Thursday, December 17, 2009

အမေကျေနပ်မှာပါလေ

ငိုမလိုပြိုတော့မယ့် တိမ်ညိုကိုကြည့်ရင်း
တကယ်ရွာချခဲ့တာ ကျွန်တော့်ရင်မှာပါ "အမေ" ။ ။

မြွေတစ်ကောင် ညှို့ဓါတ်ဖျက်ခံရတာ
လိပ်တစ်ကောင် အခွံချွတ်ခံရတာ
ငါးတစ်ကောင် ပါးဟက်အ၀ှက်ခံရတာ
ပိတုန်းတစ်ကောင် ၀တ်ရည်ပြတ်လပ်သွားတာ
သဘာဝတွေပဲလား "အမေ" ။ ။

ကိုယ်တိုင်ဖြန့်ခင်းလိုက်တဲ့ လစ်လပ်မှုတစ်နေရာမှာ
ကျောက ကျောက်ဖျာဖြစ်ပေမယ့်
ကျွန်တော် ထိုင်ခွင့်မရှိခဲ့ပါဘူး ။ ။

ပွင့်လင်းမှုရဲ့ ဘေးထွက်ဆိုးကြိုးတွေပဲလား "အမေ"
စိန်ခေါ်ထိုးသတ်ပွဲတွေတောင်မှ
အလံဖြူပြရင် ရန်သူဘ၀ကလွတ်ပါတယ်
ကျွန်တော့်စိတ်ကို ကြိုးဖြတ်ဖို့
ကျွန်တော့်ခွန်အားကို သတ်ကွင်းပို့ဖို့
ဘယ်လိုနတ်ဆိုးတွေ ကြိုးပမ်းနေကြလဲ
ဂြိုဟ်ခွင်ဂြိုဟ်လှည့်တွေက
စေတန်တို့အတွက် နေရာမပေးတော့ဘူးတဲ့လား "အမေ" ။ ။

ကိုယ့်ကိုယ်ကိုယ် မြှားတစ်စင်းလိုချွန်မြချင်ခဲ့တာပါ
နွေးထွေးမှုမဲ့ ရပ်ဝန်းရောက်လို့
သောကတွေ မီးလိုတောက်မှ
စိတ်ကူးတွေ အဆိပ်လူးခံရမှန်း
ဝမ်းပမ်းတနည်း သိလိုက်ရတယ် "အမေ" ။ ။

ပူနွေးလာတဲ့ ကမ္ဘာမြေနဲ့
လူမှုရေးဘာသာမကျေတဲ့ လူတွေကြားမှာ
ဆယ်ပေပတ်လည် အသိုက်ကျဉ်းက
မျက်နှာကျက်နဲ့ကြမ်းခင်းတွေ
အသက်ပြင်းပြင်းရှုနေရတယ် "အမေ" ။ ။

မငိုတတ်တော့တဲ့ မျက်လုံး
မပြုံးတတ်တော့တဲ့ မျက်နှာ
သံမဏိလို မာလာခဲ့ရင်း
အသဲ(သည်း)နှလုံးသာ မရှိခဲ့ရင်
စက်ရုပ်ဘာသာဗေဒမှာ
ကျွန်တော်ဘွဲ့ရပြီ "အမေ" ။ ။

ပူဆွေးညွှတ်တွေး မငိုကျွေးပါနဲ့ "အမေ"
အမြင့်တက်သူတို့ မှတ်တမ်းမှာ
လက်ပန်းကျမယ့် အဖြစ်မျိုးတွေရှိပေမယ့်
ကျွန်တော့်စိတ် အငုံအဖူးကို
ကဗျာတွေနဲ့ ထုံးကူးတတ်ခဲ့ပါပြီ ။ ။

ဖိနှိပ်ဝန်းကျင် အရောင်ဆိုးလို့
ကျွန်တော့်အတောင်တွေ ကျိုးရင်တောင်
"အမေ့" ရဲ့ အပြုံးတစ်ချက်
ကျွန်တော့် ဦးထက်ရွက်ခဲ့တာ
"အမေကျေနပ်မှာပါလေ" ။ ။


စိတ်၏စေရာနာခံလေသော
မိုးမြင့်တိမ်

Sunday, December 13, 2009

ရင်ခွင်ပြောင်းတဲ့ "လ"

ကိုယ့်အရောင်နဲ့ ကိုယ်ပြန်မှောင်နေခဲ့
အဲဒီ့ ဥပဒေမဲ့ညွန်းတမ်းမှာ
လိုတမျိုး မလိုတမျိုးမာတိကာနဲ့
ကိုယ်ကြိုးကြည့်သဒ္ဒါတွေသာ ပြဌာန်းတယ် ။ ။

မေတ္တာနဲ့ဖြူတဲ့ မြူတွေ
နွေးထွေးမှုနဲ့ ပွင့်တဲ့မနက်တွေ
စိတ်သံစဉ်ညီမျှ ဂီတလိုသူငယ်ချင်းတွေ
လွင့်ပါးကွယ်ပျောက် ဒီကျွန်းလယ်ရောက်မှ
ကိုယ့်လှေကိုယ် မှောက်ရမတဲ့

နွယ်တစ်မျှင်နဲ့ ဆင်တဲ့ချောက်ထဲ
လွတ်လပ်မှုတွေ အရောင်မွဲလို့
ထောင်မလဲတဲ့ ငွေတစ်ချို့နဲ့
ကိုယ့်ကိုယ်ကိုယ် ရှို့နေခဲ့ရပေါ့ ။ ။

ကိုယ့်စည်းကိုယ် တားကြည့်တော့
လူ ဘီလူး ခွဲခြားဖို့တောင်အားမရှိ
အခု ညိနေတဲ့နေရာက
ဓလေ့မတူ အတွေ့မတူ
စရိုက်မတူ အကြိုက်မတူ
ဦးနှောက်ကိုသာ ခြွေယူရင်း
ဖိနှိမ်ခြင်းအတတ်တွေ ပြောင်မြောက်
ပင်ကူလူသားတို့ရဲ့ ထောင်ချောက် ။ ။

ကျေကျေနပ်နပ် အဖောက်ခံကြသလို
အခြေအနေအရ အဖောက်ခံကြရ
အဖေ့အတွက် အမေ့အတွက်
မယားအတွက် သားအတွက်
ဇနီးအတွက် သမီးအတွက်
အကိုအတွက် မောင်အတွက်
အဲဒီ့ အတွက်ပေါင်းများစွာမှာ
ကျွန်ဆက်ထုံးတွေ သံသရာရှည်ဦးမယ် ။ ။

မသေချာမှုတွေနဲ့ ညှို့ယူခံရရင်း
အမွန်းကြပ်ဆုံးပိတ်ဆို့ခြင်းရဲ့ လေးဖက်လေးတန်မှာ
ညကိုသောက်သုံးဖို့ ရွံ့မုန်းလာတဲ့နောက်
"လ" တစ်စင်းဟာလည်း ရင်ခွင်ပြောင်းရင်းသာလိုက်တယ် ။ ။


စိတ်၏စေရာနာခံလေသော
မိုးမြင့်တိမ်

Wednesday, December 9, 2009

ဆေးရောင်စုံ

ခုန်တော့ ခုန်ချလိုက်တယ် ။

" ပလုံ " တော့မကြားရဘူး
ဘ၀တွေသာ ရူးသွားခဲ့တယ် ။ ။

မဇ္ဇျိမပဋိပဓာ ဤဘဒ္ဒကမ္ဘာမှာ
လှလှပပ လူ့ဘ၀တွေရှိတယ်
သဘာဝအရ လူ့အန္တတွေရှိတယ်
ရမ္မက်စိတ်ထွား လူ့ငနွားတွေရှိတယ်
တပ်မက်မှုခြုံ ဘီလူးပုံလူတွေရှိတယ် ။ ။

မျောပါစီးဆင်း လူ့ငဖျင်းတွေရှိတယ်
သွေးဆောင်မြူချိုး လူ့ငဆိုးတွေရှိတယ်
ပေါင်းစပ်ထွေးယူ အေးလိုသူတွေရှိတယ်
ကြွတက်စိတ်ထား လူ့အပူသားတွေရှိတယ် ။ ။

ပခုံးနှစ်ဖက်ကြားတော့ ခေါင်းပေါက်လိုက်ကြ
စိန်နားကပ်အရောင်နဲ့ ပါးပြောင်လိုက်ကြ
ဖွတ်ထက်မွဲလာတဲ့ စိတ်အဆင်အယင်တွေမှာ
သောင်ပြင်လွှတ်တဲ့ ဘ၀တွေသာများလာခဲ့ ။ ။

လူလူချင်း လှေကားထစ်လိုချနင်းလာကြတဲ့ခေတ်ထဲ
ထီးဖြူ ဖိနပ်ပါး တစ်ဝမ်းတစ်ခါးနဲ့
အမယ်အိုရဲ့ မျက်ရည်ဟင်းခါးတစ်ခွက်
အေးစက်ခါးသက် ရောင်းဈေးတက်ခဲ့။ ။

ရင်တွင်းဖြစ် ရွှေချအတ္တနဲ့
အရေခြုံခြင်း အလေ့အထ
ခြူချစရာမလို ဈေးကွက်ပိုခဲ့ ။ ။

တစ်ရက်စာတောင် မပွင့်တော့တဲ့ အပြုံးနဲ့
မမျှတတော့တဲ့ အပေးအယူမှာ
ချိန်ခွင်တွေ အလေးမတူခဲ့ကြရင်း
လောကပါလကို ကျောကခွာချလိုက်တဲ့နောက်
လှစ်ဟမှုတွေရဲ့ အကွယ်
ချောက်တွေဘယ်လောက်ကျယ်နေကြပြီလဲ ။ ။

ရုန်းထွက်လေမှ နွံနစ်ရတဲ့ သနစ်တွေ
ခြင်္သေ့မြေမှာ ပေါက်ကွဲရတဲ့ အဖြစ်တွေ ။ ။


စိတ်၏စေရာနာခံလေသော
မိုးမြင့်တိမ်

Wednesday, December 2, 2009

ပန်းတိုင်းမွှေးစေချင်ပါသည်

ညိုညစ်ညစ်မျက်ဝန်းအောက်တွင် မျှော်လင့်ချက်တို့သည်လည်း နိုးမထနိုင်တော့ခြင်းနှင့် အတူလဲလျောင်းအိပ် စက်နေနှင့်ပြီ။ ခိုတွဲကျလာသော မျက်ရည်ဥတို့သည်ပင် အင်အားချိနဲ့စွာ လိမ့်ဆင်းခြင်းငှာ မတတ်သာ တော့သည့်အဆုံး မျက်ဝန်းအိမ်တ၀ိုက်၌သာ ရစ်ဝဲဝေ့သီ ။ အတိတ်ဆီသို့ မျှော်ရည်တမ်းတနေမိသော စိတ်အ စဉ်၌ ယူကြုံးမရခြင်းနှင့်အတူ နောင်တကသာ နေရာယူလွှမ်းမိုးရင်း ။ ။

ဆင်ခြင်တုံတရားတစ်ခု၏ သတိလက်လွတ်ချိန်၌ ဖြစ်ပျက်ခဲ့သော ကျူးလွန်ခဲ့မိသော အဖြစ်တစ်ခုက တစ်ဘ၀စာပေးဆပ်ရမည်မှန်း ထိုအချိန်ကသာ မြတ်သော်သိခဲ့လျှင်။ အခုတော့ အားလုံးကျွံ လွန်ခဲ့လေပြီ။ မိမိသိပ်ချစ်ရပါသော ဇရာ၏အထုအထောင်းကြောင့် ပါးပေါ်စီးစင်းနေခဲ့သော အရေးအကြောင်း အနည်းငယ်နှင့်ပင် ဖြစ်စေကာမူ မည်သည့် အချိန်ပင်ကြည့်ကြည့် ကျက်သရေရှိနေတတ်ခဲ့သော အမေ။ သားသမီး၏ မျက်နှာကို အရိပ်လို ကြည့်နေတတ်သော၊ မည်သည့် အခြေအနေ၌ပင်ဖြစ်စေကာမူ သားသမီးအ ပေါ်တာဝန်ကျေခဲ့သော ရင်နှစ်သီးခြာများအား ရွှေပေါ်မြတင်ထားတတ်သော အဖေ။ မိမိနှင့် အသက်ခြင်းသိပ်မကွာသလို ညီအကိုရင်းပင် ဖြစ်လင့်ကစား သူငယ်ချင်းလိုပေါင်းဖော်ချစ်ခင်ရပါသော၊ အရေးကြုံလျှင် မိမိနှင့် အတူ ရင်ဆိုင်ဖော်ရင်ဆိုင်ဖက်ဖြစ်သော တစ်ဦးတည်းသော ညီလေး မြတ်ဇော်။ ထိုသူများအားလုံးအားမြတ်သော် ကျောခိုင်းရပေတော့မည်။ ထိုအတွေးများနှင့်ပင် မိမိကိုယ်မိမိ ခွှင့်မလွှတ်နိုင် တော့သောအခါ ။

ပြင်းပြသည်းထန်စွာ ငိုကြွေးပစ်လိုက်ချင်နေမိသည်။ သို့တည်းမဟုတ် တစ်တစ်ချင်ချင်ပင် အော်ငင်ပစ်လိုက်ချင် သည်။ ဘ၀၏ကျဆုံးမှုများထဲတွင် အဆိုးဝါးဆုံး ကျရှုံးမှု တစ်ခုအားပိုင်ဆိုင်ရရှိထားသူဖြစ်သော်လည်း မငြိုငြင်ရှာ သည့် မိခင်ကြီး၏ သောကမျက်နှာ။ ဖခင်ဖြစ်သူ၏ ကြေကွဲမှု လျှံတက်နေသော မျက်ဝန်းတစ်စုံ။ နယ်ဝေးတစ်နေ ရာ၌ တာဝန်ထမ်းဆောင်နေရသော်လည်း အကိုဖြစ်သူအား စိတ်မချနိုင်စွာ တစ်ရက်ခြားတစ်ခါ နှစ်ရက်ခြား တစ်ခါ ဖုန်းဆက်၍ သတင်းမေးမြန်းအားပေးနေတတ်သော ညီငယ်၏ ပူပန်မှု ။ ဒါတွေအားလုံးသည် မိမိပြုလုပ်ခဲ့ သော အမှားတစ်ခု၏ နောက်ဆက်တွဲ ဝေဒနာဆိုးများပင်။ မိမိကြောင့်ပင် မိသားစုဝင်အားလုံး စိတ်သောကကိုယ် စီကိုယ်ငှ ရယူပိုင်ဆိုင်ခဲ့ကြရပြီ။ ကျွန်တော့်ကို ခွင့်မလွှတ်ကြပါနဲ့တော့။

-------------------------------------------------------------------------------------------------

လွန်ခဲ့သော တစ်နှစ်ခန့်က ရိုက်ထားခဲ့သော မိသားစု ဓါတ်ပုံထဲမှ ပြုံးနေသော မျက်နှာနှင့် ယခုလက်ရှိ ကုတင်ပေါ်တွင် ပိန်လှီခြောက်ကပ်စွာ ရောဂါဝေဒနာကို ခံစားရင်း လဲလျောင်းနေရှာသော သား၏မျက်နှာကို ယှဉ်ကြည့်မိရင်း ရင်ထဲမှ စို့တက်လာခဲ့သည်။ သားရှေ့မှာမို့ နှစ်သိမ့်အားပေးနေရသော်လည်း ကျွန်မ၏ ရင်ထဲတွင် မချိလှတော့။ တစ်မိပေါက် တစ်ယောက်ထွန်းဆိုသလိုပင် ပေါင်းသင်းဆက်ဆံရေး ပြေပြစ်လှသော စီးပွားရေးလာဘ်မြင်တတ်သော မိဘအပေါ် သိတတ်သော သားဖြစ်သဖြင့် ကျွန်မသားအား အားကိုးခဲ့သည်။ သားသည် ကျွန်မ၏ပန်းတိုင်ဖြစ်သလို သားသည် ကျွန်မ၏ မျှော်လင့်ချက်လည်း ဖြစ်ခဲ့သည်။ သို့သော် ကံဇာတ်ဆရာ၏ လှည့်ဖြားမှုက ကျွန်မတို့ မိသားစု အပေါ်တွင် အလွန်တရာ မှပင်ရက်စက်လွန်းခဲ့သည်။ အေးချမ်းသာယာနေခဲ့သော ကျွန်မတို့၏ မိသားစုအား ဘယ်ဒေ၀တာဆိုးကများ နှောင့်ယှက်ဖျက်ဆီးလိုက်သည် မသိ။ငြိမ်းချမ်းမှုအားလုံး ရုတ်သိမ်းခံလိုက်ရသော နေ့ရက်များသည် ကျွန်မဘ၀၏ အမှောင်လွှမ်းသော ရက်များပင်။

ဝေ့တက်လာသော မျက်ရည်စများကို သားမမြင်စေရန် အသာသုတ်ရင်း သူ့လက်လေးကို တင်းတင်းလေး ဆုပ်ကိုင်ထားမိချိန်မှာတော့ သားကျွန်မကို စောင်းငဲ့ကြည့်လာသည်။
မေမေငိုနေတာလား။
မေမေ မငိုပါဘူး သားရယ်။ သား ပြန်ကောင်းလာတော့မှာပဲ။ မနက်ကပဲ ဆရာဝန်ကြီးနဲ့ မေမေတွေ့ပြီးပြီသား။
သား၏ အမေးကို ကျွန်မ အတတ်နိုင်ဆုံးတည်ငြိမ်အောင် ထိန်းရင်း အဖြေပေးလိုက်မိသည်။ ကျွန်မရင်ထဲမှာ တော့ အသက်ရှုမ၀တော့လောက်အောင် ဆို့နင့်ကြေကွဲရင်း။
မေမေမငိုနဲ့နော်။ မေမေ ပျော်အောင်သားသီချင်းဆိုပြမယ်။

" အကိုတွေ အမတွေရဲ့ အလယ်.....အမေက ကျွန်တော့ကို ပိုကာ....
အထွေးဆုံးမို့ ချစ်တယ်..ချစ်တယ်...အဆိုးအနွဲ့တွေနဲ့...မိဘရဲ့အရိပ်မှာကွယ်...
ပူပင် သောကတွေလဲ...ကင်းခဲ့ရပါတယ်.................................
.......................အမေ့အိမ်ကိုပဲ ချစ်သားလွမ်းပါတယ်....."

ရောဂါဝေဒနာ ခံစားနေရင်းကပင် မိခင်ဖြစ်သူအား သီချင်းဆိုပြနေသော သားမျက်နှာကို ကြည့်ရင်း ကျွန်မ မည်သို့မျှချုပ်တည်းနိုင်စွမ်း မရှိတော့။ ဆောက်တည်ရာ မရသည့် အဆုံး ကျွန်မရှိုက်ကြီးတငင် ငိုကြွေးမိလိုက် တော့ သားမျက်ဝန်းမှာလေ သားမျက်ဝန်းမှာလဲ မျက်ရည်တွေ တွဲခိုလို့ ။

------------------------------------------------------------------------------------------------

သားအတွက် လိုအပ်သော ဆေးဝါးများအား ၀ယ်ယူရင်း သားလေးကြိုက်တတ်သော အသီးတစ်ချို့ကို ၀ယ်ကာ သားရှိရာသို့ လာခဲ့သော က၊ျွန်တော် အခန်းတံခါးကို တွန်းဖွင့်ရင်း မြင်လိုက်ရသော မြင်ကွင်းကြောင့် စိတ်ကိုတင်း ထားသည့် ကြားမှပင် မျက်ရည်များ လျှံကျလာခဲ့သည်။ ရောဂါခံစားနေရသော သားက မိခင်ဖြစ်သူအား သီချင်းဆိုပြနေသည့် မြင်ကွင်းမှာ ကျွန်တော့်ရင်ထဲ တစ်ဆစ်ဆစ်နာကျင်လာခဲ့ရသည်။ အိမ်ထောင်ဦးစီး တစ်ယောက်ဖြစ်သလို သားနှစ်ယောက် လူမှန်းသိတတ်စအရွယ်ကပင် မျက်နှာတစ်ချက်အညှိုးမခံ လိုချင်တာ မှန်သမျှ ဖြည့်ဆည်းပေးစွမ်းနိုင်ခဲ့သော ကျွန်တော်။ အခုတော့ သားဖြစ်သူ၏ ရောဂါဝေဒနာကို မည်သို့မျှ ပျောက်အောင် ကုသပေးနိုင်စွမ်းမရှိသော အဖြစ်ကို စူးစူးနစ်နစ်နာကျင်နေခဲ့မိသည်။ ဘ၀၀ဋ်ကြွေးကံ ကြီးရှာ သော သား၏ အဖြစ်ကို ဖခင်တစ်ယောက်အနေနှင့် မည်သို့မျှ မကြည့်ရက်နိုင်။ သားဖြစ်သူဘေးတွင် ငိုကြွေးနေ ရှာသော သားသမီးအပေါ် သံယောဇဉ် ကြီးလှစွာသော မိခင်အား အသာဖေးမကာ အခန်းပြင်သို့ ခေါ်ထုတ်လာခဲ့မိသည်။ အခန်းပြင် အရောက်တွင်တော့ ကျွန်တော့ အားဖက်ကာ ရှိုက်ကြီးတငင်ငိုနေရှာသော ဇနီးလုပ်သူအားကြည့်၍ ၀မ်းနည်းမှု ဆို့နင့်မှုများနှင့် ကျွန်တော်ကိုယ်တိုင်ပင် ငိုကြွေးမိလိုက်တော့သည်။

-------------------------------------------------------------------------------------------------

နိုဝင်ဘာ ( ၂၃ )ရက်နေ့။

ထိုနေ့က သားမွေးနေ့ပင်။
ခင်ပွန်းဖြစ်သူအား သားမွေးနေ့တွင် ဘုန်းကြီးကျောင်းသို့ ဆွမ်းနှင့် သင်္ကန်းကပ်ရန်လွှတ်လိုက်ကာ ကျွန်မက တော့ သားနှင့် အတူ မွေးနေ့ပွဲလေးကို ဆေးရုံ၌ပင် နှစ်ယောက်တည်း ကျင်းပနေခဲ့သည်။ ထိုနေ့မှာပင် သား၏ အခြေအနေက ပို၍ဆိုးလာခဲ့သည်။ စိုးရိမ်ပူပန်မှုများနှင့် ခင်ပွန်းသည်ထံသို့ ဖုန်းဆက်ကာ ပြီးပြီးချင်းလာခဲ့ရန် မှာကြားပြီး သားနံဘေးမှာ ထိုင်နေခိုက် သားဖြစ်သူမှ မွေးနေ့လက်ဆောင်ပေးရန် တောင်းဆိုလာခဲ့သည်။

မေမေ သားမွေးနေ့မှာ ဘာလက်ဆောင်ပေးမှာလဲ။
ပေးမှာပေါ့ သားရယ်။ သားဘာလိုချင်လဲ။ မေမေပေးမယ်။
မေမေ သားဆေးရုံက ဆင်းရင် သားအခန်းမှာ အဲယားကွန်းတပ်ပေးပါ။ သားအေးအေးလေးအိပ်ချင်လို့။
တပ်ပေးမှာပေါ့ သားရယ်။ မေမေတပ်ပေးမယ်။ သားလေးသာ နေမြန်မြန်ကောင်းအောင်နေနော်။
သားအမြန်ဆုံး ပြန်ကောင်းမယ်ဆိုရင် မေမေ့အသက်ကိုတောင် လက်ဆောင်ပေးရဲပါတယ် သားရယ်။
မေမေ သားကို အရမ်းချစ်တာဘဲလားဟင်။
ချစ်တာပေါ့သားရယ်။ သိပ်ချစ်တာပေါ့။မေမေ့ဝမ်းနဲ့ လွယ်မွေးခဲ့ရတဲ့သားကို မေမေသိပ်ချစ်တာပေါ့ သားလေး ရယ်။
သားလဲ မေမေ့ကို သိပ်ချစ်တယ် မေမေ။
-------------------------------------------------------------------------------------------------

ခိုင်းနှိုင်းစရာ မရှိတော့လောက်အောင် ဆို့နင့်ကြေကွဲနေမိသည်။ရုတ်တရက် လဲကျမသွားအောင်ပင် မိမိကိုယ် ကိုယ် အနိုင်နိုင်ထိန်းနေရသည်။ ရုတ်တရက် မြည်လာသော လက်ကိုင်ဖုန်းကို တုန်ရီစွာ ကိုင်ရင်း ထူးမိတော့ တစ်ဖက်မှ အသံက တာဝန်နှင့် နယ်ရောက်နေသော သားငယ်၏ အသံ။

မေမေ ကိုကို ဘယ်လိုနေသေးလဲဟင်။
ဒီနေ့ သူ့မွေးနေ့လေ။ ကိုကို့ ကို မွေးနေ့ဆုတောင်းပေးချင်လို့ မေမေ။ ကိုကို့ ကို ခဏပေးပါလား။
ကျွန်မ ခေါင်းထဲ မိုက်ကနဲ။
သားရေ မင်းညီလေးက မင်းကို မွေးနေ့ဆုတောင်းပေးမလို့ တဲ့သားရယ်။
သားရေ......သား။

သားငယ် မင်းအကိုက မင်းမွေးနေ့ဆုတောင်းကို မကြားနိုင်တော့ဘူး သားရယ်။
မင်း အကို ဆုံးပြီ သားရယ်....မင်းအကို ဆုံးပြီ။
((((((((( ဗျာ )))))))))))))

ကျွန်မ ရင်ထဲ နေဆယ်စင်းထက်မက ပူပြင်းစွာ ကျွမ်းမြိုက်ရင်း စကားဆက်ပြောနိုင်စွမ်း အင်အား မရှိတော့။ အိပ် စက်သလိုပင် လဲလျောင်းနေရှာသော သားလေးနံဘေးတွင် ရှိုက်ကြီးတငင် ငိုကြွေးနေခဲ့မိတော့သည်။တစ်ဖက် ဖုန်းထဲမှ သားငယ်၏ ငိုရှိုက်သံက တယ်လီဖုန်းမှ လျှံထွက်လာခဲ့သည်။

"သားလဲ မေမေ့ကို သိပ်ချစ်တယ်"
"သားလဲ မေမေ့ကို သိပ်ချစ်တယ်"
"သားလဲ မေမေ့ကို သိပ်ချစ်တယ်"
"သားလဲ မေမေ့ကို သိပ်ချစ်တယ်"
.....................................................
..................................................
.................................................

သားနောက်ဆုံးပြောသွားသော စကားလေးက ကျွန်မရင်ထဲ ပဲ့တင်ထပ်စွာ။ မေမေ့သားလေး ကောင်းရာသုဂတိ လားပါစေ သားရယ်။ နောက်နောင် ဘ၀မျိုးတွေမှာ လူဖြစ်ခဲ့ရင် သားလေး ဒီလို ဝေဒနာဆိုးကို ဘယ်တော့ မှ မခံစားရပါစေနဲ့လို့ မေမေဆုတောင်းပေးပါတယ် သားရယ်။
-------------------------------------------------------------------------------------------------

အားလုံးက ပြီးဆုံးသွားလေပြီ။
ပန်းတစ်ပွင့် ကြွေလွင့်ချိန်က အချိန်မတန်ဘဲ ရောက်ရှိခဲ့လေပြီ။
ကျန်ရစ်သူ မိသားစုများ၏ ပူဆွေးဝမ်းနည်းမှုများသည်လည်း အရှိန်ညီးညီး တောက်လောင်လျက်။
ဤကဲ့သို့ အကြွေစောသော ပန်းပွင့်လေးများ မည်မျှပင် ရှိနေကြမည်နည်း။
ထိုမိသားစုဝင်များ၏ ကြေကွဲသောကများသည်ကော မည်မျှပင်များပြားနေကြမည်နည်း။
မဆင်မခြင် ပြုခဲ့မိသော အမှားတစ်ခုကြောင့် မကြွေသင့်ဘဲ ကြွေလွင့်ခဲ့ရသော ပန်းလေးများသည် လောက၌ ရှိနေကြ၏ ။ ထို့အတွက်ကြောင့်ပင် ထိုပန်းကလေးများအတွက် ပူဆွေးသောက ရောက်သူများလဲ ရှိနေကြရ၏ ။ ထိုသို့သော ပန်းကလေးများ အကြွေမစောစေရန် ကျွန်ုပ်တို့ အားလုံးဝိုင်းဝန်း စောင့်ရှောက် စောင့်ထိန်းကြပါစို့။
ပန်းတိုင်းပွင့်၍ ပွင့်သော ပန်းတိုင်း မွှေးစေချင်ပါသည်။


စိတ်၏စေရာနာခံလေသော
မိုးမြင့်တိမ်

Template by - Abdul Munir