ညချော့တေး

ကိုယ့်အဠာရသနဲ့ ကိုယ်ပြန်အကျဉ်းကျ
ညတစ်ညရဲ့ မဏ္ဍိုင်ဟာ
ကိုင်လှုပ်ခံရတဲ့ လှံတစ်ချောင်းရဲ့အဖျားလို
ယိမ်းလို့ခါလို့ ။ ။

သုခုမဆန်ချင်စရာ တောရဲ့မာယာနဲ့
မြို့ပြတို့ရဲ့ဂီတ ရောနှောအချိုးချရင်း
လင်းတစ်ခါ မှောင်တစ်လှည့်ဘ၀တွေရဲ့
ကျင်လည်မှု အချိုးအဆစ်ကြား
သံဆူးတဲ့ လမ်းတွေများခဲ့ရင်း
လှည့်ကွက်မပြီတဲ့ လှည့်ကွက်များစွာထဲ
မပွင့်ရဲတဲ့ လည်ချောင်းတံခါးတွေ
မျက်စိသူငယ်နားသူငယ်
ဆာလောင်မှုနယ်ပယ်ထဲက
တစ်ထွာတစ်မိုက်အိမ်တွေ
သားမဲ့မိခင်နဲ့ မိခင်မဲ့သားတွေ
ဖခင်တစ်ယောက်ရဲ့ ပုခုံးသားနဲ့
ခြေသလုံးအိမ်တိုင် ဂရုဏာတွေ
အရာရာဟာ သဘာဝနဲ့အတူအသားကျလို့...

အဲလိုညမျိုးမှာမှ ငါကနိုးထလာခဲ့တယ် ။ ။

မာယာအတတ်နဲ့ ယက်တဲ့တောင်းထဲ
ဝိညာဉ်တို့ရဲ့ကပွဲက ခြိမ့်ခြိမ့်သဲသဲပွဲခံ
အစွဲရှိသူတို့ရဲ့မှန်နဲ့ အစွဲမရှိသူတို့ရဲ့ဟန်
ပေါင်းစပ်ခြင်းရဲ့ သံစဉ်အောက်
လူဆိုတဲ့သတ္တ၀ါက ကြောက်ကြောက်လာတတ်ခဲ့ ။ ။

သူ့အသားက လျှာဖျားမှာစိမ့်နေအောင်ချိုမြသတဲ့
ကိုယ့်အသားကျမှ အခါးဆိုင်းဘုတ်ထောင်
ကမ်းမမြင်လမ်းမမြင်အောင် အမှောင်တွေထဲဖျော်ချ
ကိုယ့်မျှခြေနဲ့ ကိုယ်ရစ်ပတ်
အယူဝါဒ ကတုတ်ကျင်းများစွာနဲ့
လူလူချင်း ခင်းတဲ့စစ်တွေမှာ
အနိဠာရုံတွေကြီးထွား ရာသီတွေခြစားလို့
ခံတွင်းနဲ့ လျှာတောင်ရန်ဆောင်
အော်....
ဘ၀တွေ မှောင်မှောင်သွားကြပေါ့ ။ ။

နောက်ဆုံးတော့
ဘ၀ကို ဘောင်ကွပ်မဲ့အစား
ညကို အမှောင်သွတ်သွင်းလိုက်တယ်
မင်းလဲ အိပ်သင့်ပြီပေါ့လေ ။ ။


စိတ်၏စေရာနာခံလေသော
မိုးမြင့်တိမ်