမ်မှာနေတုန်းက ဘာမှပူပင် စရာမလို မနက် အိပ်ရာထတာနဲ့ ကော်ဖီနဲ့ မုန့်က အဆင်သင့်။အ၀တ်အစား ဆိုရင်လည်းလျှော်ပြီးသား မီးပူတိုက် ပြီးသား အဆင်သင့်။ အော် အခုများတော့ ကိုယ့်ဘာသာကိုယ် အကုန်လုပ်နေရတယ် မေမေ။ မိဘအိမ်မှာ ဆို အလုပ်က ပြန်လာတာနဲ့ ရေချိုးပြီး ထမင်းစားပွဲဝင်ထိုင်လိုက် ရုံနဲ့ ခူးပြီးသား ထမင်းပွဲ ကအဆင်သင့်။ အမေရယ် အမေ့ လက်ရာလေး ကိုလွမ်းလိုက်တာ။ အော်မေမေ့ မေတ္တာကြီးမား လှပါလား။


အလုပ်ကပြန်လာတဲ့ အချိန်တိုင်းမှာ "သား မင်းအလုပ်က အဆင်ပြေလား" လို့အမြဲတမ်းမေးတတ်တဲ့အဖေ့စကားသံကိုလွမ်းတယ်
်အဖေ။ အခုတော့ အလုပ်ကပြန်လာရင် ဆီးကြိုနေတတ်တာက သော့ခတ်ထား တဲ့တံခါးကြီးပါလား။ ဘယ်အရာကို ဘယ်လိုလုပ်ရ မယ် ဘယ်အလုပ်ကို ဘယ်လို ကြိုးစားရမယ် လို့အမြဲတမ်းသွန်သင်ဆုံးမတတ်တဲ့ အဖေ့ရဲ့ ဆုံးမစကားတွေ ကိုလွမ်းတယ်အဖေ။ တစ်လောကလုံး မှာကျွန်တော်အလေးစားဆုံးက ကျွန်တော့်ရဲ့အဖေပါ။ ကျွန်တော် စိတ်ထဲကစွဲမြဲစွာခံယူသတ်မှတ်ထားတဲ့သူရဲကောင်း
ကလည်း အဖေပါ အဖေ။ အခုလို အဖေနဲ့ဝေးနေချိန်မှာ ကျွန်တော်သိလိုက် တာတစ်ခုရှိတယ်အဖေ။ အဲဒါကအဖေ့ ကျေးဇူးကြီးမား လိုက်တာ။


ဖ၀ါးလက်နှလုံး ပခုံးလက်နှစ်သစ် ဆိုတဲ့အရွယ်ကနေ ယနေ့ လူလားမြောက်ကြီးပြင်းလာတဲ့ အချိန်အထိ ကျွေးမွေး ပြုစုစောင့်ရှောက် လာတဲ့ ကြီးမားလှတဲ့ မိဘနှစ်ပါးရဲ့ အနန္တမေတ္တာစေတနာ တွေကိုသားလေ ဘယ်သောအခါမှ မမေ့ခဲ့ပါဘူး။ အသက်အရွယ်ကြီးရင့်လို့ ဇရာရဲ့ အရေးအကြောင်းတွေ ထင်ဟပ်နေပေမယ့် သားအတွက်တော့ ဖေဖေနဲ့မေမေ မျက်နှာဟာအမြဲတမ်း ကျက်သရေ အပေါင်းနဲ့ ပြည့်စုံလို့ လှနေပါတယ် ဖေဖေနဲ့ မေမေ။

ဘယ်လိုနေရမလဲ

လောကမှာလူရယ်လို့ ဖြစ်လာပြီးရင်တော့ တစ်ဦးတစ်ယောက် ထဲနေဖို့ဆိုတာ မဖြစ်နိုင်တော့ပါဘူး။ ဘာကြောင့်လဲဆိုတော့ လူဖြစ်နေလို့ပါဘဲ။ လူ့အသိုင်းအ၀ိုင်းထဲမှာ လူတို့ သတ်မှတ်ထားတဲ့ စည်းမျဉ်းစည်းကမ်းတွေ လူ့ယဉ်ကျေးမှုလှုမှုဆက်ဆံပေါင်းသင်း
ရေး အစရှိတဲ့ စည်းမျဉ်းတွေနဲ့ ထုံမွှန်းထားတဲ့ ပေါင်းသင်းဆက်ဆံရေး နယ်ပယ်ထဲမှာ တစ်နည်းမဟုတ် တစ်နည်းနဲ့ ကျင်လည်နေ
ကြရလို့ပါဘဲ။ဒီလိုကျင်လည်တဲ့ နေရာမှာ လူတွေနဲ့ပေါင်းသင်းဆက်ဆံ တဲ့နေရာမှာ တစ်ချို့တွေနဲ့က ပြသနာမရှိပေမယ့် တစ်ချို့
သောလူတွေနဲ့ ပေါင်းသင်းဆက်ဆံတဲ့နေရာမှာတော့ ပြသနာလေးတွေရှိတတ်ပါတယ်။ ဒီအကြောင်းလေးနဲ့ ပတ်သက်ပြီး ကျွန်တော်
လေ့လာမိသလောက် ပြောရမယ်ဆိုရင်တော့ တစ်ချိူ့တွေက သူတို့နဲ့ပေါင်းသင်း ဆက်ဆံတဲ့လူတွေအပေါ်မှာအထက်စီးကနေဆက်ဆံ
လေ့ရှိတတ်ကြတယ်။သူတို့နဲ့ပတ်သက်ပြီး သူ့ပတ်ဝန်းကျင်က အထင်ကြီးစေချင်တဲ့သဘောမျိုးပေါ့။ တစ်ချို့ကျတော့လည်းမာန
ကြီးတတ်ကျတယ်။ ဘယ်သူကိုမှသူတို့နဲ့ မတန်ဘူးပေါ့လေ။တစ်ချို့ကျတော့ စကားပြောတာကအစ အပြူအမူ အနေအထိုင်အဆုံး သူများချစ်အောင် ခင်အောင်နေတတ်ကြတယ်။ ဒါပေမယ့် သူတို့အတွင်းစိတ်ကတော့ သူတို့အပြုအမူနဲ့ တခြားစီဖြစ်နေတတ်ကြတယ်။
ဒီလိုလူမျိူးကတော့ လူလည်အမျိူးအစားထဲမှာ ပါတာပေါ့။ ဒီမှာအဓိကတွေ့ရ တာကတော့ စောစောကပြောခဲ့တဲ့ လူမျိူးတွေထဲမှာ
အထက်စီးကနေဆက်ဆံ တတ်တဲ့လူမျိူးတွေကတော့ ပတ်ဝန်းကျင်နဲ့ တဖြေးဖြေးဝေးကွာသွားတတ် ကြတယ်။ သူတို့အကြောင်းသိ
သွားတဲ့လူတွေကမပေါင်းကြတော့လို့ပါဘဲ။ အဓိကကြောက်စရာအကောင်းဆုံးနဲ့ သတိထားစရာအကောင်းဆုံး လူကတော့ စောစော
ကပြောခဲ့တဲ့ လူလည်အမျိုးအစားထဲ ပါတဲ့လူပေါ့။ ဒီလိုလူမျိူးကတော့ တော်တော်သတိထားရမှာပါ။ ဒါပေမယ့် နေ့စဉ်နဲ့အမျှရုန်းကန်
လှုပ်ရှား ကျင်လည်နေရတဲ့ ဘ၀ဆိုတဲ့ ဇာတ်ခုံပေါ်မှာ ဘယ်သူနဲ့မှပေါင်းမယ် ဘယ်သူနဲ့ မပေါင်းဘူးလို့ တရားသေရွေးချယ်လို့တော့
မရနှိင်ပါဘူး။ တစ်ခါတစ်ရံမှာတော့ မလွှဲမရှောင်သာ ဆက်ဆံရတာမျိုးတွေ ရှိတတ်ပါတယ်။ ဒီတော့သတိထားပြီး ပေါင်းသင်းဘို့ဘဲ ရှိ
ပါတယ်။ လူ့အသိုင်းအ၀ိုင်း လူ့ပတ်ဝန်းကျင်ထဲမှာ သွားလာလှုပ်ရှား ရုန်းကန်နေရတဲ့ ကျွန်တော်တို့ကိုယ်တိုင်ကော ပတ်ဝန်းကျင်က
ကိုယ့်ကိုဘယ်လိုလူမျိုးအဖြစ် သတ်မှတ်ထားလဲ ကိုယ့်ရဲ့ ပြုမူပေါင်းသင်းဆက်ဆံပုံကကော ဘယ်လိုလူအမျိုးအစားထဲမှာပါနေလဲဆို
တာကိုယ်ကိုတိုင် ပြန်လည်စမ်းစစ်ဖို့တော့ လိုအပ်ပါတယ်။ ဘယ်လိုပုံစံမျိူးနဲ့ဘဲ ဖြစ်ဖြစ်လူတွေကြားထဲမှာ နေထိုင်နေတဲ့ကျွန်တော်တို့ ကိုယ့်ပတ်ဝန်းကျင်နဲ့ သဟဇာတဖြစ်အောင်တော့ နေရမှာပါဘဲ။ ဒါကြောင့်မို့ လောကမှာလူရယ်လို့ ဖြစ်လာပြီးရင် လူတွေကြားထဲမှာ
ဘယ်လိုနေရမလဲ ဆိုတာသေချာလေ့လာစမ်းစစ်ဖို့တော့ လိုအပ်ပါတယ်။ မတစ်ထောင်ဖွား လူတွေကြားထဲမှာ ဘယ်လိုနေကြရမလဲ??


ရီရီမောမော ၀င်ကာရောတော့
လူပေါကြီးလို့ ဆိုကြတယ်...
မရီမရော တည်တည်ပြောတော့
မာနကြီးတယ် ဘ၀င်မြင့်တယ်တဲ့...
ကိစ္စများမြောင် လူတို့ဘောင်မှာ
စိတ်မျိုးထွေထွေ လူတွေကြားထဲ
ငါဘယ်လိုနေရမလဲ....???

ပိုလာဝက်ဝံရဲ့ ပုံပြင်

မြောက်ဝင်ရိုးစွန်းမှာနေတဲ့ ပိုလာဝက်ဝံရဲ့ ပုံပြင်တစ်ပုဒ်ကို ကြားဖူးပါသလား....?
အေးခဲတဲ့ မြောက်ဝင်ရိုးစွန်းမှာ ပိုလာဝက်ဝံတွေဟာ ဘုရင်တစ်ဆူလိုပဲ။ ဒါပေမယ့် အက်စကီးမိုး လူမျိုးတွေက ဘာမှ
အင်အားထုတ်စရာမလိုဘဲ အဲဒီဝက်ဝံတွေကိုဖမ်းနိုင်တယ်။
ဘယ်လိုဖမ်းသလဲဆိုတော့ အက်စကီးမိုးတွေက ဖျံတစ်ကောင်ကို အရင်သတ်လိုက်ပြီး ဖျံရဲ့သွေးကို ပုံးတစ်ခုထဲ
ထည့်ထားလိုက်တယ်။ အသွားနှစ်ဖက်ပါတဲ့ ဓါးမြှောင်ကို သွေးထဲမှာ စိုက်ထားလိုက်တယ်။ အရမ်းအေးတဲ့အတွက် ဖျံသွေးဟာ
အချိန်တိုအတွင်းမှာ ခဲသွားပါတယ်။ အဲဒီခဲသွားတဲ့ ဓါးမြှောင်ပါတဲ့ ဖျံသွေးကို ပုံးထဲကထုတ်ပြီး ရေခဲပြင်မှာ ပစ်ထားလိုက်ရုံပါပဲ။
ဝက်ဝံတွေက သွေးအရမ်းကြိုက်တယ်။ အဲဒီအကြိုက်ကပဲ သူတို့ကို သေမင်းလက်ထဲ ရောက်စေခဲ့တယ်။ အနံ့ခံကောင်းတဲ့
သူတို့ဟာ သွေးညှီနံ့ကို အဝေးကြီးကတောင် ရနိုင်ပါတယ်။ အက်စကီးမိုးတို့ ပစ်ထားတဲ့ သွေးခဲကို ခြေရာခံပြီး တွေ့တာနဲ့
အငမ်းမရ လျှာနဲ့ စတင်လျက်ပါတော့တယ်။ လျက်ရင်း လျက်ရင်း လျှာခဲသွားလည်း အစာကောင်းကို လက်မလွတ်ချင်တာနဲ့
ဆက်လျက်ပါတယ်။ အဲဒီနောက် ခဲနေတဲ့သွေးက ပိုချိုလာတယ်။ ပိုလတ်ဆတ်လာတယ်။ ပိုပူနွေးလာတယ်ဆိုကို
သတိမထားမိတော့တဲ့အထိပါပဲ။
လျက်လေ အရသာရှိလေ၊ အရသာရှိလေ လျက်လေနဲ့ သူတို့ရဲ့သွေးကို သူတို့ သောက်နေမိမှန်းတောင် မသိကြတော့ပါဘူး။
အကြောင်းက သွေးခဲအလယ်မှာ စိုက်ထားတဲ့ ဓားက လျက်နေတဲ့ သူတို့လျှာကို လှီးဖြတ်နေခဲ့လို့ပဲ။ အအေးဓာတ်ကြောင့်
ထုံနေတဲ့ လျှာက နာကျင်တာကို မခံစားမိတော့ဘူး။ အနံ့ခံကောင်းတဲ့ နှာခေါင်းက လတ်ဆတ်တဲ့ သွေးနံ့ရလေ လျက်နှုန်းက
မြန်လေလေ နောက်တော့ ကိုယ့်သွေးကို ကိုယ်ပြန်သောက်နေမိတော့တယ်။ နောက်ဆုံးတော့ သွေးထွက်လွန်ပြီး
မူးလဲသွားပါတယ်။ အဲဒီအချိန်မှာ အက်စကီးမိုးတွေက သူတို့ကို ဘာအင်အားမှ မသုံးဘဲ ဖမ်းလိုက်ရုံပါပဲ။
ဘ၀ရဲ့ ပျော်ရွှင်ခြင်းတွေကို ရှာဖွေတဲ့အချိန်မှာ အတွေးအခေါ်၊ အယူအဆတွေ လွဲမှားခဲ့ရင် ကျွန်တော်တို့ဟာလည်း
ပိုလာဝက်ဝံနဲ့ တူသွားနိုင်တယ်။ တစ်ချို့လူတွေက အလုပ်ချိန် များများလုပ်လေ ပိုအောင်မြင်လေလေ ၀င်ငွေများများ
ရလေလေလို့ ထင်တတ်ကြတယ်။ ဒါပေမယ့် သူတို့မှာ အဲဒီငွေကြေးကို ဖြုန်းဖို့ အချိန်မရှိခဲ့ကြဘူး။ တစ်ချို့က အဲဒီငွေကြေးကို
ဘယ်လိုသုံးရမယ်မှန်းမသိကြဘူး။
ဝင်ငွေများလာတာနဲ့နည်းတူ တစ်ဖက်မှာလည်း တစ်ချို့အရာတွေကို သူတို့ဆုံးရှုံး ကြရတယ်။ လူ့ဘ၀ရဲ့ တန်ဖိုးအရှိဆုံး
အရာဖြစ်တဲ့ မိသားစုနဲ့အတူနေတဲ့ အချိန်တွေ၊ နွေးထွေးတဲ့ မိဘမေတ္တာငတ်နေတဲ့ သားသမီးတွေ၊ လူမှုရေး၊ ကျန်းမာရေး၊
လူတစ်ဖက်သားကိုကူညီဖို့အရေးဆိုတာကိုတောင်သူတို့မေ့နေခဲ့ကြတယ်။
အမေရိကားရဲ့ အပတ်စဉ် ဂျာနယ်တစ်ခုက အငြိမ်းစားယူကုန်ကြတဲ့ ထိပ်သီးစီးပွါးရေး ပညာရှင် ဆယ်ဦးကို မေးခွန်းမေးပြီး
စာရင်းလုပ်ခဲ့ဖူးတယ်။ မေးခွန်းက “ တကယ်လို့ ဘ၀ကို အသစ်ပြန်စရရင် သင်အမျှော်လင့်ဆုံးနဲ့ လက်မလွတ်ချင်ဆုံးအရာက
ဘာလဲ” တဲ့။ ပညာရှင် ခုနှစ်ဦးက တူညီတဲ့ အဖြေကိုပေးခဲ့ပါတယ်။ အဖြေက “ တကယ်လို့ ဘ၀ကို အသစ်ပြန်စရရင်
သားသမီးတွေနဲ့ အတူနေတဲ့အချိန်ကို လက်မလွတ်ချင်ဆုံးပါ”လို့ ပြန်ဖြေခဲ့ကြတယ်။
တစ်ချို့လူတွေက ဆုံးဖြတ်ပြီးရင် နောင်တမရဘူးလို့ ပြောတတ်ကြတယ်။ ဒါပေမယ့် မဆုံးဖြတ်ခင် သေချာ မစဉ်းစားခဲ့ရင်
နောက်ဆုံးတော့ နောင်တ ရကြစမြဲပါပဲ။ ပျော်ပျော်နေတတ်တဲ့ သူငယ်ချင်းတစ်ယောက်က ပြောဖူးပါတယ်။ ငွေဟာ
ရှာလို့မကုန်နိုင်တဲ့ အရာပါတဲ့... ရှာလေလေ ရလေလေ လိုချင်လေလေ နောက်ဆုံးတော့ လုံလောက်ပြီလို့ မထင်ဘဲ
ငွေနောက်ကိုပဲ ကောက်ကောက်ပါ ကုန်ကြတယ်တဲ့။ ကျွန်တော်တို့ဟာ ပိုလာဝက်ဝံလို ကိုယ့်သွေးကို သောက်ပြီး
ပျော်နေကြတဲ့လူ ဖြစ်နေခဲ့ပြီလား...?
တင်းတိမ် ရောင့်ရဲနိုင်တဲ့လူက ဘယ်တော့မှ မဆင်းရဲဘူး။ မတင်းတိမ်နိုင်တဲ့လူက အမြဲဆင်းရဲနေတယ်။


သူငယ်ချင်းတစ်ယောက်က forward လုပ်လိုက်တဲ့ mail လေးပါ။ ဒီပုံပြင်လေးကို ဖတ်ပြီးရင်ကိုယ်ကိုတိုင်ကော ပိုလာဝက်ဝံ
ဖြစ်နေပြီလားဆိုတာ စဉ်းစားဖို့လိုပြီနော်။

မိုးမြင့်တိမ်မွေးဖွားခြင်း

မိုးမြင့်တိမ်ဆိုတဲ့ ဘလော့ခ်လေးဖြစ်ပေါ်လာပုံ (သို့မဟုတ်) မိုးမြင့်တိမ်မွေးဖွားလာခြင်း အကြောင်းလေး နည်းနည်းပြောပြချင်လို့ပါ။ ကျွန်တော် ၁၀တန်းအောင်ပြီးချိန်လောက် ကတည်းကစပြီး စိတ်ဝင်စားခဲ့တဲ့ ၀ါသနာကတော့ programmer တစ်ယောက်ဇြစ်ချင်တာပါ။ ဒါပေမယ့် ဘ၀ဆိုတာကလည်း ခက်သားလားဗျာ။ တစ်ခါတစ်ရံမှာ ၀ါသနာနဲ့ရပ်တည်မှု ဆိုတာ တသားတည်း မကျတတ်ဘူးလေ။ ၀ါသနာပါတာက programming တစ်ကယ်တမ်း ဖြစ်လာတာကတော့ အဆောက်အအုံတွေ ဆောက်ရတဲ့အင်ဂျင်နီယာ။ ဒါပေမယ့် ဘ၀ဇာတ်ဆရာ အလိုကျ အင်ဂျင်နီယာဘ၀ကို ကပြရင်းနဲ့ပဲ ကိုယ်ဝါသနာပါတဲ့ computer ကိုလည်း တတ်နိုင်သလောက် လေ့လာခဲ့ပါတယ်။ ဒါကတော့ ကျွန်တော့်ဝါသနာအကြောင်းလေး ပြောပြတာပါ။ ကျွန်တော် အဓိကပြောချင်တာကတော့ မိုးမြင့်တိမ်မွေးဖွားလာပုံလေးပါ။

ဒီအကြောင်းလေးကို ပြောပြရမှာ နည်းနည်းလေးရှည်တာမို့ ကျွန်တော့် blog ကို ၀င်ရောက်ဖတ်ရှု အားပေးကြတဲ့ သူငယ်ချင်းများက နည်းနည်းသည်းခံပြီး ဖတ်ပေးဖို့ မေတ္တာရပ်ခံချင်ပါတယ်။ တကယ်တော့ ဒီမိုးမြင့်တိမ် blog လေးကို ဖန်တီးခဲ့သူက ကျွန်တော်တစ်ယောက်တည်း မဟုတ်ပါဘူး။ မိုးမြင့်တိမ်မွေးဖွားဖို့အတွက် အဓိကအခန်းကဏ္ဍက ပါဝင်ကူညီပေးတာကတော့ အစိမ်းရောင်ကောင်မလေးပါ။ သူမပါဘဲ မိုးမြင့်တိမ်ဆိုတာ မွေးဖွားလာမှာ မဟုတ်ပါဘူး။ ဒီနေရာမှာ ကျွန်တော်နဲ့ ကျွန်တော့်ညီမအရင်းလေးလိုခင်ရတဲ့ အစိမ်းရောင်ကောင်မလေး တွေ့ဆုံခင်မင်မှုကို နည်းနည်း ပြောပြချင်ပါတယ်။ ကျွန်တော်စောစောက ပြောပြခဲ့သလို ဘ၀ဇာတ်ဆရာအလိုကျ အင်ဂျင်နီယာဘ၀ကို ကပြဘို့အတွက် ဆောက်လုပ်ရေးကုမ္ပ္ပဏီတခုမှာ အလုပ်ဝင်ခဲ့ပါတယ်။ စလုပ်ခါစတော့ အခက်အခဲတွေနဲ့ ရင်ဆိုင်ရတာပေါ့ဗျာ။ နောက်တော့လည်း တဖြေးဖြေး အဆင်ပြေလာပါတယ်။ ဒီလိုနဲ့ တစ်နှစ်လောက်ကြာတဲ့အချိန် တနေ့ကျွန်တော်စာရွက်ပုံတွေကြား ခေါင်းစိုက်နေတုန်း ကျွန်တော့်ဆရာက ကျွန်တော့်ကိုခေါ်ပြီး အသစ်ရောက်လာတဲ့ ကောင်မလေးသုံးယောက်နဲ့ မိတ်ဆက်ပေးပါတယ်။ အဲဒီအထဲမှာ နောင်တစ်ချိန် အစိမ်းရောင်မိန်းကလေး ဖြစ်လာမယ့် ကောင်မလေးလဲ ပါတာပေါ့။ ပြီးတော့ လိုအပ်တာတွေလည်း သင်ပြပေးဘို့ ပြောပါတယ်။ ဒီလိုနဲ့ ကျွန်တော်နဲ့ အဲဒီကောင်မလေးသုံးယောက်နဲ့ ရင်းနှီးခဲ့ကြပါတယ်။ ဒီလိုနဲ့ ကျွန်တော်တို့ မောင်နှမလေးယောက် တက်ညီလက်ညီနဲ့ အလုပ်အတူတူလုပ်ကြရင်းနဲ့ တနေ့ကျွန်တော်တို့တွေ ခွဲခွာရမယ့်တနေ့ကို ရောက်လာခဲ့ပါတော့တယ်။ အဲဒီခွဲခွာမူကို စတင်ဖန်တီးခဲ့သူကတော့ ကျွန်တော်ပါဘဲ။ ကျွန်တော့်ဝါသနာ၊ ကျွန်တော့်မိသားစု အတွက် ကျွန်တော့်အင်ဂျင်နီယာဘ၀ အစပျိုးရာ ဆောက်လုပ်ရေးကုမ္ပ္ပဏီအပါအ၀င် ကျွန်တော့်ညီမလေး သုံးယောက်နဲ့ ကျွန်တော်ခွဲခွာခဲ့ပါတယ်။

ဒီလိုနဲ့ ကျွန်တော်လည်း ကိုယ့်ဘ၀ကိုတိုးတက်ရာ ရှာရင်းနဲ့ ကုမ္ပ္ပဏီတစ်ခုပြီးတစ်ခု ပြောင်းခဲ့ပါတယ်။ဒီလိုဘ၀ကိုရင်ဆိုင်နေရင်းနဲ့ အစိမ်းရောင်ကောင်မလေး ဖြစ်လာမယ့် ကျွန်တော့်ညီမလေး စကာင်္ပူထွက်သွားပြီလို့ သတင်းကြားလိုက်ပါတယ်။ ဒီသတင်းကြားတော့ ကျွန်တော် တော်တော ၀မ်းသာမိပါတယ်။ ပြီးတော့ဝမ်းလည်းနည်းမိပါတယ်။ ဘာလို့လဲဆိုတော့ ကျွန်တော်ဒီညီမလေးနဲ့ပြန်တွေ့ဘို့မလွယ်တော့ဘူးဆိုတဲ့ အသိကြောင့်ပါ။နောက်ငါးလလောက်ကြာတော့ နောက်ထပ်ညီမလေးတစ်ယောက် ထပ်ထွက်သွားပြန်တယ်။ အဲဒီတုန်းကလည်း ကျွန်တော်ဝမ်းသာဝမ်းနည်း ဖြစ်ရပါတယ်။ဒီလိုနဲ့ ကျွန်တော်လည်း ကိုယ့်ဘ၀ကိုယ်ရုန်းကန်ရင်း တနေ့တော့ စင်္ကာပူနိုင်ငံမှာ အလုပ်သွားလုပ်ဖို့ အကြောင်းကဖန်လာ ပါတော့တယ်။ ဒီလိုနဲ့ ကျွန်တော်လည်း စင်္ကာပူလာဖို့ပြင်ဆင်ရင်း အစိမ်းရောင်မိန်းကလေးနဲ့ အဆက်အသွယ်ပြန်ရခဲ့ပါတယ်။ ကျွန်တော်စင်္ကာပူရောက်တဲ့ အချိန်မှာတော့ သူဟာအစိမ်းရောင်မိန်းကလေး ဖြစ်နေပါပြီ။ ဒီလိုနဲ့တနေ့စကားစပ်မိရင်းကနေ သူ့blog address ကို ကျွန်တော့်ကို ပြောပြခဲ့ပါတယ်။ ၀င်ပြီးလေ့လာဖို့လည်း တိုက်တွန်းခဲ့ပါတယ်။ ကျွန်တော်ကလည်း အစကတည်းက ကွန်ပြူတာနဲ့ ပတ်သက်ရင် ၀ါသနာပါပြီးသားဆိုတော့ သူတိုက်တွန်းသလို သူ့blogကို ၀င်ရောက်လေ့လာမိပါတယ်။ ဒီလိုလေ့လာမိတဲ့အချိန်မှာပဲ ကျွန်တော်ကိုယ်တိုင်လည်း blog ရေးချင်စိတ် ဖြစ်လာပါတယ်။ ဒါနဲ့ပဲ ကျွန်တော်အစိမ်းရောင်မိန်းကလေးကို အကူအညီတောင်းခဲ့ပါတယ်။ သူကလည်း အားတက်သရော်နဲ့ပဲ ကျွန်တော့်ကိုကူညီခဲ့ပါတယ်။ နောက်ခံ backgroundကအစ post ခေါင်းစဉ်အဆုံး အားလုံးဟာအစိမ်းရောင်မိန်းကလေးရဲ့ စိတ်ကူးစိတ်သန်းနဲ့ ပုံဖော်မှုတွေချည်းပါဘဲ။ ကျွန်တော်က သူစိတ်ကှုးပုံဖော်ထားတဲ့ blogလေးပေါ်မှာ postလေးတွေ ရေးတင်ရုံသာ ရှိပါတယ်။ ဒါကြောင့်မို့ မိုးမြင့်တိမ်ဟာ အစိမ်းရောင်မိန်းကလေးမရှိဘဲနဲ့ ဖြစ်တည်မလာနိုင်ဘူးလို့ ကျွန်တော်ပြောခဲ့တာပါ။

နောက်ဆုံးမှာတော့ အစိမ်းရောင်မိန်းကလေးရဲ့ စိတ်ကူးပုံဖော်မှု ကျွန်တော့်ရဲ့post တွေ ပေါင်းစပ်ပြီး "မိုးမြင့်တိမ်" ဆိုတဲ့blogလေးကို အောင်မြင်စွာနဲ့ မွေးဖွားခဲ့ပါပြီ။ ဒီအတွက် အစစအရာရာ ကူညီပံ့ပိုးပုံဖော်ပေးခဲ့တဲ့ အစိမ်းရောင်မိန်းကလေးကို ကျွန်တော် ထာဝရ ကျေးဇူးတင်နေမှာပါ။အစိမ်းရောင်မိန်းကလေးရဲ့ စိတ်ကူးပုံဖော်မှုနဲ့ ကျွန်တော်ရဲ့postများ ပေါင်းစပ်ထားတဲ့ ဒီblogလေးပေါ်မှာ ကျွန်တော်တတ်နိုင်သမျှ၊ လက်လှမ်းမှီသမျှ postများကို ဆက်လက် ရေးသားသွားပါမယ်လို့ ပြောရင်း "မိုးမြင့်တိမ်မွေးဖွားခြင်း"ဆိုတဲ့ ဆောင်းပါးလေး
ကိုအဆုံးသတ်လိုက်ပါတယ်။