သို့....

တိမ်းညွှတ်ရီဝေသွားတဲ့
ပြဋ္ဌာန်းမှုသက်သက် နေ့ရက်တွေမှာ
အဘိဓမ္မာရဲ့ သက်ပြင်းဟာလည်း
အလင်းမဲ့စွာ ဆွံ့အနေခဲ့တော့
စပါးလုံးတစ်ထောက်စာလောက်တော့
ငါ့ကိုသောက်ခွင့်ပြုပါ မာယာ ။ ။

ယှက်ထွေးထွက်ပြေးသွားတဲ့ ပန်းနုရောင်ဖွေးဖွေးလေးမှာ
ဖူးပွင့်နေတတ်တဲ့ သွေးကြောစိမ်းမြမြလေးတွေ
ဖွေးဖွေးလှုပ်ပွင့်နေတဲ့ သန္တာကျောက်တန်းတွေမှာ
ဖြာကျနေတတ်တဲ့ ဆံနွယ်လေးတွေ
အထင်ကရမဟုတ်ပေမယ့် အမှတ်တရဖြစ်သွားတဲ့အရာတွေ
မုဆိုးဖြစ်သွားတဲ့ သားကောင်တွေ
သီဖွဲ့ရေးစပ်နေရင်း
အခု...
ဘ၀ရဲ့တောနက်ထဲ ရမ္မက်တွေပဲကြွေကြွေကျနေခဲ့ ။ ။

အယူအဆဆိုတာ လူကဖြစ်တယ်
မာတိကာဟာလည်း သင်ရိုးတစ်ခုရဲ့ဥပစာ
လမင်းအပြုံးရဲ့ အံဝှက်အောက်မှာပဲ
နာကျင်မှုတွေကို ကျစ်လျစ်မြဲမြံစေခဲ့တော့
ရင်ကွဲနာဆိုတာ ရာဇ၀င်ထဲကဒဏ္ဍာရီသာသာ ။ ။

တစ်ခုလိုချင် တစ်ခုပေးရတဲ့
အာရုံဝတ်ရုံခြုံ ဟောဒီ့လောကီဘုံမှာ
အတုံ့အလှည့်တွေ အနိမ့်အမြင့်တွေ
အသွားအပြန်တွေ အလျားအနံတွေ
ပိုင်ဆိုင်ရယူခြင်းတွေ ပေးဆပ်စွန့်လွှတ်ခြင်းတွေနဲ့
အနစ်နာခံခြင်းမှာပဲ
အချစ်ဟာလည်း ဒဏ်ရာတွေကိုဖန်ဆင်းခဲ့တယ် ။ ။

သက်ပြင်းတစ်ခုရဲ့ ရင်လှိုက်ဖိုမှုမှာ
ပြင်းပြစွာ အော်မြည်ပစ်လိုက်တဲ့
ညတစ်စင်းရဲ့ လေတိုးသံဟာ
ကြေကွဲမှု အနုပညာဆန်နေခဲ့မှန်း
နင်သိတတ်ခဲ့ရင်
သံသရာမှာ ဆက်သွယ်ခွင့်လက်မှတ်တစ်စောင်
မာယာရေ....
မင်းအတွက် လက်ဆောင်ပို့လိုက်မယ် ။ ။


စိတ်၏စေရာနာခံလေသော
မိုးမြင့်တိမ်