Friday, December 26, 2008

ရင်ဖောက်သံ


တမ်းတခြင်းတို့ ကြွေတဲ့ ဒီမနက်ဆောင်းရာသီ
လွမ်းတေးဆိုငှက်တချို့နဲ့ ကြေကွဲဘွယ်လှပ
ဆုပ်ကိုင်ထားချင်ရက် လွတ်ထွက်သွားတဲ့
ချစ်သူလက်တစ်ဖက်ကို သတိရရင်း
ကြေကြေကွဲကွဲနဲ့ အော်ရယ်မိတော့
ကောင်းကင်က အလွမ်းတွေသာ
ပြုတ် ပြုတ် ကျ လာ ခဲ့...။

ထက်မြက်ခြင်းတွေ ယိုင်နဲ့လို့
ဆုံးရှုံးခြင်းမှာ ဒူးထောက်ချိန်
ရဲရင့်ပါတယ်ဆိုတဲ့ စိတ်ထား
အဆိပ်မြုံ အသိုက်ကြားမှာ နစ်မြုပ်
ငါ့ရင်မှာ ခြစ်ခြုတ်ကာ ရစ်ငင်တဲ့ကြိုး
လောကဓံရဲ့ ဆိုးဝါးတဲ့ကားစင်ထက်မှာ
ရက်ရက်စက်စက်ကို ဖြတ်ချခဲ့တာ
သပ်သပ်ရပ်ရပ်ပါဘဲ ငါ့ဝိညာဉ်လည်း
ကျ ဆုံး ခဲ့...။

လေဟာနယ်တံခါးကိုမှ ဆန်တက်လို့ထွက်ချင်တဲ့ငါ
နဂါးငွေ့တန်းရဲ့ တောက်ပခြင်းမှာ မိန်းမော
တိမ်လွှာတောမှာ ပျော်ခဲ့စဉ်က
ငါ့ရင်ခွင် စွဲဝင်တဲ့ ယူကြုံးမရမြှား
ငါ့နှုတ်ဘို့ ကြိုးစားရင်း ငါ့အသည်း
တစ်စတစ်စ ပဲ့ကြွေနေခဲ့တာ
မိုက်မဲစွာ သတိမထားမိခဲ့ဘူး...။

သြော်.....အခုတော့ ငါ့ရာသီမှာ
ဓါးမိုးတွေသာ ပြို ကြ ပြီ လေ...။



စိတ်၏စေရာနာခံလေသော
မိုးမြင့်တိမ်

အထက်တွင်အသုံးပြုထားသောပုံကို www.krislynch.files.wordpress.com မှ ကူးယူဖော်ပြပါသည်။

Saturday, December 20, 2008

ရင်နှင့်ရင်း၍

ဝေးလွင့်ခြင်းတံတိုင်း အထပ်ထပ်
ကြေကွဲခြင်းခလုတ်ကန်သင်း ရစ်သိုင်းပတ်
မဖြစ်နိုင်ခြင်းနဲ့ စိုက်ပျိုး
ဝေဒနာစိုးမိုးတဲ့ ဥယျာဉ်မှာ
ရင်ကွဲခံပန်းတပွင့် မင်းအတွက်
အ..ကြိမ်..ကြိမ်..ဖူး..ပွင့်..ပစ်..လိုက်..တယ်..။

ကံကြမ္မာကဘဲ ခွဲခြားတာလား
ဘ၀တွေကဘဲ လွဲမှားတာလား
အသည်းကြားမှာ တည်တဲ့ဘုံ
ယိုင်နဲ့တဲ့ ရင်အစုံနဲ့ လဲကျ
ခွဲခွာခြင်း နိမိတ်ပြတဲ့အချိန်
ကောင်းကင်ရဲ့ ရင်ခွင်က
သွေး..စက်..လက်..ကျ..တယ်..။

အဆုံးစွန်ထိ နားလည်သူကိုမှ
ဘ၀မတူ ချစ်မိတဲ့ငါ
မမြင်နိုင်တဲ့ နှောင်ကြိုးက တိုးထွက်ချိန်မှာ
ကမ္ဘာမြေ မှောင်အတိဖုံးလို့ ကြယ်စင်တို့
ညှိုး..ခြုံး..ခြင်း..မှာ..ကြွေ..တယ်..။

ရွေးချယ်ခွင့် မရှိတဲ့လမ်း
အချစ်မဲ့ ရင်ခွင်နဲ့ လျှောက်လှမ်းချိန်
မျှော်လင့်ခြင်း တံတိုင်းထက်
ဝေးကွာခြင်းအတွက် ငိုတဲ့ဂစ်တာ
ဝမ်းနည်းမှု ရာသီမှာ..ပြို..တယ်..။

မဆုံနိုင်တော့တဲ့ ချစ်သူကိုတမ်းတ
ရင်ပူတဲ့အလွမ်းကို မျိုချ
သံသယဆိုတဲ့ မျက်ဝန်းတွေအောက်မှာ
မင်းအတွက် ချစ်ခြင်းတွေကို
ငါ့ရင် သွေးနဲ့ မီးစာကျစ်လို့
ဒီကမ္ဘာအတွက်
ထွန်း..လင်း..ပစ်..ခဲ့..မယ်..။


စိတ်၏စေရာနာခံလေသော
မိုးမြင့်တိမ်


အထက်၌အသုံးပြုထားသောပုံကို www.artloverx3.blogspot.com မှကူးယူဖော်ပြပါသည်။

Wednesday, December 17, 2008

မတ်တပ်ရပ်နေတဲ့ မျှော်လင့်ချက်

ကံကြမ္မာကဘဲ ထိတ်လန့်ဘွယ် မှောက်မှားလား
ကြိုးပြတ်သွားတဲ့ သိခြင်းတရားတွေထဲမှာ
ငါ..က..အ..ကြိမ်..ကြိမ်..လဲ..ပြို..လို့..။

တောခြောက်ခံရတဲ့ မုဆိုးတစ်ယောက်လို
လမ်းပျောက်တဲ့ ကလေးတစ်ယောက်လို
စိုးရွံ့ခြင်းနဲ့ဖြတ်သန်း မျက်ကန်းတစ်ယောက်ဘ၀မျိုးနဲ့
ဒီကောင်းကင်အောက်မှာဘဲ ငါ့အလင်းပျောက်ခဲ့တယ်..။

တစ်ညတာဝေးလို့ ရက်ပေါင်းခုနစ်ရာငိုကြွေးတဲ့ ကိန္နရာ
တစ်ဘ၀စာဝေးရင် ဘယ်နှကမ္ဘာများ ငိုကြွေးမလဲ..။

ခတ္တာပန်းတွေပွင့်လန်းတဲ့ မေတ္တာနန်းတော်
သံသယတော်လဲသံကြားမှာ..ပြို..ကျ..
သက္ကရာဇ်တွေ ပြောင်းပြန်သွားတဲ့ညက
ငါ့ရင်ခွင်ကြား မာနဓါးသွား စူးဝင်တယ်..။

ဇီဝနဲ့ထုလုပ် ပန်းပုရုပ်အသက်သွင်း
ကဗျာတွေ ခပ်ပြင်းပြင်းရှိုက်ချိန်
လေထုအလယ်မှာ ဆောက်တဲ့အိမ်ထဲ
သံယောဇဉ်နဲ့ ငါတစ်ယောက်တည်း
ထိုး..စစ်..ဆင်..တယ်..။

သူ့ကိုယ်သူပြန်ထူလာတဲ့ ဖယောင်းတိုင်လိုလူတစ်ယောက်
အလှပဆုံးမီးတောက်မှာ လောင်ကျွမ်းချိန်
ကမ်းကုန်အောင်ချစ်တတ်တဲ့ နှလုံးတစ်စုံကို
ဝတ်ရုံအဖြစ်ခြုံလျက် ကျဆုံးတယ်..။

ပျက်ကြွေယွင်းတဲ့ ဥက္ကာပျံတစ်စင်းတောင်
လမင်းကို နှစ်သက်တတ်ခဲ့ရင်
နှလုံးသွေးနဲ့ ပက်ဖျန်းတဲ့ သောကလမ်း အလယ်မှာ
ငါ့မျှော်လင့်ချက်တွေ မတ်တပ်ရပ်နေကြတယ်..။


စိတ်၏စေရာနာခံလေသော
မိုးမြင့်တိမ်


အထက်၌အသုံးပြုထားသောပုံကို fineartamerica.com မှ ကူးယူဖော်ပြပါသည်။

Tuesday, December 16, 2008

စည်းချက်လွတ်အိပ်မက်


ကျောက်ခေတ်က မီးသင့်ခဲ့တဲ့ပန်းသီးတစ်လုံးနဲ့
ရင်တံခါးကို...ရိုက်ချိုး...ဆုတ်ဖဲ့
အဆိပ်သင့်တဲ့ ကျောက်တုံးကျောက်ခဲတွေကြားမှာဘဲ
အာဒမ်နဲ့ အေ၀ လမ်းမှားသွားခဲ့ရတာ..။

ဂုမ္ဘာန်တို့ကြူးကျော်
ကြမ်းကြုတ်မှုတို့ မြူးပျော်တဲ့နယ်မြေမှာ
တပ်မက်ခြင်း အလင်းတိုင်တွေနဲ့
ငါ့ကိုယ်ငါ လှိုင်လှိုင်ထွန်းညှိ
အတ္တဟာ မှောင်အတိပြီးတဲ့အချိန်
မြောက်ပြန်လေ ဆန်တက်တဲ့
စိတ်နယ်လွန်အရပ်မှာ တံခါးတစ်ချပ်ရှိတယ်..။

အလင်းတစ်သိုက်နဲ့ စိတ်မိုက်ကိုရွက်လွှင့်ချိန်
ကောင်းကင်ရဲ့ တံစက်မြိတ်မှာ
ကြယ်စင်ကိုဖောင်ဖွဲ့ လနဲ့လည်းအတူ ထိုင်ခဲ့တယ်..။

ဖျတ်ကနဲ လန့်နိုးချိန်
တိတ်ဆိတ်တဲ့အခန်း ပြင်းရှတဲ့လေကြမ်းသာ
ငါ့ရင်ခွင်ကိုရှိုက်နမ်း ငါက..အမှောင်ခန်းမှာ
အလွမ်းနဲ့မိတ်ဖွဲ့နေတာလေ..။

တကယ်တမ်းမှာတော့
ငါဟာအာဒမ်မဟုတ်သလို မင်းလည်းအေ၀မဟုတ်ခဲ့ဘူး
စည်းချက်လွတ် အိပ်မက်တစ်ခွက်ကိုဘဲ
ငါတို့ မြိန်ယှက်စွာသောက်သုံးခဲ့ကြတာ..။



စိတ်၏စေရာနာခံလေသော
မိုးမြင့်တိမ်

Sunday, December 14, 2008

ကျေနပ်စွာပျောက်ဆုံးခြင်း


ပုစဉ်းက ပြင်းပြစွာအော်ရင်း
ဝတ်ရည်တွေကို...မျို...ချ...သောက်...သုံး..။

ကောင်းကင်ကို စိုက်ကြည့် အငိုက်မိတဲ့ပုံမျိုး
ပွင့်ဖတ်ရဲ့ မာယာနဲ့ အသာအယာ ပစ်ခတ်ခဲ့ဘူးတယ်..။

မှော်ဆရာရဲ့ စုတ်ချက်လို မျက်ဝန်းတစ်စုံနဲ့
ပကာသနခြုံ လူကုံထံတွေကို ငေးကြည့်ရင်း
အားကျနေခဲ့ဘူးတယ်..။

အစိမ်းမှာ အ၀ါဖက်
လျှပ်ပြက်သလို မြန်ဆန်မှုမျိုးနဲ့
ပုစဉ်းတောင်ပံဂီတ
ပန်းပွင့်တွေရှေ့ ကပြခဲ့ဘူးတယ်..။

ကောင်းကင်မှာ ချိတ်တင်တဲ့
နေမင်းရဲ့ ရင်ခွင်ကိုယ်ပွား
ဝတ်မှုန်ကြားမှာ ပျော်ပါးတဲ့ ပုစဉ်းဘ၀
ပြင်းပြစွာ တပ်မက်ခဲ့ဘူးတယ်..။

ရင်လှိုက်ဖိုတဲ့ ပုစဉ်းပျိုဘ၀မှာ
စူးရှစွာလည်း ရင်ခုန်ခဲ့ဘူးတယ်..။

ဖားကိုစိုးရွံ့တဲ့ ပုစဉ်း
ငါးညှို့တေးကို ရှောင်ကွင်းရင်း
ရုက္ခရဲ့ မျက်ခုံးမှာ ခိုနား
မြေဆီစားတဲ့ နှင်းဆီကို
အလင်းတစ်စက်ဆုတ်ဖြဲ ပြုံးလျက်လဲ
လှောင်ပြောင်ခဲ့ဘူးတယ်..။

နှင်းဆီရဲ့ သခင်မ
အရိပ်မဲ့ညမှာ တိုက်ခိုက်
မြတ်နိုးခြင်းကို သိမ်းပိုက်ချိန်
အလင်းမိုက်နဲ့ ပွင့်တဲ့ကြယ်
တိမ်းမူးခြင်းမှာ...ကြွေ...ခဲ့...တယ်..။

နှင်းဆီရဲ့ဓါးရိုးမှာ
အဆိပ်ဆိုးထားမှန်း မသိလေတော့
အဆုံးမှာ နှင်းဆီလက်ချက်နဲ့
ပုစဉ်းခန္ဓာ...ပျက်...ခဲ့...တယ်..။

ငါ့ ၀ိညာဉ် မပျက်သုဉ်းသမျှ
နင့်ရဲ့ ဆူးခက်တွေကြား
ငါ့နှလုံးသားကို
ထူး...ခတ်...ထား...ခဲ့...မယ်..။


စိတ်၏စေရာနာခံလေသော
မိုးမြင့်တိမ်

Saturday, December 13, 2008

ရင်သို့ထွင်းဖောက် ၀င်ရောက်ခဲ့သောကဗျာများ

ထက်ကောင်းကင် အာကာတခွင်၌ တိမ်မြူခိုးတို့ ကင်းစင်၍ လင်းချင်တိုင်း လင်းနေသော တနင်္ဂနွေ တစ်နေ့ဖြစ်သည့် အားလျော်စွာ ကျွန်ုပ်သည်လည်း အလုပ်အားရက်၏ အရသာကို ဆက်ရက်မင်းတစ်ကောင်၏ စည်းစိမ်မျိုးဖြင့် ယစ်မူးကာ အရသာခံနေလေတော့၏ ။ ယခင့် ယခင်ရုံးပိတ်ရက်များတွင် ကျွန်ုပ်သည် တစ်နေရာမဟုတ် တစ်နေရာ သွားတတ်သည် မှန်သော်လည်း ယနေ့တွင်မူ အပြင်ထွက်ရမှာ ပျင်းသည်က တစ်ကြောင်း၊ အားလပ်ရက်တွင် အိမ်၌ စာအုပ်ဖတ်ကာ စည်းစိမ်ယူလိုလှသည်က တစ်ကြောင်း ၊ လကုန်ရက် ရောက်ခါနီးသည်နှင့်အမျှ အိတ်ကပ်မှ ငွေအသပြာတို့မှာလည်း ပါးသည်ကတစ်ကြောင်း အိမ်၌ပင်နေကာ ပက်လက်ကုလားထိုင်တစ်လုံး ကော်ဖီတစ်ခွက် စာအုပ်တစ်အုပ်နှင့် ကျွန်ုပ်လွန်စွာမှပင် ကြိုက်နှစ်သက်လှသဖြင့် သွားလေရာ နေရာတိုင်းလိုလို၌ ပါတတ်သော လန်ဒန်ဟု ခေါ်တွင်သည့် စီးကရက်တဗူးကို ဘေး၌ချ၍ စာအုပ်ကိုဖတ်ရင်း လောက၏ အရသာကို ကောင်းမွန်စွာ ခံစားနေလေတော့သည်။ ထိုသို့ စည်းစိမ်ခံစားနေချိန်၌ပင် ကိုလင်းဒီပတစ်ယောက် အိမ်ရှေ့မှ ငိုက်စိုက်ငိုက်စိုက်ဖြင့် တက်လာသည် ကိုလှမ်းမြင်မိလေသည်။ ကျွန်ုပ်လည်း ကိုဒီပကိုမြင်သော် ယင်းဝင်သာအောင် တံခါးထဖွင့်ပေးရင်း နှုတ်ဆက်စကားဆိုလိုက်လေ၏ ။

" ဗျို့ကိုဒီပ မတွေ့တာတောင် အတော် ကြာနေပါပေါ့လား အခုကော ဘယ်လေတိုက်လို့ ရောက်လာပါသလဲဗျာ "

" ဟား ဟား မုတ်သုန်လေ မြောက်ပြန်တိုက်လို့ စိတ်၏စေရာအတိုင်းလိုက် လိုက်တာ မိုးမြင့်တိမ်တိုက်ဆီ ရောက်လာတာပါဘဲဗျာ "

" ကိုဒီပတို့ကတော့ လုပ်ပြီ စာချိုးလေးနဲ့ ပြောလိုက်ရမှပေါ့လေ။ ကိုဒီပနှယ် ဒီလို ပျော်ပျော်နေတတ်လို့ စိတ်ပျို ကိုယ်နု ဖြစ်နေသလား မသိဘူးဗျိူ့ "

" ကဲ စကားကောင်းနေလိုက်တာ ဧည့်သည်ကို ဧည့်ခံဘို့တောင် မေ့နေတယ် အပူလား အအေးလား ကိုဒီပ "

"ရပါတယ်ဗျာ အပင်ပန်းခံမနေပါနဲ့ နေပါစေ "

" ဘယ်ဟုတ်ပါ့မလဲ ကိုဒီပရဲ့ ကျွန်တော့်ဆီကို ရောက်တုန်းလေးတော့ ဧည့်ဝတ်ကလေး ကျေချင် စမ်းပါဘိနှယ်... ကဲ ခဏစောင့် ကော်ဖီသွားဖျော်လိုက်မယ်"

ကျွန်ုပ်လည်း ထိုသို့ပြောပြီးနောက် ကိုဒီပ သောက်ရန်အလို့ငှာ နောက်ဖေးသို့သွား၍ ကော်ဖီဖျော် ယူလာပြီးလျှင် ကိုဒီပအား ကော်ဖီကမ်းပေးရင်း လှမ်းပြောမိလိုက်၏ ။

" ကဲ ကိုဒီပရေ ကော်ဖီသောက်ရင်း လာရင်းအကြောင်းလေးဆိုပါဦးဗျ "

" ထွေထွေထူးထူးတော့ မရှိပါဘူးဗျာ ကိုမိုးမြင့်ဆီလည်း မရောက်တာကြာ စာအကြောင်း ပေအကြောင်းလေးလဲ ပြောရအောင် လာတာဗျ။ အခုတလော ကိုယ့်ဆရာလည်း ကဗျာရေးတွေ ကြဲနေပါလား"

" ကြဲဆို ဒီလိုကိုဒီပရဲ့ ။ ကျွန်တော်နှစ်သက်တဲ့ ကဗျာလေးတွေကို ပြန်လိုက်ရှာပြီးစုစည်းနေတာနဲ့ ကဗျာရေးတာ ခဏရပ်ထားတာ "

" ဟာ ဟုတ်လားဗျ။လုပ်စမ်းပါဦး ကိုမိုးမြင့်ကြိုက်တဲ့ ကဗျာလေးတွေက ဘယ်လိုကဗျာတွေလည်း ကျွန်တော့်ကိုလည်း ပြောပြပါဦး "

" အင်း ကြိုက်တဲ့ကဗျာတွေ ပြောရမယ်ဆိုရင်တော့ အများကြီးပေါ့ဗျာ။ ဒီထဲက ကျွန်တော်ကြိုက်တဲ့ ပထမဆုံးကဗျာ ကိုပြောရမယ်ဆိုရင်တော့ ရှင်မဟာရဌသာရ ဆုံးမစာ လကာင်္ ပေါ့ဗျာ။ ဒီလကာင်္က ဆရာတော်ကကျွန်တော်တို့ နောင်လာ နောက်သားတွေကို ဆိုဆုံးမထားတဲ့ ကဗျာပေါ့ဗျာ။ ကျွန်တော်တို့ ကျောင်းတုန်းကလည်း သင်ခဲ့ကြရဘူးပါတယ်။ ဒီလကာင်္လေးမှာ မိခင်ဖခင်နဲ့ လူကြီးသူမ ဆရာသမားတွေ အပေါ်မှာ ဘယ်လိုဘယ်ပုံ ရိုသေကိုင်းရှိုင်းရမယ် ၊ လူကြီးမိဘ ဆရာသမားတွေရဲ့ ဆိုဆုံးမစကားကို ဘယ်လိုနာခံရမယ် ၊ ကိုယ့်ထက်အကြီး အကိုအမ တွေကို ဘယ်လိုသဘောထားရမယ် ၊ ဘယ်လိုစည်းလုံးရမယ် ၊ ဘယ်သူမျိုးကိုပေါင်းရမယ် ၊သတ္တ၀ါတွေအပေါ် ဘယ်လိုကြင်နာရမယ် ဆိုတဲ့ အသိတွေ အကျင့်တွေ ဆောင်ရွက်လိုက်နာဖွယ်ရာတွေကို ဆိုဆုံးမထားတဲ့လကာင်္လေးပေါ့ဗျာ။ တန်ဘိုးရှိသလို မှတ်သားလိုက်နာသင့်တဲ့ လကာင်္မို့လို့ ကျွန်တော်မှတ်ထားတယ်ဗျ။ ဒီမှာ"

ရှင်မဟာရဌသာရ ဆုံးမစာ လကာင်္

၁။ လက်သစ်တောင်သာ၊ ယူဇနာပေါင်းတာပြန်လောင်းသော် ရှစ်သောင်းလေးထောင်၊ အမြင့်ဆောင်သည့်
တောင်မြင့်မိုရ်ရှိ၊ ဂုဏ်ကြီးဘိသည့်၊ မွေးမိဖခင်၊ ကျေးဇူးရှင်နှင့်၊ထို့ပြင်တခြား၊ ဘိုးနှင့်ဘွားကို၊ ဘုရားတစ်ဆူ၊ ဂူတစ်လုံးသွင်၊ စိတ်ထင်ကလျက်၊ ဦးတင်လက်ထား၊ အစားအ၀တ်၊ မလွတ်ရစေ၊ ရေပူရေအေး၊ လိုရာပေး၍၊ ကျွေးမွေးကြလေ။တထွေမှတ်သား၊ အခါးအချို၊ သူတို့ဆိုလည်း၊ ဘိုးဘွားမိဘ၊ ဆရာစကား၊ ပြသဆိုထွေ၊ မျိုတတ်စေ။
(မိဘ၊ ဘိုးဘွား၊ ဆရာစကား ချိုချို ခါးခါးနာယူရသည်။)

၂။ အစ်ကိုကြီးအား၊ ညီငယ်များလည်း၊ စကားနုတ်ထွက်၊ ဆက်၍မဆို၊ ရိုသေကြစေ၊ ကိုကြီး အစ်မ၊ သည်နှစ်ဝကို မိဘကဲ့သို့ မှတ်ကြလေ။

၃။ သေသူရှင်ဖက်၊ ဆောင်ရွက်မကင်း၊ အချင်းချင်းတွင်၊ အခင်းကြီးငယ်၊ ရှိခါတယ်လည်း၊ မဖယ်မသွေ၊ ညီညာ ကုန်း၍၊ ရုန်းကြလေ။

၎။ သူတော်ကောင်းနှင့်၊ ပေါင်းဖက်ယှဉ်တွဲ၊ သူမိုက်မဲကို၊ ရှောင်လွဲပါလေ။ ဤသူအမြတ်၊ ဤသူလတ်ဟု၊ညစ်ပတ် ကြမ်းကြုတ်၊ ဤသူယုတ်ဟု၊ အဟုတ်အမှန်၊ မသွေလှန်သည်၊ ဧကန်ဆတ်ဆတ်၊ လူသုံးရပ်ကို၊ သိတတ်စေ။

၅။ ကိုယ်နှင့်လည်းစာ၊ သတ္တ၀ါကို၊ ကြင်နာလှစေ၊ သူ့အသက်ကိုလည်း၊ ချစ်ပါလေ။

" ဟုတ်ပါတယ် ကိုမိုးမြင့်ရေ။ တကယ်ကို မှတ်သားသင့်တဲ့ လကာင်္လေးပါ။ ကျွန်တော်လည်း ဖတ်ဘူး ၊ သင်ဘူးတယ် "

" ဟုတ်တယ်ကိုဒီပရေ။ ဆရာတော်ရေးခဲ့တဲ့ ကဗျာ၊ လကာင်္ ၊ ရတု တွေအများကြီးပါဘဲ။ ဒီထဲမှာ ကျွန်တော်ကြိုက်တဲ့ ဆရာတော်ရေးတဲ့ ရတုတစ်ပုဒ်ရှိတယ်ဗျ "

" ဟုတ်လား ဘယ်လိုရတုလည်းဗျ "

" ပုရေနိသင် ချီ ကိုယ်ရေးကိုယ်တာဖွဲ့ ရတု တဲ့ဗျ။ ကိုဒီပ နားထောင်ချင်ရင် ကျွန်တော်ရွတ်ပြမယ်"

“ပုရေနိသင် ချီ ကိုယ်ရေးကိုယ်တာဖွဲ့ ရတု”

(ပ) ပုရေနိသင်၊ ဆက်တိုင်းကြင်၍၊ အိမ်ရှင်အစစ်၊ ငယ်ကျွမ်းချစ်နှင့်၊ ထပ်ရစ် လက်သင်၊ ထုံးစတွင်နှိုက်၊
သွေးငင်ကြမ္မာ၊ ၀ါသနာကြောင့်၊ ဆရာမိဘ၊ ကွပ်ဆုံးမ လည်း၊ ချစ်စထုံးနှောင်၊ ပျော်ရအောင်ဟု၊ သန်ကောင်မဟူ၊ အတူယှဉ်နွှဲ၊ သန်လွဲမခန့်၊ အသက်စွန့်၍၊ ဝေးဓွန့်ခရီး၊ ချုံကြီးတောအုံ၊ ၀ါးရုံဝါးထွေး၊ သစ်ကျားဘေးကို၊ မတွေးဆံဖျား၊ မလေးစားတည့်၊ တရားသံဝေ၊ အောက်မေ့ချေသော်၊ ကြေးရွှေ ဂဟေ၊ မစပ်လေသို့၊ စာပေတတ်ပွန်၊ ဓမ္မခန်နှင့်၊ ကျန်းဂန်သိမြောက်၊ ပဉ္စင်ရောက်က၊ ထပ်လှောက်ကြင်ဘွယ်၊ ရှေးသောနှယ်ကို၊ အဘယ်ကြိုးရှာ လေတော့မည်။ … ။

(ဒု) လူ့မြေတိတွင်၊ ဘက်မမြင်သား၊ သန့်စင်ငယ်က၊ လက်တော်လှနှင့်၊ ချိန်းချ စေ့ရေ၊ မှာစာခွေကို၊ စသေလိပ်ပြီး၊ ခင်းနှီးကွက်ကျယ်၊ ပြောက်မျိုးခြယ်၍၊ ဆင်စွယ်ဝန်းရှက်၊ မွေးမယ်ရက်သည်၊ အသက်တို့က၊ ဆက်လှာရသား၊ မူလသိက္ခာ၊ ဆုံးမစာနှင့်၊ ငါးဖြာဝိနည်း၊ စောင့်စည်းပညတ်၊ အပ်တိတသွား၊ တဆံဖျားမျှ၊ မမှားအာရုံ၊ ကာမဂုဏ်ကို၊ မမြုံရချေ၊ ဖြတ်ငယ်သေစွ၊ ကမ္ပလွေရင်ပိုက်၊ တကိုက်မချွတ်၊ စာလက်လွတ်၍၊ ဖြစ်တတ်ဘိသည်၊ သံသာရှည်ခဲ့၊ စက်လည်ရဟတ်၊ တပတ်ပတ်လျှင်၊ အနတ်ဒုက္ခ၊ အနိစ္စဟူ၊ နှလုံးမူစွ၊ ပေးလှူစွန့်ကြ၊ ဤဘ၀တွင်၊ နှမလက်လျှော့၊ နေလေတော့ဟု၊ ချစ်ပေါ့မကြုံ၊ ညှိုးငယ်ပုံမျှ၊ ရွက်ဟုံကြွေကြုပ်၊ ချမင်းတုပ်သို့၊ စိတ်ချုပ်မပွင့်၊ ပျံ့လွင့်မေတ္တာ၊ ကရုဏာနှင့်၊ တဏှာလောဘ၊ ဒေါသ မြှေးထူ၊ ရံမက်မြူကို၊ ဘယ်သူနှိုးရှာ လေတော့မည်။ …. ။

(တ) ဆုဝေဘိချင်၊ ငယ်ကျွမ်းဝင်နှင့်၊ သို့ပင်တာရှည်၊ ပျော်ရမည်ဟု၊ ညောင်စည် သများ၊ မြို့ရှေ့ပါးဝယ်၊ ထင်ရှားကျော်ဟိုး၊ ရုက္ခစိုးနှိုက်၊ ပုဆိုးကြာညွန့်၊ ပိတ်လှပ် တွန့်ကို၊ ဖြန့်၍တတည်၊ ရစ်ဖွဲ့ချည်မျှ၊ ငယ်မည်မြွက်ဟ၊ နှုတ်သံမျှနှင့်၊ ခက်မ တထောင်၊ ပညောင်စောင့်တတ်၊ ရှင်နတ်မြတ်ကို၊ တိုင်မှတ်သက်သေ၊ ပြုဘူးပေရှင့်၊ မကွေသစ္စာ၊ ၀ါသနာကြောင့်၊ ရုပ်ဝါပျိုရွယ်၊ သနားဘွယ်တိ၊ ရှေးနှယ် ကျိုးကုပ်၊ ချမင်းတုပ်နှင့်၊ ခွက်မြုပ်ခါညီ၊ နာရီမောင်းချ၊ ဒေသနိမိတ်၊ သက်ကြီး ဆိတ်လည်း၊ မမှိတ်မျက်တောင်၊ သည်းခေါင်ဆူးလည်၊ ရှိလိမ့်မည်ဟု၊ လွမ်းသည် ထပ်ဆင့်၊ ဖူးချိန်သင့်ကို။ မျှော်လင့် ခိုးရှာလေတော့သည်။ … ။
( ဆရာတော်၏ အထ္ထုပတ္တိအကျဉ်းနှင့် မူရင်းကို ဤနေရာတွင် ဖတ်ရှုနိုင်ပါသည် )

" တော်တော်ကောင်းတဲ့ ရတုဘဲဗျ ကိုမိုးမြင့် "

" ဟုတ်တယ် ကိုဒီပ "

" နောက်တစ်ပုဒ် ကျွန်တော်ကြိုက်တာကတော့ ဆရာဇော်ဂျီရေးတဲ့ မင့်အိမ် ဆိုတဲ့ ကဗျာလေးဘဲ " "ဒီကဗျာလေးက ဘယ်အရာမဆို ကိုယ်တိုင် ကြိုးကုတ်အားထုတ်ပြီး ကိုယ်တိုင်ကြိုးစားမှာသာ ရနိုင်ဖြစ်နိုင်မယ်ဆိုတာကို ဖော်ကြူးထားတဲ့ ကဗျာလေးပေါ့။ တခြားသူ အောင်မြင်နေတာကို ငေးကြည့်ပြီး အားကျနေမဲ့အစား ကိုယ်ကိုယ်တိုင် သူတပါးလို အောင်မြင်အောင် ကြိုးစားအားထုတ်ရမယ် ဆိုတာကို ဖော်ပြထားတာဘဲ ကိုဒီပရေ။ ဘ၀မှာ အခက်အခဲတွေနဲ့ ကြုံတိုင်း ပြန်ပြန်သတိရမိတဲ့ ကဗျာလေးတစ်ပုဒ်ပါဘဲ။ ဒီမှာလေ ကိုဒီပ ဖတ်ကြည့်လိုက်ပါဦး "


မင့်အိမ်

ငါ့ညီပြောင်ဝင်း ၊ မောင်သစ်ဆင်း
မင်က မင့်အိမ် ၊ လွန်သေးသိမ်ဟု
မငြိမ်မသက် ၊ စိတ်စက်မကောင်း
စိတ်ထောင်း ကိုယ်ကြေ ၊ တခွေခွေသည်
နေထိကြွေမည့် ပန်းယဉ်အိ။

လှိုင် အိအယောင်
ဆောင်ပြိုင် သာမော ၊ သူ့အိမ်ချောသို့
စကြောသပ်ရပ် စံပယ်ထပ်နှင့်
ပန်း ထပ် ပန်း ကြွ ၊ သူ့အိမ်လှသို့
ဝေးက မျှော်မှန်း ၊ မင်းရော်ရမ်းသည်
ပန်း အိ နေထိ ကြွေတော့မည်။

မကောင်း မင့်အိမ် ၊ ကောင်း မင့်အိမ်တည့်
မင့်အိမ် ရွှဲစို ၊ အမိုးယိုသော်
မငြိုသင့်ပါ ၊ မင့် တက်ဖာပေါ့
အကာ အနင်း ၊ ပျက်ပြိုယွင်းသော်
မငြင်းစေချင် ၊ မင်းဆက်ပြင်ပေါ့
အခွင် အနဲ့ ၊ အရွှဲ့ အစောင်း
မကောင်း မပြေ ၊ ဟောင်းထွေထွေကို
အခြေနှင့်မျှ ၊ ဥာဏ်ဖြင့်ဆ၍
လုံ့လသက်သွင်း သစ်စေမင်း ။ ။

ကျွန်ုပ်လည်း ကိုဒီပလက်ထဲသို့ ဆရာဇော်ဂျီ၏ ညီသစ်ဆင်း ကဗျာစာစုများ ဆိုသည့် ကဗျာစာအုပ်အား လှမ်းပေးကာ ကိုဒီပ ကဗျာဖတ်နေသော အချိန်အတွင်း၌ကျွန်ုပ်လွန်စွာမှပင် ကြိုက်နှစ်သက်သည့် ပရီးမီးယားဟု ခေါ်တွင်သည့် ကော်ဖီအားတစ်ငုံခန့်မျှ သောက်၍ လန်ဒန်စီးကရက်အား မီးညှိဖွာရှိုက် လိုက်လေသည်။ ထို့နောက် ကိုဒီပအား

" ဘယ်လိုလဲ ကိုဒီပ ဆရာဇော်ဂျီရေးထားတာ "

" ကောင်းတယ်ဗျာ လူတစ်ယောက်မှာ ရှိသင့်၊ထားသင့်တဲ့ စိတ်ဓါတ်ကို အိမ်နဲ့ ဥပမာ ပေးစပ်ဆိုသွားတာ တကယ့်ကို ကောင်းပြီး တန်ဘိုးရှိတဲ့ ကဗျာတစ်ပုဒ်ပါဘဲဗျာ "

" ဟုတ်တယ်ကိုဒီပရဲ့"

" ဒါနဲ့ ကိုမိုးမြင့် ဒီနေ့ခေတ်ထဲမှာ မော်ဒန်ကဗျာတွေ ခေတ်စားလာတယ်ဗျ။ အဲဒီထဲံမှာ ကော ကိုမိုးမြင့်ကြိုက်တဲ့ ကဗျာရှိလား "

" ရှိတာပေါ့ ကိုဒီပရယ် ကဗျာဆရာဆိုတာ ကိုယ့်ရင်ထဲမှာ ရှိတဲ့ အကြောင်းအရာ ကိုယ်ကနေ ကဗျာဖတ်သူတွေကို ပေးချင်တဲ့ အကြောင်းအရာ တွေကို ရေးနည်းရေးဟန်အမျိုးမျိုးနဲ့ ပေးနေကြတာလေ။ ဒါကြောင့်မို့ ကဗျာတိုင်းကို ကျွန်တော် နှစ်သက်တယ်။ ကဗျာဆရာတိုင်းကို ကျွန်တော် လေးစား တန်ဘိုးထားတယ်ဗျ။ ဒီနေ့ခေတ်ထဲမှာလည်း ကျွန်တော်ကြိုက်တဲ့ ကဗျာဆရာတွေ ကဗျာတွေ အများကြီးရှိတယ် ကိုဒီပ။ အဲဒီထဲကနေ ကျွန်တော်ကြိုက်တဲ့ ကဗျာတစ်ပုဒ် ကိုဒီပကို ပြမယ်။အဲဒီကဗျာက တာရာမင်းဝေ ရေးထားတဲ့ နှင်းလူဆိုတဲ့ ကဗျာဘဲ ကိုဒီပ။ ကျွန်တော်လည်း ဆောင်းရာသီနဲ့ ပတ်သက်နေတဲ့ ကဗျာလေးဆိုတော့ မှတ်မိပြီး ကြိုက်နေတာဗျ "

နှင်းလူ

နှင်းလူဟာ
ဂူထဲမှာ ဘီလူးဒူးတုပ်ထိုင်လျက်
အမှောင်ကြုတ်ကြုတ်ကို ကိုက်မြို ၀ါးစားရင်း
နေ နဲ့လည်း စိတ်ချင်း ဆက်သွယ်ကြည့်တယ်။

ရွှံ့မီးအိမ်နဲ့ ဝေ့ပတ်ပြီး
မြောက်အရပ်ကို ရှာဖွေကြည့်တော့
ဓူဝံကြယ် ကြွေသွားတာ ကြာပြီတဲ့။

သူရှုံးသွားတယ်
သူ့ပါးစပ်ကို သူဖြဲပြီး
မြောက်ပြန်လေက ဆောင်းတွေကို ရိုက်ခွဲကြိတ်ထည့်
လွမ်းရင် လိုက်ခဲ့လို့ မှာတယ်။

အဲဒီလိုနဲ့
နွေဦးပေါက် များစွာကို လွန်လေပြီးမှ
ပြန်လည် နိုးထလာတဲ့ ကျောက်နှင်းလူ
တောက်တစ်ချက်ခေါက်ပြီး သူ့ကိုယ်သူ ထူတယ်။

ပြီးတော့
သွေးတွေကို တဂျုံးဂျုံး ပြန်မောင်း
ကောင်းကင်ကို
ပိတောက်တွေနဲ့ တဗောင်းဗောင်းပစ်ပေါက်
မီးပွင့်မတတ်၊ ခါးထောက်ရပ်လိုက်တယ်။

ငါ..(သို့မဟုတ်)
နှင်းလူကလေးရဲ့ မှတ်တမ်းမှာ
အဲဒီဆောင်းကို ခပ်ကြမ်းကြမ်းလေး ရေးထားမိ
သတိရတိုင်း ပြန်ပြန် ဖတ်ကြည့်လို့ပေါ့။

" ကောင်းလိုက်တာ ကိုမိုးမြင့် ၊ ဖတ်ရတာ အရသာ ရှိတယ်ဗျာ "

" ဟုတ်တယ်ကိုဒီက ကျွန်တော်လည်း ဒီကဗျာလေးကို တော်တော်ကြိုက်တယ်ဗျ "

" နောက်ဒီဇင်ဘာနဲ့ ပတ်သက်တဲ့ ကျွန်တော်ကြိုက်တဲ့ ကဗျာတစ်ပုဒ်ရှိသေးတယ်။ အဲဒီကဗျာကတော့ ကျွန်တော့်အကိုကြီး ဆိုလည်းဟုတ် ကျွန်တော်ဂျီကျပြီး မေးသမျှကိုလည်း အိပ်ရေးပျက်ခံပြီး မညဉ်းမညူ စဉ်းစားပေးတွေးတောပေး သင်ပြပေးတဲ့ ဆရာဆိုလည်းဟုတ် ကျွန်တော်ရေးတဲ့ကဗျာတွေကို အချိန်ကုန်ခံပြီး စိစစ်အကြံပေးတတ်တဲ့ မိတ်ဆွေဆိုလည်းဟုတ်တဲ့ အကို မင်းသုခရေးပြီး ကျွန်တော့်ကို လက်ဆောင်ပေးထားတဲ့ ကဗျာပေါ့။ ကဗျာနာမည်က ဒီဇင်ဘာလျော်ကြေး တဲ့ ။ ကဗျာကိုတပ်မက်ခုံမင်လွန်းတဲ့ သားနဲ့ သားအပေါ်မှာ မိဘမေတ္တာစိတ်အပြည့်နဲ့ ဖြစ်စေချင်လွန်း အောင်မြင်စေချင်လွန်းတဲ့ အဖေတစ်ယောက်ရဲ့ ကြေကွဲဖွယ်ရာ ဇာတ်လမ်းလေးကို ရေးဖွဲ့ထားတဲ့ ကဗျာလေးပေါ့ ။ ကျွန်တော်တော်တော်ကို နှစ်ခြိုက်မိတဲ့ ကဗျာလေးလေ။ ကျွန်တော်ရွတ်ပြမယ် နားထောင်ကြည့် ကိုဒီပ "


ဒီဇင်ဘာ..လျော်ကြေး

အခုလိုဒီဇင်ဘာဆို တောင်နေကြာတွေနဲ့
အနာတရကို ရွှေရောင်ချထားတဲ့မြို့ …
ရာသီနှိပ်စက်လို့ အတိတ်ပျက်ခဲ့တဲ့ ကမ္ဘာကြီးနှလုံးသား
သွေးရောင်တစက်စက်ထနေတဲ့ အပိုင်းအစတွေနဲ့
သန္တေတည်ခဲ့တဲ့မြို့ …
ကောင်းကင်ရောင်တလက်လက်ကြွနေတဲ့ ပုံဆောင်ခဲအစတွေနဲ့
အမြုံဘဝရောက်ခဲ့တဲ့မြို့ …
ဒဏ်ရာအပေါက်အပြဲ အရှက်တကွဲနဲ့
နှင်းတွေမစဲတဲ့မြို့ …
အဲဒီ ရတနာမြေ ဆိုတဲ့ မြို့ သေးသေးလေးမှာ ကြီးပြင်း
ကျွန်တော့် ကဗျာတွေ စစီးဆင်းခဲ့တယ်..၊၊

သူမရဲ့နယ်ရုပ်လေးအဖြစ်
အိပ်မက်တွေချကြွေးပြီး အိပ်စက်ခြင်းတွေသိမ်းပိုက်
ခြွေချခံလိုက်ရတဲ့ကြယ်ဟာ
ကြေကွဲခြင်းကာရံတွေနဲ့ အလွမ်းတွေဖဲ့ဖဲ့ချ
ကောင်းကင်ရဲ့ညတွေ ကဗျာတွေနဲ့တနေခဲ့တယ်…၊၊

ယုံကြည်ခြင်း ကောင်းကင်မှာ
ကျွန်တော် တင်ခဲ့တဲ့လမင်း
တညက်ညက် လင်းတယ်ဆိုရုံလေး
ကဗျာမာန သေးသေးလေးနဲ့
အစွမ်းကုန် မြုပ်နစ် အဖေ့ရင်ကို ကုတ်ခြစ်ခဲ့မိတယ်..။

အဖေ့ရင်မှာ ဖြစ်စေချင်တဲ့ ဗိသုကာဘ၀
ကဗျာတွေနဲ့ ဖြေပြခဲ့တဲ့ ကျွန်တော်
ကျောင်းတော်ကအပြန် အဖေ့ရင်ကွဲသံကိုကျောခိုင်း
တမင်ရိုင်း ခဲ့တာမဟုတ်ဘူး အဖေ..။

ခုံမင်တဲ့ ကဗျာအစလေးတွေနဲ့
တစ်ခါကပေးတဲ့ အိပ်မက်
ဆန်းတက်တဲ့ နေ့ရက်တွေမှာ
မှတ်တမ်းထွက်တဲ့ ပုံနှိပ်စာလုံးတွေက
ကျွန်တော့်ဘ၀အတွက် မမေ့ရက်စရာ
(၇၅) ကျပ်တန် အပျော်တွေပါ..။

မေတ္တာအရောင်တွေ ကြီးစိုး
ကဗျာဆရာဖြစ်မှာ စိုးတဲ့အဖေ
ကျွန်တော့်ကို ရိက္ခာဖြတ်တော့
သပြေနဲ့ ချယ်ရီ ကျွန်တော့်အတွက်တော့ နာရီဖြစ်ခဲ့တယ်..။

ကာရန်နဲ့ကဗျာ ရင်မှာထိုးသိပ်
တရိပ်ရိပ် ရွက်လွှင့်ရင်း
အလင်းစက် တ၀က်တပျက်မိုး
ခြင်တွေရဲ့ ကကြိုးညိလို့
ဒုက္ခနဲ့ အတိပြီးတဲ့ညတွေ
အဆောင်သူတွေ လက်ဖက်နဲ့
အသက်ဆက်ခဲ့တယ်..။

ကဗျာသမားရဲ့ ဘ၀လမ်း
ပျံသန်းရတာ ကြမ်းလွန်းပါတယ်အဖေ..။

ရင်နဲ့ရင်းပြီး အသက်သွင်းခဲ့တဲ့
ကျွန်တော်ရဲ့ အပြစ်မဲ့ကဗျာတွေ
တစ်ခါတစ်လေမှာ မိတ်ကပ်လိမ်းကျံ သိမ်းပိုက်ခံရတဲ့အခါ
ကြေကွဲမှု ချော်ရည်ပူတွေအဖြစ်
ဒေါသတွေ မီးတောင်လိုပေါက်ကွဲပေမယ့်
အံခဲရုံဘဲ တတ်နိုင်ခဲ့တယ်လေ..။

ဥယျာဉ်မှုး ကျွန်တော့်လက်နဲ့ အသက်ဆက်တဲ့ပန်းကလေး
အိပ်ဆေးတွေ ကျွေးခဲ့ကြလေတော့
နာကျည်းချက် အပိုင်းအစနဲ့
ဆောက်တည်ရာမဲ့တဲ့ မုန်တိုင်း
ကျွန်တော့်ရဲ့ ယုံကြည်ချက်တံတိုင်းတွေလည်း
ကျိုးပျက်စေခဲ့ရတယ်..။

အယက်အကန်ခံလို့ အံခဲမယ့်ဗေဒါလို
စိတ်ဓါတ်ကိုအားတင်း ရဲရင့်ခြင်းနဲ့ နေပါလည်း
ကျွန်တော့်ရင်ထဲ မြတ်နိုးတဲ့ ကဗျာပန်းတွေ
ှနွမ်းလျလို့ ကျေခဲ့တယ် အဖေ..။

အဖေ အတန်တန်ရိုက်ချိုးလို့ မကျိုးခဲ့တဲ့ဗီဇ
အဖေ အမျိုးမျိုးနားချ တားမရတဲ့ ကဗျာသည်ဘ၀
ဒဏ်ရာတွေစရခဲ့တာ အဲ..ဒီ့..က..နေ..ပါ အဖေ..။

ကျွန်တော့် မာနမိုးတိမ်တွေ
တစ်ချိန်ချိန်တော့ ရွာချကောင်းပါရဲ့
အဲဒီမျှော်လင့်ချက်
တစ်ရက်ပြီး..တစ်ရက်ရင့်ရော်
တစ်ရွက်ပြီး..တစ်ရွက်ကြွေလွင့်
တစ်ခက်ပြီး..တစ်ခက်ကျိုးကျ
အဖေပျိုးမရခဲ့တဲ့ ကေင်းကင်ဟာ
ပြန်ကျမိုးလေးတစ်စက်မှ
အဖေ့ အတွက် မရွာချနိုင်ခဲ့ဘူးနော်..၊၊

ဒီဇင်ဘာ နောက်ဆုံးရက်
ယုံကြည်ချက်တွေနှုတ်ဆက် ခဲ့တဲ့အဖေ
ထွက်သက်တွေ ကြွေလုဆဲဆဲ
နှင်းသဲသဲမှာ ကျွန်တော့်ကဗျာလေးထဲက
တစ်ပိုင်းတစ်စစာသား အဖေရွတ်ပြသွားခဲ့တာ
အဝေးရောက်နေတဲ့သား ယူကြုံးမရခြင်းခေါင်းစဉ်အောက်မှာ
တောက်ပခွင့် မရှိတဲ့ကြယ်တလုံးလိုဘဲ
ကျရှုံးခဲ့တယ် အဖေ..။

" ဟစ်တလာကို မယူနဲ့ အနုမြူဗုံးကို မမွေးနဲ့ "

တောင်တန်းတွေ ရေတံခွန်အဖြစ်နဲ့
အရောင်မဲ့သွေးတွေ အန်ချနေသမျှ
ကောင်ကင်ကြီး မိုးစက်တွေအဖြစ်
ရှိုက်ကြီးတငင် ငိုကြွေးနေသမျှ
ကဗျာသည်ဘ၀ကို ကာရံစားပြီး
ကြီးပြင်းရပ်တည်ချင်ခဲ့တဲ့ ကျွန်တော်
အဖေ့အပေါ် လုံးလုံးမတရားခဲ့ဘူးနော်..။

အဖေ့အိပ်မက် ရိတ်ဖြတ်ခဲ့တဲ့သား
အဖေလိုချင်တဲ့ပုံစံ ခြေစုံကန်တဲ့သား
အဖေရေးချင်တဲ့သမိုင်း ကျောခိုင်းခဲ့တဲ့သား
အဖေ့မျှော်လင့်ချက် ပျော်လွင့်ပျက်စေတဲ့သား
ယုံကြည်ချက်တစ်ခုနဲ့ ရှေ့တန်းထွက်ခဲ့တဲ့သား
တကယ့်ဇာတ်ဝင်ခန်းတွေမှာတော့
ဖြစ်လျှောက်ခန်းလောက်သာ ပါခဲ့ရတယ် အဖေ..။

အဖေရယ်...
အဖေစီးဆင်းခဲ့တဲ့ မျှော်လင့်ခြင်းမြစ်တွေမှာ
ချောက်တစ်ခုလို ဖြစ်ခဲ့တဲ့ကျွန်တော်
အခုတော့လေ
ပြိုကျစရာမကျန်တော့လောက်တဲ့ ကမ်းပါးတစ်ခုလို
ကျွန်တော့်ကိုယ်ကျွန်တော် ဖြိုချပြီး
ကျွန်တော်မြတ်နိုးခဲ့တဲ့ ကဗျာသည်ဘ၀
ကျွန်တော့်ကိုယ်ကျွန်တော် အိပ်မွေ့ချပြီး
ကံကြမ္မာကန်းရိုးတန်းပေါ်မှာ မြုပ်နှံခဲ့လိုက်တာ
ကျေနပ်ပါ အဖေ.....။

" ကောင်းလိုက်တဲ့ ကဗျာလေး ကိုမိုးမြင့်ရာ။ ဖတ်ပြီးတော့ ရင်ထဲတစ်မျိုးတစ်မည်ကြီး ခံစားလိုက်ရတယ် "

" ဟုတ်တယ်ကိုဒီပရေ ဒါကြောင့်မို့လည်း ကျွန်တော်ကြိုက်တာပေါ့ "

" ကဲ ကိုဒီပရေ ကျွန်တော် ကြိုက်တဲ့ ကဗျာတွေတော်တော်များများလည်း ပြောပြခဲ့ပြီးပြီ။ ကျွန်တော်ကြိုက်တဲ့ ကဗျာတွေ အကုန်သာပြောရရင် ဒီဘလော့ခ်စာမျက်နှာလောက်ပါ့မလားလို့ စိုးရိမ်မိတယ်ဗျို့ ။အဲဒီတော့ ဒီလောက်နဲ့ဘဲ ရပ်လိုက်မယ်ဗျာ အချိန်လည်း အတော်လင့်နေပြီ။ နောက်တစ်ခါ ကျမှဘဲ ထပ်ပြောကြတာပေါ့ "

" ဟုတ်တယ် ကိုမိုးမြင့်ရေ ကျွန်တော်လည်း ပြန်ဘို့သင့်ပြီဗျ။ အိမ်ကလည်း မျှော်နေလောက်ပြီ ။နောက်တစ်ခါ ကျတော့မှ ဆက်ပြောကြတာပေါ့ဗျာ။ အခုတော့ ကျွန်တော်လည်း ပြန်လိုက်ဦးမယ် ကိုမိုးမြင့်ရေ ။ အခုလို ကဗျာကောင်းတွေဖတ်ရတာ ကျေးဇူးတင်သဗျာ။ ကဲသွားပြီဗျို့ "

ကျွန်ုပ်လည်းပြောပြောဆိုဆိုနှင့် နှုတ်ဆက်ကာ ဆင်းသွားသော ကိုဒီပ၏ ကျောပြင်ကို ငေးကြည့်ကာ ဒီဇင်ဘာ လျော်ကြေး ဆိုသော ကဗျာလေးအား ဒုတိယအကြိမ် ပြန်ဖတ်မိ လိုက်လေတော့သည်။


စိတ်၏စေရာနာခံလေသော

မိုးမြင့်တိမ်

( ကိုလင်းဒီပရေ ရေးလိုက်ပါပြီဗျာ။ ရေးပေးတာနောက်ကျတဲ့ အတွက်ခွင့်လွှတ်စေလိုပါသည်ခင်ဗျာ )

ပထမတော့ မတက်ခ်တော့ဘူးလို့ နေမလို့။ ဒါပေမယ့် စိတ်ကူးပြောင်းပြီး တက်ခ်ပါမည်။ တက်မည့်သူကတော့ တူများရဲ့ အရှင် တူတို့ရဲ့ဘုရင် ကိုဖိုးမောင်(Happy Cloud) ပါ။ နောက်တစ်ယောက်ကတော့ ညီမ ရွှန်းမီပါ။ နောက်တစ်ယောက်ကတော့ ညီမ GREEN GIRL ပါ။ခင်တယ်ဆိုရင် ရေးပေးကြပါ။

Monday, December 8, 2008

ဒီဇင်ဘာ

ပေါ့ပေါ့ပါးပါး မင်းနှလုံးသားက
ရက်စက်တဲ့ ဇာတ်လမ်းတွေအတွက်ရဲရင့်ခဲ့
ရုတ်တရက် မှောင်မိုက်သွားတဲ့
ဒီဇင်ဘာရဲ့ စူးစူးရဲရဲနှင်းဖွဲဖွဲတွေအောက်မှာ
ငါက အလွမ်းတွေနဲ့သာ
ကျွမ်းမြိုက်လှောင်လှိုက်လို့ ...

ပန်းနုရောင် လက်သည်းဆိုးဆေးလောက်တောင်
မင်းကိုငါက အလှမပေးနိုင်ဘူးလားကွာ
ကြေကွဲခြင်းပြ မျက်ရည်စတွေက
ငါ့ မြင်ကွင်းတွေကိုေ၀၀ါး ငါ့နှလုံးသားဟာ
ထားရာနေစေရာသွားခဲ့ရတဲ့ ငယ်ကျွန်လို
မင်းလက်ညှိုးညွှန်ရာမှာ ၀ပ်ဆင်းခဲ့...

မင်းစိတ်ကလေးကို တစ်ချက်
ငဲ့ကွက်ကြည့်လိုက် အချစ်ရေ
ဒီဇင်ဘာမှာ
နှလုံးသားတစ်ခုလုံး ဖျတ်ဖျတ်ခါ
အရာရာမှာ ကြေကွဲရောင်တွေသာ
ငါ့အတွက် စွန်းထင်းပေကျန်နေရစ်ခဲ့...

အထီးကျန် တမ်းတမှုတွေစုစည်းတဲ့
အသည်း(သဲ)ကွဲတဲ့ ဒီဇင်ဘာပေါ့
မင်းထားရစ်ခဲ့တဲ့ ရာသီမှာ
နှင်းတွေကလည်း အပြာ
အလင်းဆိုတာလည်း မလာတော့တဲ့အခါ
ငါဟာ ဘယ်ရင်ငွေ့နဲ့မှမနွေးနိုင်တော့တဲ့
သင်းကွဲငှက် တစ်ကောင်ပါ...

ဒီဇင်ဘာကပေးတဲ့ ကဗျာတွေလေ
ငါ့ကောင်းကင် တစ်ခုလုံးဝေလို့
တမ်းတမှုတို့ ခြုံသိုင်းတဲ့
ဒီကဗျာတိုင်း တံတိုင်းလေးမှာဘဲ
မင်းပေးခဲ့တဲ့ အသည်းကွဲဒဏ်ရာတွေထဲမှာ
ငါဟာ အနေခက်စွာပျော်ဝင်စီးမြောရင်း
ခရစ်စမတ်ဆိုတဲ့ ပွဲတော်လ
နှစ်သစ်ကိုကြိုဆိုဘို့ ပြင်ဆင်နေကြတဲ့
လူတွေကြားမှာ ငါဆိုတဲ့ကောင်က
အလွမ်းတွေနဲ့ ပြာချပစ်လိုက်တယ်...



စိတ်၏စေရာနာခံလေသော



(အထက်တွင်ဖော်ပြထားသောပုံအား poemsbyraslater.blogspot.com မှ ကူးယူအသုံးပြုပါသည်)

Thursday, December 4, 2008

ဖယောင်းတိုင်လိုလူ


ကိစ္စရပ်တွေများမြောင်
လူတို့နေထိုင်တဲ့ လောကလူ့ဘောင်မှာ
အမှောင်ကိုဖယ်ခွင်း အလင်းပေးနိုင်တာ
နေရောင်တစ်မျိုးတည်းလဲမဟုတ်
လမင်းအလင်းနဲ့လည်း မလုံလောက်တဲ့အခါ
လျှပ်စစ်မီးဆိုတာလည်း ကူတဲ့အပြင်
အလင်းဝင် အမှောင်ပျောက်စေဘို့
ဆောင်ကြထွန်းကြ နောက်တစ်မျိုးက
ဖယောင်းတိုင် ဆိုတာတဲ့လေ...

အပေါ်ယံကြည့်ရင်တော့ မာကျောပေမယ့်
ပျော့ပြောင်းတဲ့ ခန္ဓာပိုင်ရှင်
တကယ်သာ လိုအပ်ပြီဆိုရင်
ကိုယ့်ကိုယ်ကို မီးရှို့
ခန္ဓာကို အရည်ပျော်ကျခံလို့
ပတ်ဝန်းကျင်ကို အလင်းဓါတ်ပေးတယ်
အဆင်းပျက်လို့ ငွေ့ငွေ့လေးကျန်စေတော့
ဖယောင်းတိုင်ဆိုတာလေ
လင်းလျက်နဲ့ဘဲ သေကြတယ်...

ကောင်မလေးရေ..
မင်းအတွက် အဆင်ပြေမယ်ဆိုရင်
ငါ့အသည်းကို မညှာမတာခွဲ
သဲသဲမဲမဲလည်း ရက်စက်နိုင်တယ်
လှည့်ကြည့်ပြီးလဲ မငိုင်နဲ့...

ငါ့နှလုံးအိမ်ကို မီးစာအဖြစ်ရှို့လို့
ငါ့ခန္ဓာ ကိုလိုသလိုသုံး
မင်းအတွက် အရှုံးဆိုတာမရှိရင်
ပြုံးပြုံးကြီးလည်း မင်းပျော်နိုင်တယ်...

မင်းရင်ခွင်က ၀မ်းမြောက်တယ်ဆိုရင်
ငါ့ကိုယ်ငါ အရည်ဖျော်ချ
နှလုံးသားကို မီးစာအဖြစ်သုံးလို့
ငါ့ခန္ဓာမှာ ငါကိုယ်တိုင်ထွန်းညှိဦးမယ်
မိန်းကလေး..
မင်းအတွက်ဆိုရင် ငါဟာ
ဖယောင်းတိုင်လို လူပါ...



စိတ်၏စေရာနာခံလေသော



(အထက်၌ ဖော်ပြထားသောပုံကို www.flickr.com မှ ကူးယူအသုံးပြုထားပါသည်။)

Tuesday, December 2, 2008

အဆိပ်သင့်ခြင်း

ဘ၀တွေကလည်း ခါးရဲ့
မျိုမျိုချနေရတဲ့ နေ့ရက်တွေကလည်း
ဆေးခါးကြီးတစ်ခွက်လိုဘဲ ခါးသက်သက်
ဒါပေမယ့် ဒီအခါးတွေကဘဲ
နှလုံးသားအတွက် ဆေးဘက်ဝင်နေတယ်...

မင်းပစ်ခွင်းတဲ့ မြှားတစ်စင်းက
ငါ့ရင်ခွင်ကို နက်ရှိုင်းစွာဝင်စိုက်
နှလုံးသားကို ထုတ်ခြင်းဖောက်ခတ်ချိန်
စီးကျလာတာက သွေးမဟုတ်ဘူး
အချစ်တွေ...

အိပ်ပျက်ခဲ့တဲ့ ညတွေ
ကယောက်ကယက်နဲ့
ခြောက်ခြောက်ခြားခြား
ရင်ခုန်သံအမှားတွေ
ဝုန်းဒိုင်းကြဲနေတဲ့ တမ်းတခြင်းတွေ
သူတို့တွေကြားထဲမှာ
လွမ်းဆွတ်ခြင်းကတော့
တိတ်ဆိတ်စွာ ထိုင်နေလေရဲ့
အဆိပ်ခတ်ခံလိုက်ရတဲ့
နှလုံးသားရင်ပြင်က အချစ်မျှော်စင်ပေါ်မှာလေ...

ရင်ခုန်သံတွေလဲ မရပ်သေးဘူး
အသက်ရှုတာလဲ မ၀တော့ဘူး
နှလုံးခုန်တိုင်းမှာလဲ ရူးချင်ပြီ
လောကဓမ္မရေ မင်းသိရင်ပြောပြာပါ
ငါ့ရင်ဘတ်ကို ဘယ်သူအဆိပ်ခတ်သွားလဲ...




စိတ်၏စေရာနာခံလေသော



(အထက်ဖော်ပြပါပုံကို http://img75.imageshack.us/ မှကူးယူဖော်ပြပါသည်။)

Monday, December 1, 2008

ကဗျာပေါင်းမိတ်ဆွေ


အော် ... ဟိုယောင်ယောင် ဒီယောင်ယောင် (^)
အင်တာနက်ကိုဆောင်
အိပ်ချိန်တောင် ကျော်ပါပေါ့ ...
မိုးမြင့်တိမ် မည်လေတဲ့
အိုအဆွေ ...။

အိပ်ချိန်ကျော်လည်း (*)
စိတ်ငြိမ်အောင်
အရင်ကြိုးတာပ
ကိုရွှေကိုအင်တာနက်ရယ်က
ဝင်လာခဲ့ပါ လက်ယက်ခေါ်ပြန်တော့
အကျွန်ုပ်မှာ အဟုတ်မနေသာဘူး
ငိုက်လျက်သာ စိုက်စိုက်တွဲရတယ်
စိတ်နယ်လွန် ဟိုတစ်ဘက်ကမ်းဆီက
ကိုအိပ်မက်ရှင် မည်တွင်ခေါ်သညာတဲ့
အို...မိတ်ဆွေ ကြည်ရွှင်ပါစ...။

ကြည်ပေစွ အတည်ဗွေ မထရက်ပါဘု (^)
စိတ်တွင်းနော် ဖိတ်သွင်းခေါ်
ဤမိတ်ဆွေတွေက
အဟုတ်အပီ နှုတ်စီကာ ဆက်ကြတယ်
အော် ... ကောင်း၏ စိတ်စမ်း ... ။

ကောင်းဆိုဒေါင်းညိုတွေတောင် (*)
အတောင်ဖြန့်ကာမြူးတယ်
မောင်မကြန့်ကြာဘူး လာမယ်ဆို
ကောင်မလေးကိုငိုငိုကာ သူလေချွဲတတ်ပါ့
ခွဲရက်များသူလေ လွမ်းတယ်တဲ့
ကိုအိပ်မက်ရေ တွဲလက်ဆက်ကမ်း...။

ကဒေါင်းညိုအတောင်ဖြန့်ကာပ (^)
ဆောင်းလိုဆို ဤမြေ လှမ်းလှတယ်
အညာတမ်းနေလည်း မဖြေနိုင်ပေါင်
လွမ်းပုံဆောင် ဤအသိတွေက
အပီစိတ်တွေကြွကာ ကြွကာနဲ့
ချစ်သူကို ကိုလေ တမ်းရတယ်
အို ... ကိုမိုးမြင့်ရေ
ဟစ်မိ ဆက်လှမ်း ... ။

ဘ၀ဇာတ်ခုံ အဖုံဖုံရယ်က (*)
ကြုံဆုံလာ ဤဘ၀မှာ
ကြည်မျှသာ နှစ်ကိုယ်တူတွဲဘို့အရေး
ဆွဲလို့သာ တွေးကာမှတ်ပေရော့
ခုများတော့ အနေဝေးတာမို့
ရွှေအေးကို ပန်းကန်တက်လေတော့
ကိုအိပ်မက်ရေ....
အလွမ်းတပ်သားတွေက
နှလုံးသားရင်တဘက်ကမ်းကို
တက်လှမ်းနေကြပြန်ပြီလေ...။

အို ... အဟုတ်တွေ တကယ်ပြောတာပ (^)
အခုလေ ရင်တစ်စုံ ခုန်ကာကြွကာနဲ့
တစ်ပြုံတစ်မကွယ့် အလွမ်းတွေ
ကမ်းတက်ပြီ ချီနေကြပီမို့
လမ်းခက်ပွေ ဒီတပ်သားတွေက
ယူငင်ကာ ဆောင်ယူသိမ်းလေတော့
နွမ်းမိပေ လွမ်းဖြူတစ်ချောင်းကိုမှ
လှမ်းထူမိရတဲ့ ... အို မိတ်ဆွေရေ
ရှုံးမိ စစ်ကြောင်း ... ။

အရှုံးအနိုင် အမှန်မတွက်ပါလ (*)
အမှန်တကယ်ချစ်တာက
ရင်ထဲကမေတ္တာတရား
ပစ်ခွာကာ သူလေသွားစေဦး
မှားလေဦး တစ်ကြိမ်တစ်ခါမို့
ငိုချင်တောင် ကြိုးကာပြုံးပြမယ်
အချစ်စစ်ဖြစ်ကြောင်း...။

အရှုံးအနိုင် တွက်ပိုင်ကာ မချက်လေပ (^)
သက်ယိုင်ကာ လဲကာကျစေဗျ
အလျော့မပေးဟ ... ချစ်မိနေ
ဟစ်မိပေ ဤစာပါးကိုမှ
အသာအယာ ယူကာ ပြမှာဖြင့်
စိတ်တော်ကြည် ရွှင်ကာပြုံးရတဲ့
အို .... ကမ်းဆင့် မှာကြောင်း ... ။

အမှာတော်ပါး ထိုစကားကြားတာဖြင့် (*)
အငိုသမားတောင် ကြိုကြားပြုံးမိတယ်
မဆုံးလေတဲ့ ဒီသံသရာ
ရည်သန်ကာ လက်ရွှေတွဲကြကြောင်း
ကောင်းဆုမွန်တောင်း...။

မငိုလေနဲ့ဆရာ ပြိုနေကွဲ့ ဤကမ္ဘာမှာ (^)
ဆိုလေရဲ့ သာယာစေကြောင်းကိုပ
လိုနေခဲ့ ခင်ရာနှင် မိတ်ပင်ဟောင်းကိုလ
အကြောင်းညီကြရဲ့ စိတ်တော်ရွှင်
ထိပ်တော်တွင် စီကာတွေးချဟဲ့
ဖိတ်ခေါ်ချင် လာပေကောင်းလှမို့
အို ... အဆွေတော် ကိုမိုးမြင့်ရေ ...
ကမ်းမိ လက်ပေါင်း ... ။

ရှေးအစဉ်အလာ စကားထာထားတာက (*)
ခင်မင်ရာမိတ်ဆွေကောင်းရယ်က
ဆွေမျိုးထက် သာကာကောင်းပြန်မို့
ပေါင်းကြတဲ့ ရင်ဘတ်တူ
ထပ်တူကာ ရင်မှာလန်းပါဘိ
လှမ်းတူကာ ပျော်ရွှင်စပ်ကြတယ်
ကိုအိပ်မက်ရေ
ကဗျာတွေသီကာ စပ်ကာဖြင့်
စိတ်လက်သာကြောင်း...။

၂၁.၁၁.၂၀၀၈

(^) - အိပ်မက်ရှင်
(*) - မိုးမြင့်တိမ်

အထက်၌ဖော်ပြခဲ့သော ကဗျာလေးမှာ ကိုအိပ်မက်ရှင်နှင့် ကျွန်ုပ်မိုးမြင့်တိမ်တို့ နှစ်ဦးပေါင်း၍ သီကုံးရေးစပ်ထားသော ကဗျာလေးဖြစ်သည့်အလျောက် ကျွန်ုပ်တို့ရင်ဘတ်တူ ကဗျာဆရာ လူရွယ်နှစ်ယောက်၏ ရင်းနှီးနွေးထွေးမှုကို ဖော်ကြူးကာ ကျွန်ုပ်တို့ တတ်သလောက်မှတ်သလောက်လေးနှင့် ရေးစပ်ထားခြင်းဖြစ်၍ကဗျာဖတ်သူ၊ စာချစ်သူမိတ်ဆွေများအား မည်သည့်ရသကိုမျှ ပေးနိုင်စွမ်းမရှိလျှင်သော်လည်းကောင်း၊ စကားလုံးထားသိုမှု ကာရန်ဖွဲ့စည်းမှုများ မညီညွတ်ခဲ့လျှင်သော်လည်းကောင်း၊ ကဗျာဖတ်သူမိတ်ဆွေများအနေဖြင့် ပျင်းရိဘွယ်ရာဖြစ်ခဲ့လျှင်သော်လည်း
ကောင်း ၀ါသနာတူရင်ဘတ်တူ ကဗျာဆရာလူရွယ်နှစ်ယောက်၏ တတ်စွမ်းသမျှလေးနှင့်သာ ပူးပေါင်းဖန်တီးမှုဖြစ်သဖြင့် နားလည်ခွှင့်လွှတ်ပေးနိုင်မည်ဟု ကျွန်ုပ်အနေနှင့်များစွာမျှော်လင့်မိပါကြောင်း ။

(အထက်၌ ဖော်ပြထားသောပုံကို http://www.mysthaven.com မှ ကူးယူဖော်ပြပါသည်။)



စိတ်၏စေရာနာခံလေသော

Friday, November 28, 2008

ဆုတောင်း






















သြကာသလောကမှာ
နေနဲ့လ နှစ်ပါးဆိုင်လို့
နေမင်းက အလင်းဝင်တဲ့
နေ့ခင်းဆိုတာကို ပေးတယ်
လမင်းက ညခင်းကိုပေးတယ်...

နေအလင်းကြောင့် ကမ္ဘာကလင်းသလို
လမင်းက အေးမြခြင်းကိုဆောင်တယ်
လင်းထင်းခြင်းမှာ အပူလှိုင်းတစ်ခုရှိသလို
အေးမြခြင်းကိုတော့ လူတိုင်းငြိတွယ်ကြတယ်...

နေလာလို့ နှင်းပျောက်ခဲ့ချိန်မှာတောင်
ဝေဒနာတို့ ထွင်းဖောက်တဲ့ရင်ခွင်တွေနဲ့ဘဲ
ငါတို့ရဲ့လက်တွေ နွေးထွေးစွာတွဲခဲ့ကြတယ်
အမှတ်တမဲ့နေ့ရက် တွေဖြတ်သန်းရင်း
အမှတ်တရတွေ ရရှိခဲ့ကြတယ်...

ဒါပေမယ့်လည်းလေ
လောကကိုစိုးမိုးတဲ့ နိယာမတရားတွေကို
တွန်းလှန်ဘို့အင်အား ငါတို့မှာမရှိခဲ့ကြဘူး...

အနောက်အရပ်က နေမထွက်သလို
အရှေ့ဘက်ကလည်း နေမ၀င်ဘူး
ဂူတစ်ဂူမှာ ခြင်္သေ့နှစ်ကောင်မအောင်းသလို
လားရာခြင်းတူတဲ့ ပြိုင်မျဉ်းနှစ်ကြောင်းဟာလည်း
မပေါင်းဆုံနိုင်ဘူး...

တကယ်လို့များသာ ဘ၀ကိုပြန်စခွင့်ရှိခဲ့ရင်
ငါ့ကဗျာကို စွမ်းအင်ပြုလို့
ဒီနိယာမတရားတွေကို ကျွမ်းပြန်အောင်
ပြောင်းပြန်လှန်ပစ်ချင်တယ်
ဂူတစ်ဂူမှာ ခြင်္သေ့နှစ်ကောင်အောင်းလို့
ပြိုင်မျဉ်းနှစ်ကြောင်းလည်း ပေါင်းစေ...

ခုတော့လည်း
စိတ်ကူးပန်းချီနဲ့ ရေးသီတဲ့
ငါ့ကမ္ဘာ ငါ့ကဗျာမှာ
ရင်ခုန်သံတွေ တိုးပျောက်လို့
မှော်ဝင်တဲ့ အိပ်မက်တွေနဲ့ဘဲခရီးဆက်မယ်
ငါ့ကဗျာတွေက ညဉ်းလျက်နဲ့ဆွေးကြတယ်...

နောက်နောင်ဘ၀များမှာ
ကုသိုလ်ကံ အကြိုးပေးကောင်းလို့
လူဆိုတဲ့ ပေါင်းကူးလိုဘ၀မျိုးပြန်ရခဲ့ရင်
ငါ..လေးနက်စွာ ဆုတစ်ခုတောင်းမယ်
ဘယ်လို အကြောင်းမျိုးနဲ့မှ
ငါ့နှလုံးသားကို မစတေးရပါစေနဲ့.....



စိတ်၏စေရာနာခံလေသော

Wednesday, November 26, 2008

တိမ်ညိုတွေပြိုသွားတဲ့ကောင်းကင်

ငါဆိုတဲ့ကောင်က ပွင့်လင်းတယ်
ကောင်းကင်ကလည်း ရဲတင်းစွာဖြေတယ်
ပွင့်လင်းတာ ရှက်စရာမဟုတ်သလို
ရဲတင်းတာကလည်း ကလက်တာမဟုတ်ဘူး
ဓါးတစ်ချောင်းမှာတောင် ဓါးရိုးနဲ့ ဓါးနှောင်ရှိခဲ့ရင်
ဘ၀ဆိုတာမှာလည်း အဆိုးနဲ့အကောင်းဆိုတာရှိစမြဲဘဲ.....

မင်းလည်း မင်းလမ်းလျှောက်တဲ့ချိန်
ငါလည်း ငါ့လမ်းငါလျှောက်လို့ပေါ့
အကြောင်းတိုက်ဆိုင်ရင်တော့
ငါတို့နှစ်ယောက် ပေါင်းလျက်ပြန်လာနိုင်တယ်
မျှော်လင့်ချက်တွေ အသက်ဆက်သရွေ့ ပေါ့.....


တစ်နေရာမှာ ရာဇာဖြစ်ရင်
တစ်နေရာမှာ ပြာတာဖြစ်တယ်
ဒီတော့........ငါက
ဘယ်နေရာမှာရာဇာဖြစ်လို့
ဘယ်နေရာမှာပြာတာဖြစ်သလဲ.....

ရာဇာဘဲဖြစ်ဖြစ် ပြာတာဘဲဖြစ်ဖြစ်
အချစ်ဆိုတဲ့ သစ်ပင်ရှင်နေသရွေ့
ငါ့ ကောင်းကင်က မိုးမချုပ်ဘူး
ရဲရဲတောက်တဲ့ ငါ့သွေးသောက်ကဗျာတွေကလည်း
ငါ့ရင်မှာ ဖြိုးမောက်တုန်းဘဲ.....

ကဗျာကိုသောက် ကဗျာကိုစား
ကဗျာတွေသာ ကြီးထွားတဲ့ရင်ခွင်မှာ
ကဗျာသစ်ပင်တွေ အမြစ်တည်နေသမျှ
ငါ့ကမ္ဘာကို ငါ့ကဗျာနဲ့တည်ဆောက်မယ်
အဲဒီ့အတွက် ကောင်းကင်တစ်ခုကိုငါရောက်ခဲ့တယ်.....

တိမ်ဆိုတာပေါ့ပါးတယ် လွတ်လပ်တယ်
တစ်ချို့ကလည်း ဆိုတယ်
ပုံသဏ္ဍာန်ပြောင်းလွယ် ပျောက်ပြက်လွယ်တဲ့
ဘယ်လိုဘဲဖြစ်ဖြစ် ငါကတော့တိမ်တွေကိုချစ်တယ်.....

တစ်ချိန်က အချစ်ဆိုတာကိုပြက်ရယ်ပြုလို့
မင်းတိမ်တွေညိုခဲ့ရသလို
ငါ့တိမ်တွေလည်း ငိုခဲ့ရတယ်.....

ခု ငါတိမ်ညိုတွေကင်းလို့ လင်းထင်းတဲ့ကောင်းကင်မှာ
ငါ့ကဗျာတွေကို မောင်းနှင်ရင်းငါသေမယ်
ဒါဟာ ငါ့ယုံကြည်ချက် ငါ့သံဓိဌာန်
ကဗျာတွေက ငါ့ရင်ခုန်သံ.....

ငါ့လက်တွေသန်နေသမျှ
ငါ့ကမ္ဘာမှာ ကဗျာတွေရှင်သန်နေစေရမယ်
အလင်းနှစ်တွေ မပြန်သရွေ့
ဒီကောင်းကင်မှာ ငါပျော်မွေ့မယ်
ကဗျာကိုအသက်သွင်း မှော်ဝင်တဲ့စုတ်ချက်သွင်းလို့
ဒီကောင်းကင်မှာဘဲ ကဗျာတွေကို
ငါ့လက်နဲ့ ခင်းကျင်းခဲ့ဦးမယ်.....

ငါဆိုတဲ့ကောင်က ပွင့်လင်းတယ်
ကောင်းကင်ကလည်း ရဲတင်းစွာဖြေတယ်
အလင်းတွေမင်းရှေ့ရောက်တာ
တိမ်ညိုတွေ ပျောက်လို့တဲ့လေ.....

ကဗျာတွေကလည်း ငါ့ကိုပြောကြတယ်
မင်းရဲ့နေ့ရက်တွေ တိမ်ညိုကင်းလို့
လင်းခဲ့ပြီ ကဗျာဆရာတဲ့.....

ငါ့ကဗျာတွေက ပြောတဲ့စကား
ငါ့ရင်ခွင်က ကြားတဲ့အချိန်
ငါကဗျာရေးသီတဲ့ ငါ့ကောင်းကင်ကြည်ကြည်ကို
အမည်တစ်ခု ပေးခဲ့တယ် အဲဒါ
"တိမ်ညိုတွေပြိုသွားတဲ့ကောင်းကင်"



စိတ်၏စေရာနာခံလေသော

မိုးမြင့်တိမ်

Tuesday, November 25, 2008

မှတ်တမ်းရေးသော ဆွေးရက်များ














အချစ်လက်ဖ၀ါးထက်မှာ
ပါးအပ်ထားတဲ့ ပန်းသီးတစ်လုံး
ရင်ခုန်သံမပျက်သုဉ်းဘဲ ပြုတ်ကျခဲ့တာ
ရူးနှမ်းနှမ်းဖြစ်တဲ့ လက်အပြစ်လား
ပြုတ်ကျသွားတဲ့ ပန်းသီးအပြစ်လား.....

လှပတဲ့မေတ္တာ ငှက်ကလေးတစ်ကောင်ကို
ရွှေလှောင်အိမ်မှာ နှောင်ဖွဲ့ထားချင်တာ
ချစ်တတ်သူရဲ့ အပြစ်လား
ချစ်စရာကောင်းတဲ့ ငှက်ကလေးရဲ့အပြစ်လား.....

မီးထဲခုန်ဆင်းလို့ အသစ်ပြန်ဖြစ်ထွန်းတဲ့
ဖီးနစ်ငှက်မဟုတ်ဘူးဆိုတာ ငါမေ့နေခဲ့တယ်.....

လောကကြီးက ထူးဆန်းပါတယ်လေ
ရာမာယဏ ဇာတ်တော်မှာတောင်
အချစ်နွံထဲကျွံတဲ့ ဒဿ
မယ်သီတာကို ရဘို့ကြိုးစားခဲ့တာဘဲ.....

အချစ်ကြီးတဲ့ ဒဿ
ပြန်ရလိုက်တဲ့ မယ်သီတာရဲ့ဆုလာဘ်ကကော
နောင်ဆယ်သက်တောင် သေစေတဲ့.....

ခုနေချိန်များ မယ်သီတာရှိသေးရင်
နှောင်ဖွဲ့မဲ့ ဓါးတစ်ချောင်းပေးလို့
ဘယ်သူ့ကိုထိုးမလဲ မေးလိုက်ချင်တယ်
ရွေးချယ်လိုက်ပါလေ.....

အဆိပ်သင့်တဲ့ ငါ့ရင်ခွင်ကအချစ်ကို
မင်းမကြင်တော့တဲ့အခါ
တခြားတစ်ယောက် ရင်ခွင်မှာ
မင်းပျော်ရွှင်စွာ ခိုဝင်လှည့်ပါ
ငါငိုချင်ရင်လည်း ငိုနေခဲ့လိမ့်မယ်.....

ကောင်းကင်ထက် ပစ်လွှတ်လိုက်တဲ့မြှားတစ်စင်း
Velocity ကုန်လို့ပြန်လည်ကျဆင်းတဲ့အချိန်
ရင်ဆီးခံမြေပြင်ဟာ ငါမဟုတ်နိုင်တော့တာ
ကောင်းကင်သက် မကုန်ခင်ကတည်းက
ငါသိပြီးသားပါ.....

အဆုံးသတ်မှာ
ငါအပြုံးမပျက် ဟန်ဆောင်နေပေမယ့်
ရင်ခုန်သံတွေကတော့ ပျက်သုဉ်းရက်ကိုရောက်နေပြီ.....

အဆုံးတစ်နေ့မှာ
မင်းငါ့ကို လုံးဝမေ့ခဲ့ပြီဆိုရင်
ဒေါနပန်းတွေ လှိုင်လှိုင်ပွင့်တဲ့
အလွမ်းတောင်ထိပ်က သောကမြို့ရိုးရှေ့မှာ
ငါ့ရင်ကိုခွဲ ငါ့အသဲ(သည်း)ကိုစတေးပြီး
ငါ့သွေးနဲ့ ကဗျာတစ်ပုဒ်ရေးခဲ့မယ်
ဆွေးရက်မှတ်တမ်း တွင်စေတယ်.....



စိတ်၏စေရာနာခံလေသော

မိုးမြင့်တိမ်

Monday, November 24, 2008

မှော်ဆရာနှင့် တိမ်ပျိုမ
























ကြည်ပြာရောင်တောက်တဲ့ ကောင်းကင်မှာ
ပန်းနုရောင် ကလောင်တစ်ချက်နဲ့
အချစ်အတွက် ဆေးဖော်စပ်ချိန်
သက်တန့်အိမ်တံခါးကို ဖွင့်လို့
တိမ်ပျိုမ တေးတစ်ပုဒ်ဆိုတယ်
မှော်ဆရာ တမ်းချင်းတဲ့လေ.....

ကောင်းကင်ကိုမှ ခေါင်းတင်မှေးစက်ချင်တဲ့ မှော်ဆရာ
တိမ်တိုက်တောကို ဖြတ်ကျော်စဉ်မှာ
တိမ်ပျိုမနဲ့ တွေ့ခဲ့တာလေ.....

ကဗျာမှာ ၀ိညာဉ်အသက်သွင်း
မှော်လမ်းကို ခင်းတဲ့အချိန်
တိမ်ပျိုမအတွက် ဖြစ်တည်ရာအိမ်ဟာ
မှော်ဆရာ ရင်ခွင်မှာဖြစ်တဲ့
အသဲ(သည်း)လွန်ကြိုးနဲ့ ထိုးတဲ့အိမ်လေ.....

စုတ်ချက်ဆွဲတဲ့ မှော်ဆရာလက်အပြောင်း
ခပ်စောင်းစောင်းဖြစ်သွားတဲ့ ဆေးတစ်စက်ကြောင့်
တိမ်ညိုတွေရစ်သိုင်း နှလုံးသားတောင်ထိပ်က
တံတိုင်းတစ်ချပ်လည်း ကြိုးပဲ့ခဲတယ်.....

ရုတ်တရက်ပျောက်ကွယ်တဲ့ တိမ်ပျိုမကိုကြည့်ရင်း
မှော်ဆရာကောင်းကင်က ပြုတ်ကျခဲ့တာ
အလင်းနှစ် ထောင့်ငါးရာကြာခဲ့တယ်.....

မြေပြင်မှာ မတ်မတ်ရပ်
မှော်ဆရာ စုတ်တစ်ချက်ရမ်းတဲ့အချိန်
ကြူးရင့်တဲ့ တမ်းချင်းတစ်ပုဒ်ဖြစ်ထွန်းတယ်.....

မင်းသိဘို့ ဝေဒနာကိုကြေငြာခဲ့ရင်
မဏိမေခလာတောင် နေနိုင်မယ်မထင်ဘူး
ရင်ခုန်သံ မရပ်ဘဲရူးချင်လည်းရူးမယ်
တိမ်ပျိုမလက်နဲ့ မသတ်မချင်းပေါ့.....

မှော်ဆရာရင်ထဲ
တိတ်တိတ်လေး တေးမှတ်ခဲ့တဲ့အချိန်ရှိတယ်
တိမ်ညိုတွေ ပြိုတဲ့ကောင်းကင်ရောက်ခဲ့ရင်
တိမ်ပျိုမရေ................................
မင်းဆီကို မှော်ဆရာတစ်ယောက်
အရောက်လာခဲ့မယ်.....



စိတ်၏စေရာနာခံလေသော

Sunday, November 23, 2008

ရင်ခွင်တမ်းချင်း

သံယောဇဉ် အမျှင်တန်း
ရင်ခွင်လမ်းကို လျှောက်ခဲ့စဉ်
ကြောင့်ကြမဲ့စွာ မပူပင်တဲ့ငါ့စိတ်
ဘောက်မဲ့ကြောင့်များ တိတ်ဆိတ်
ရင်ခုန်သံတွေများ တိုးတိတ်သွားတာလား....

ရေကူးရင်းကြွက်တက်သလို
တဆတ်ဆတ်နာကျင်တဲ့ ရင်ခွင်နဲ့ဘဲ
အဖက်ဖက်ကို ချင့်ချိန်တွေးတော
လိုဘမပြည့်တဲ့ လူတို့သဘော
အခုငါကကော...................
ရိုဘော့တစ်ရုပ်လို ပြုမူတွေးတောလို့...

အတွေးပြောတာတွေ နားထောင်
သွေးပြောတာတွေ နားယောင်လို့
ရင်ခွင်မှာ ရေးသောကဗျာတွေလည်း
များမြောင်ခဲ့ပြီ........................

ဘ၀သံသရာ လမ်းတစ်လျှောက်
ခံစားလောက်တဲ့ အဖြစ်အပျက်တွေ
အချစ်အတွက် နေခဲ့တဲ့ရက်တွေပျောက်ဆုံး
အမှောင်လုံးလုံး ကျရင်တောင်
ငါ့ရင်ခွင်က တမ်းချင်းတစ်ပုဒ်
ဖြစ်ကျန်ရစ်စေ...........



စိတ်၏စေရာနာခံလေသော

Friday, November 21, 2008

တိမ်ညိုမိုက်၍ ငိုရှိုက်သည်

ခါးသက်တဲ့ ညတွေကို
ညတွေကဘဲ ပြန်မျိုချရင်း
ငိုချင်းကို သီရှိုက်တဲ့
လူတစ်ယောက်ရဲ့ ရင်ခုန်သံ
လူတွေကြားမှာဘဲ ပျောက်ပြက်ပြန်ပြီ...

တိတ်ဆိတ်စွာ ကျဆုံးနေတဲ့
ဒီအခန်း............................
အကြင်နာမဲ့တဲ့ ခြေလှမ်းတွေနဲ့
ဘယ်သူတွေ ၀င်လာကြဦးမလဲ...

ဝင်သူလဲ မဲ့ခဲ့ပြီ
ကြင်သူလည်း ခွဲခဲ့ပြီ
ခုတော့လည်း
ရင်ပူတဲ့ လူတစ်ယောက်သာ
ညအခါးတွေကြားမှာ
................................
................................
................................
တွေးလျက်နဲ့ ဆွေး.....



စိတ်၏စေရာနာခံလေသော

Tuesday, November 11, 2008

လပြည့်ည( သို့ ) ဆေးပေါင်းခတဲ့ည

ထိန်ထိန်သာတဲ့ လမင်း
ကောင်းကင်ယံမှာ ထွန်းလင်း
ကြယ်အပေါင်းလည်း ခြံရံ
ဒါ လမင်းနိုင်ငံ.....

တက်ညီတဲ့ လူတွေပေါင်းစုံ
အာရုဏ်မလာခင် အမှီကပ်ရေး
လက်မနှေးအောင် ကြိုးစားလို့
မသိုးသွားတဲ့ သင်္ကန်း
အပြိုင်အဆိုင် ရက်ကာကပ်ကြတယ်
ဒါ လပြည့်ည.....

လောကဓါတ်တခွင် ဆေးပေါင်းစုံလင်
ညအလှမှာတောင် ဆေးပေါင်းခတော့
နွယ်မြက်သစ်ပင်တွေလည်း
ဆေးဘက်ဝင်ကြတယ်.....

မယ်ဇလီဖူးသုပ် အထူးပြုလုပ်လို့
ရောဂါဘယ ကင်းကွာကြစေဘို့
ဝေမျှကာ တို့တွေစားကြတာ
အမေရာ......
သား ဒီညကိုလွမ်းလိုက်တာ.....

မသိုးသင်္ကန်းတွေ အပြိုင်အဆိုင်
ကောင်းမှုတွေ လှိုင်လှိုင်ပြုတဲ့ည
အဝေးကနေ ကျွန်တော်တမ်း
လွမ်းလှတယ် အမေ.....

ကံကြမ္မာ အခါသင့်ရင်ဖြင့်
တဖန်သာ ပြန်ကာတွေ့ကြမယ်
ထိန်ထိန်သာ ပျော်စရာပွဲတော်ည
အမေ.........
သား ဒီဘ၀ပြန်ရမှာပါနော်.....


စိတ်၏စေရာနာခံလေသော

မိုးမြင့်တိမ်

Monday, November 10, 2008

စိတ်၏စေရာနာခံလေသောလူ

တိမ်းမူးတာလည်း ဒီစိတ်
ယိမ်းလူးတာလည်း ဒီစိတ်...
ထိန်းကွပ်တာလည်း ဒီစိတ်
တိမ်းညွှတ်တာလည်း ဒီစိတ်...
စွဲလမ်းတာလည်း ဒီစိတ်
အသည်းကျွမ်းတာလည်း ဒီစိတ်...
အထင်လွဲတာလည်း ဒီစိတ်
ရင်ကွဲတာလည်း ဒီစိတ်...
ချစ်ခြင်းဟာလည်း ဒီစိတ်
အပြစ်မကင်းတာလည်း ဒီစိတ်...
မုန်းခြင်းဟာလည်း ဒီစိတ်
ပျက်သုဉ်းခြင်းဟာလည်း ဒီစိတ်...
တွယ်တာတာလည်း ဒီစိတ်
ဖယ်ခွာတာလည်း ဒီစိတ်...
တမ်းတတာလည်း ဒီစိတ်
လွမ်းရတာလည်း ဒီစိတ်...
ခွှင့်လွှတ်တာလည်း ဒီစိတ်
စွန့်လွှတ်တာလည်း ဒီစိတ်...
ပင်ပန်းတာလည်း ဒီစိတ်
ရွှင်လန်းတာလည်း ဒီစိတ်...
နေတုန်းတော့လည်း ဒီစိတ်
သေဆုံးတော့လည်း ဒီစိတ်...
ဤသို့ဤနှယ် စိတ်နယ်ပယ်မှ
စိတ်တို့ပေါင်း၍ စိတ်ပေါင်းများစွာ
သောင်းချီလာလည်း
မဖယ်မယွင်း နာခံစင်းသည်
လူတို့မည်သည်
စိတ်၏စေရာနာလေသည်.....


စိတ်၏စေရာနာခံလေသော

မိုးမြင့်တိမ်

Sunday, November 9, 2008

ကဗျာတွေကပြောမယ့်ငါ့အကြောင်း

ကဗျာကို ဖက်တွယ်ခဲ့တာ
အသက်ငယ်ငယ်လေးထဲက.....

ခံစားချက်ကို အလေးပေးတော့
ဦးနှောက်ကလည်း မနိုင်
ငါ့နှလုံးအိမ်မှာ
ဒဏ်ရာလှိုင်တာလည်း
ယနေ့ထက်တိုင်ဘဲ....

သံယောဇဉ် ချင်ခြင်းတက်
ရင်တွင်းကအဖြစ်အပျက်ကို
ဖွင့်ဟခဲ့တာလည်း
ဒီကဗျာထဲမှာဘဲ.....

ငါ့ချစ်ခြင်းနဲ့အားပြိုင်
မေတ္တာနဲ့ နိုင်အောင်တိုက်တဲ့
ဒီအချစ်စစ်ပွဲ
ရှုံးနိမ့်ခြင်းကြုံလည်း
ကဗျာတွေကို
ငါလေ
ဖက်တွယ်ဆဲ.....

အဆုံးတစ်နေ့မှာ
လုံးဝမေ့စရာအကြောင်းတွေ
ရှိခဲ့ရင်တောင်မှ
ငါဆိုတဲ့ ကောင်အကြောင်း
ကဗျာတွေက
ကောင်း
ကောင်း
ပြော
လိမ့်
မယ်
....
...
..
.




စိတ်၏စေရာနာခံလေသော

မိုးမြင့်တိမ်

Saturday, November 8, 2008

ရင်ကွဲရူံ

ရယူခြင်းကင်းခဲ့တာ
မင်းအတွက်သာ ဖြစ်တည်တဲ့
အပြစ်ကင်းတဲ့ ငါ့ရင်ထဲက
ချစ်ခြင်းမှာ.....

မျှော်လင့်ခြင်းတွေကျိုးပျက်
ငါ့ကမ္ဘာပျက်ခဲ့တာ
ငါ့အပါးက
မင်းထွက်ခွာသွားချိန်မှာ.....

နက်နဲစွာ ဖြစ်တည်တဲ့
ငါ့ရင်တွင်းက ချစ်ခြင်း
မယုံကြည်ခြင်းနဲ့ ရိုက်ချိုးလို့
ငါ့အပါးက ထွက်ခွာ
အရာရာကို ဥပေက္ခာပြုခဲ့ချိန်မှာ
ငါ့ဝိညာဉ်လည်း ပျက်သုဉ်းလို့
ဘ၀တစ်လျှောက်လုံးမှာ
ငါလေ..........
ရင်ကွဲရုံ.........




စိတ်၏စေရာနာခံလေသော

မိုးမြင့်တိမ်

Friday, November 7, 2008

အစိမ်းခြွေ

တဖြုတ်ဖြုတ်ကြွေနေတဲ့ သစ်ရွက်တွေ
တရှုပ်ရှုပ်ငိုကြွေးနေတဲ့ နေ့ရက်တွေ
သက်သေတွေပြုမပေးနိုင်တော့တဲ့ အခါ
ဒါဟာ အစိမ်းခြွေ.....

ရင်ခွင်မှာတည်တဲ့ အချစ်တရား
လှည့်စားတာလား မေးခံရချိန်
ဖြစ်တည်တဲ့ ရင်နှလုံး
ပျက်သုဉ်းတဲ့ ဘ၀အခြေအနေ
ဒါဟာ အစိမ်းခြွေ.....

ပြင်ဆင်ခဲ့တဲ့ အနာဂါတ်သစ်အတွက်
ပြောင်းခဲ့တဲ့ ဆုံးဖြတ်ချက်တွေ
သက်သေတွေ မဲ့တဲ့အခါ
ဒါဟာ အစိမ်းခြွေ.....

အငိုမျက်လုံးနဲ့ အပြုံးမျက်နှာ
ဖုံးခဲ့တဲ့ ငါ့အသည်းဒဏ်ရာ
သွေးစိမ်းရှင်ထွက် နာကြင်လျက်နေလည်း
အစဉ်သာရင်ခွင်မှာ တမ်းတ
အလွမ်းနှင့်သာ နေရမည့်ငါ့ညတွေ
ဒီဘ၀မှာတော့လေ
ဒါဟာ အစိမ်းခြွေ.....

အဆုံးမှာတော့
ပျက်သုဉ်းတဲ့ ငါ့ဘ၀လည်းကြွေ
ဒါဟာ အစိမ်းခြွေ.....


ရင်ဘတ်နှင့်ရေးဖွဲ့သည်
စိတ်၏စေရာနာခံလေသော

မိုးမြင့်တိမ်

"RIGHT HERE WAITING"

Oceans apart day after day
And I slowly go insane
I hear your voice on the line
But it doesn't stop the pain

If I see you next to never
How can we say forever

Wherever you go
Whatever you do
I will be right here waiting for you
Whatever it takes
Or how my heart breaks
I will be right here waiting for you

I took for granted, all the times
That I though would last somehow
I hear the laughter, I taste the tears
But I can't get near you now

Oh, can't you see it baby
You've got me goin' CrAzY

Wherever you go
Whatever you do
I will be right here waiting for you
Whatever it takes
Or how my heart breaks
I will be right here waiting for you

I wonder how we can survive
This romance
But in the end if I'm with you
I'll take the chance

Oh, can't you see it baby
You've got me going crazy
Wherever you go
Whatever you do
I will be right here waiting for you
Whatever it takes
Or how my heart breaks
I will be right here waiting for you

Thursday, November 6, 2008

အခွင့်မရှိ မ၀င်ရ( သို့ )အလွမ်းအခန်း

နှလုံးသား နှုတ်ငုံတော်ဦး
ပွင့်ဖူးတဲ့ ပန်းတပွင့်
ကံကြမ္မာလေပွေ မွှေ့တာကြောင့်
ဝေမလိုနဲ့ ကြွေခဲ့ချိန်မယ်
လောကရယ်...
နင် သာယာနိုင်ပါ့မလား.....

ကျေးငှက်တို့ တေးမဆို
ပန်းတို့လည်း ငိုလို့
ပျော်ရွှင်စရာ ပျောက်ဆုံး
ဝမ်းနည်းမှု တိမ်ဖုံးလို့
ဆိတ်သုဉ်းတဲ့ ဘ၀တို့ညှိုးချိန်မှာ
လောကရယ်...
နင် သာယာနိုင်ပါ့မလား.....

ရင်ခွင်မှာ ဖြစ်တည်
ချစ်ခြင်းတို့ မပီခဲ့ခင်
ခွဲခွာရပြီဆိုတဲ့ အသိတရား
ခံစားလို့ ရရှိလိုက်ချိန်မှာ
လောကရယ်...
နင် သာယာနိုင်ပါ့မလား....

ခုတော့လည်းလေ
နေလာလို့ နှင်းပျောက်ခဲ့ပေမယ့်
ဝေဒနာတို့ ထွင်းဖောက်တဲ့ရင်ခွင်မှာ
အလွမ်းနှင့်သာ ပြည့်ပြန်တာမို့
အချစ်အငွေ့ပျံတဲ့ ဒီအခန်းထဲ
အခွင့်မရှိဘဲ ၀င်မလာကြပါနဲ့တော့.....



စိတ်၏စေရာနာခံလေသော

မိုးမြင့်တိမ်

Tuesday, November 4, 2008

မတရားတဲ့ လောက

ရင်ခုန်သံ ဗျောင်းဆန်
ငါ့ရင်ခွင် ကပြောင်းကပြန်ဖြစ်လို့
ပြောကြစမ်းပါ
လောကကြီး ဘာတွေဖြစ်ကုန်ပြီလဲ...

ချစ်ကြသူတွေ ဝေးတဲ့ရက်
ခွဲခွာသူတွေ ဆွေးတဲ့အတွက်
အသည်းမှာပူတဲ့ အလွမ်းရက်စက်
မင်းအတွက် မတရားဘူး.....

ဘုရားစူးပါစေ ကျိမ်ဆိုတဲ့ စကား
ခုများတော့
လူများကြားမှာ ပျောက်ပြက်
ဖောက်ဖျက်တဲ့ အသိတွေ
ဆိတ်သုဉ်းချိန်မှာတောင်
ငါသိပ်မုန်းမိနေမှာ
မင်းအတွက် မတရားတဲ့
ဒီ လောကတရားကိုပေါ့.....



စိတ်၏စေရာနာခံလေသာ

မိုးမြင့်တိမ်

Monday, November 3, 2008

ကိုယ်တိုင်ရေးပုံတူ

ည.....
တိတ်ဆိတ်မှုအပေါင်း ခညောင်း
ဗျောင်းဆန်အောင် ခုန်တဲ့ငါ့ရင်
ခုတော့လည်း လူသေနဲ့မခြား
ရင်ခုန်သံတွေ ငြိမ်နေပါပေါ့လား...

ပင်လယ်ဟာ အတိမ်အနက်ရှိသလို
ရင်ခုန်သံကို ဇိမ်အမှတ်နဲ့ကြည့်မိတဲ့ငါ
ကဲ...အခုတော့ မင်းအလှည့်ကျပြီ
ဘာတတ်နိုင်သေးလဲ...

လူတစ်ယောက်ကို ချစ်ခြင်းဟာ
ပူလောင်လိုက်တဲ့ ဖြစ်ခြင်းလို့
အရင်က ပြောခဲ့ဘူးတယ်
ကဲ...အခုတော့ မင်းအလှည့်ကျပြီ
ဘာတတ်နိုင်သေးလဲ...

နောင်တဆိုတာ
နောင်ကျမှရမယ်ဆိုတဲ့စကား
ဆိုခဲ့စဉ် အခါတုန်းက
မင်းမျက်နှာ ဂုဏ်တွေလွှင့်
အပြုံးတွေနဲ့ ၀င့်လို့
ကဲ...အခုတော့ မင်းအလှည့်ကျပြီ
ဘာတတ်နိုင်သေးလဲ...

ည.....
တိတ်ဆိတ်မှုအပေါင်း ခညောင်းလို့
ခုတော့လည်းလေ
ငါ့အကြောင်းငါရေး
ငါတေးသီရာ ငါ့ကဗျာမှာ
ငါ့ကမ္ဘာ တစ်ခါပျက်ခဲ့ပြီ...
ငါကိုယ်တိုင်ရေးသည်
ငါ့ပုံတူ ပန်းချီ...




စိတ်၏စေရာနာခံလေသော
မိုးမြင့်တိမ်

Sunday, November 2, 2008

အမေပြောတဲ့စကား

အရာတိုင်းကို မခံစားပါနဲ့ သား
အရာတိုင်းကို ခံစားရင်
ငါ့သားရင်မှာ
ဒဏ်ရာဒဏ်ချက်သာများလာလိမ့်မယ်...

အခြေအနေတိုင်း
တရားသေမမှတ်နဲ့ သား
ဒီလောကကြီးထဲမှာ
ပုံသဏ္ဍာန် အမှားတွေ
အစုန်အဆန်သွားနေလေရဲ့ .....

ရည်မှန်းချက် မပျက်ပါစေနဲ့ သား
ရည်မှန်းချက် ပျောက်ရင်
မင်းဘ၀ မှောက်လိမ့်မယ်....

လောကထဲလှည့်ပတ်
မင်းရင့်ကျက်တဲ့ အချိန်
အမေ့အိမ်ကို မင်းပြန်ခဲ့
အဆင်းသဏ္ဍာန်မပျက်တဲ့
အမေ့ရဲ့ လေ
မေတ္တာဓါတ်နဲ့ နွေးစေမယ်....



စိတ်၏စေရာနာခံလေသော

မိုးမြင့်တိမ်

ကမ္ဘာပျက်တဲ့မနက်

ငါထင်ခဲ့တာတွေက အမှား...
ငါမြင်ခဲ့တာတွေက အမှား...
ငါကြားခဲ့တာတွေက အမှား...
အမှားပေါင်းများစွာထဲမှာ...
ငါဟာ မှားပြီးရင်းမှား...

အမှားကို အမှန်ထင်
အမြင်ကိုေ၀၀ါးလို့
အမှားများဘဲ မြင်တဲ့
မျက်ဝန်းအစုံ
ငါဖောက်ထုတ်လိုက်ချင်တယ်...

အမှားများသာ ကြားတဲ့နား
ကန်းသွားလည်း ငါမသနားဘူး...

အမှားဘက်ကိုစောင်းတဲ့
ငါ့ရဲ့ စိတ်ဦးခေါင်း
ရူးနှမ်းလည်း မထူးဆန်း
လူတွေအကုန်ဟာ
အရူးအနှမ်းများသာဘဲလေ...

အမှားကိုမှ နှစ်ခြိုက်စွာမြုံတဲ့
ငါ့ရင်အစုံ
ခွဲထုတ်လို့ အကုန်သွန်
ငါ့ရင်ကို ဗလာကျင်း
နာခြင်းက ပြင်းပြလိုက်တာ...

မိတ်ဆွေတို့ရေ
သိများသိရင်လေ
ပြောပြပေးကြပါ
ငါ့ ကမ္ဘာပျက်တဲ့
မနက်မှာ
မတ်တတ်ရပ်နေတာ
ဘယ်နှနာရီရှိပြီလဲ???



စိတ်၏စေရာနာခံလေသော

မိုးမြင့်တိမ်

Saturday, November 1, 2008

ကောင်းကင်ပြိုမဲ့နေ့

အချစ်နဲ့ စစ်မှာ
အကုန်လုံး တရားတယ်
ဒါဆို
မေတ္တာဖုံးတဲ့နှလုံးသား
ဘယ်နားရှာရမတုံး...

အစရှိရင်လည်း
အဆုံးဆိုတာရှိတယ်
ဒါဆို
ငါတို့ ဘ၀နိဂုံးကကော...

တွေ့ဆုံခြင်းရှိရင်
ခွဲခွာခြင်းလည်း ရှိတယ်
ဒါဆို
ခွဲခွာရမယ်မှန်းသိပေမယ့်
အပြစ်ကင်းတဲ့ ချစ်ခြင်းနဲ့
ချစ်ခဲ့သူတွေ အတွက်ကော...

ကမ္ဘာမပြိုပေမယ့်
ငါ့ကောင်းကင် ငိုနေပြီ...
နေရောင်မထိုးပေမယ့်
ငါ့ကောင်းကင် ညှိုးလုပြီ...
ကြယ်ရောင်တောက်ပေမယ့်
ငါ့ကောင်းကင် ပျောက်လုပြီ...

နောက်ဆုံးတော့လည်းလေ
နေ၀င်လို့မိုးချုပ်
ညှိုးရုပ်နဲ့သာ နေရသည်
ငါ့ကောင်းကင်ပြိုမဲ့နေ့
ငါတကယ် မတွေ့ချင်ပြီ...




ရင်ဘတ်နှင့်ရေးဖွဲ့သည်
စိတ်၏စေရာနာခံလေသော

မိုးမြင့်တိမ်

Friday, October 31, 2008

HAPPY BIRTHDAY NYI MA LAY

ညီမလေးရေ ညီမလေးအတွက် မွေးနေ့လက်ဆောင် ကဗျာလေးပါ။


"လောကဓံတိုက်ပွဲ"


ဘ၀ဆိုတဲ့ တိုက်ပွဲ
ဆင်နွှဲတဲ့ အခါ
အောင်မြင်မှု လည်းရှိမယ်
ရှုံးနိမ့်ခြင်းလည်းကြုံမယ်
အောင်မြင်လည်း ဂုဏ်မတင်နဲ့
အရှုံးနဲ့ ရင်ဆိုင်တွေ့လည်း
အားမလျော့လေနဲ့
"ညီမငယ်"

ဘ၀ဆိုတဲ့ ခရီးလမ်း
လျှောက်လှမ်းရမယ့် ပန်းတိုင်
အပြုံးတွေနဲ့ လှိုင်လို့
စောင့်နေပါတယ်
"ညီမငယ်"

ချိုမြိန်တဲ့ အရသာ
အောင်မြင်ခြင်းမှာ ရှိတတ်တယ်
ထိခိုက်တဲ့ ဝေဒနာ
ဆုံးရှုံးခြင်းမှာ ရှိတတ်တယ်
ထာဝရ မချိုမြိန်နိုင်သလို
ထာဝရ မထိခိုက်နိုင်ဘူး
"ညီမငယ်"
ဒါကြောင့် ဒါဘ၀လို့ ခေါ်တာပေါ့.....

မမြဲခြင်းနဲ့ ဖန်ဆင်းတဲ့လောက
ဘာအတွက်နဲ့ စိတ်ဓါတ်ကျမလဲ
ထိုးနှက်ချက်ပြင်းတဲ့ လောကဓံ
ဘာလက်နက်နဲ့ ခုခံမလဲ.....

ခိုင်မာတဲ့စိတ်ဓါတ် ၀တ်ရုံခြုံ
ရင့်ကျက်ခြင်းကို ဒိုင်းလုပ်
မေတ္တာနဲ့လုပ်တဲ့ ဓါးတစ်ဖက်ဆွဲလို့
ညီမလေးရေ.....
တို့မောင်နှမ တိုက်ပွဲဝင်ကြပါစို့ .....

ညီမအရင်းလေးလို ချစ်ရတဲ့ အချစ်ဆုံးညီမလေး ဒီဒီ (ခေါ်) စန္ဒီမိုးမြင့့််ရဲ့ အောက်တိုဘာ(၃၁)ရက်နေ့၌ ကျရောက်သော အသက်(၂၀) ပြည့် မွေးနေ့မှသည် နောင်နှစ်ပေါင်း များစွာ အထိ ညီမလေး ချစ်ရသော မိသားစု၊ ညီမလေးကို ချစ်ကြသော အကိုအမများနှင့် လက်တွဲမဖြုတ်စတမ်း အောင်မြင်စွာ လျှောက်လှမ်းနိုင်ပါစေ။ ဘ၀မှာ ကြုံလာတဲ့ လောကဓံ ခိုင်မာစွာ တွန်းလှန်နိုင်ပါစေ။ အန္တရယ်ဟူသမျှ မြုမခလို့ ဒီဘ၀မက ဘ၀ဆက်တိုင်း ကြည်နူးရွှင်ပြ လှပတဲ့ ဘ၀ကို ပိုင်ဆိုင်နိုင်တဲ့ ညီမလေး ဖြစ်ပါစေလို့ ကိုကြီး လှိုက်လှိုက်လှဲလှဲ ဆုမွန်ကောင်းတောင်းပါတယ်ညီမလေးရေ။


ညီမလေးကိုချစ်တဲ့

ကိုကြီး
မိုးမြင့်တိမ်

Tuesday, October 28, 2008

အချစ်ကို ခံစားကြည့်ခြင်း

" အချစ်ကြောင့် လွမ်းရ ဆွေးရ တမ်းတရခြင်းသည် ဒဏ္ဍာရီ ပမာ ပျက်လွယ် ပြောက်လွယ် ရှိလှ၏ "

ရော်ဘင်တရာနတ်တဂိုး

"အချစ်" လူတစ်ယောက်ဟာ မွေးဖွားလာကတည်းက အချစ်ဆိုတဲ့ အရာကိုဖန်တီးပေးတဲ့ ချစ်တတ်တဲ့ စိတ်တစ်ခုပါလာပြီးသားပါ။ အမေ့ဝမ်းက ကျွတ်လို့ လူ့လောကထဲ အူဝဲ လို့ငိုပြီးဝင်လာကတည်းက ချစ်တတ်တဲ့ စိတ်တစ်ခုပါလာခဲ့တာပေါ့။ ဒါ့ကြောင့်သာ လူမမယ်ကလေးအရွယ်မှာတောင် မိခင်၊ဖခင်ကို ချစ်တဲ့စိတ် ကိုယ့်ကိုဂရုတစိုက်ထိန်းကြောင်းတဲ့ လူတွေကို ချစ်တဲ့စိတ်တွေ တွေ့နေရတာပေါ့။ ဒီနေရာမှာ အချစ်ကိုအမျိုးအစားခွဲကြည့်တော့ မိဘနဲ့ သားသမီး ချစ်ခြင်း၊ မောင်ချစ်နှမချစ် ဆိုတဲ့ ၅၂၈ ချစ်ခြင်းမျိုးနဲ့တစ်ယောက်ကို တစ်ယောက် မမြင်ရ မတွေ့ရရင် မနေနိုင်အောင် ချစ်ခင်စွဲလမ်းတတ်တဲ့ ချစ်သူသမီးရည်းစားခြင်း၊ လင်မယားခြင်းချစ်ကြတဲ့ ၁၅၀၀ အချစ်ဆိုပြီး နှစ်မျိုးနှစ်စားရှိလာပါတယ်။၅၂၈ ချစ်ခြင်းကတော့ ငြိမ်းချမ်းတဲ့ မေတ္တာတရားနဲ့ လွှမ်းခြုံ တဲ့အေးမြတဲ့ ချစ်ခြင်းမျိုးပါ။ ၅၂၈ချစ်ခြင်းမှာတောင်မိဘနဲ့
သားသမီးချစ်ခြင်းမျိုးက မောင်ချစ်နှမချစ် ချစ်ခြင်းမျိုးထက် ပိုပြီးတော့ အေးမြပါတယ်။ မိဘက သားသမီးကို ချစ်တဲ့အချစ်ဟာ စုန်ရေသာရှိပြီး ဆန်ရေမရှိတဲ့ သဘောလို မိမိကသာပေးပြီး သားသမီးဆီက ဘာကိုမှ ပြန်မျှော်လင့်ချက်မထားတတ်တဲ့ ချစ်ခြင်းမျိုးဖြစ်လို့ အချစ်ခံရတဲ့သားသမီးကော ချစ်တဲ့ မိဘပါ အေးချမ်းတဲ့ ချစ်ခြင်းမျိုးပါ။၁၅၀၀အချစ်ကတော့ နေပူပူကန္တာရထဲမှာ ရေဘူးထဲက ရေကို သောက်ရသလိုပါဘဲ။ ပူလောင်မှုကိုလည်းပေးစွမ်းနိုင်သလို အေးမြမှုကိုလည်း ပေးနိုင်စွမ်းပါတယ်။ ဒါပေမယ့် အေးမြမှုကို ပေးနိုင်စွမ်းတာထက် ပူလောင်မှုကို ပေးစွမ်းမှုက ပိုမယ်ထင်ပါတယ်။ ဘာကြောင့်လဲဆိုတော့ ၁၅၀၀အချစ်ဟာ ၅၂၈အချစ်လိုမျိုးဘာတုန့်ပြန်မှုကို မှမျှော်လင့်မထားတဲ့ အချစ်မျိုးမဟုတ်လို့ပါဘဲ။ ၁၅၀၀ အချစ်ရဲ့နောက်ကွယ်မှာ လိုချင်တပ်မက်မှု ရယူပိုင်ဆိုင်လိုမှုဆိုတဲ့ အတ္တစိတ်တွေဟာ ကပ်ပါလာပါတယ်။ ဒီအတ္တစိတ်တွေပါလာတဲ့ အတွက်ချစ်ခြင်းဟာ အပြစ်မကင်းတော့ပါဘူး။ သူ့ကိုတော့ ငါကချစ်လိုက်ရတာ သူက ငါချစ်သလောက်တောင်မချစ်ပါလား ငါကတော့ ဂရုစိုက်လိုက်ရတာ သူကတော့ ငါ့ကို ဂရုမစိုက်ပါလား စသဖြင့် လိုချင်တပ်မက်မှု နှိုင်းယှဉ်မှု အစရှိတဲ့ အတ္တမကင်းတဲ့ ချစ်ခြင်းအဖြစ်ရပ်တည်လာပါတယ်။ သို့ပေမယ့် အကုန်လုံးရယ်လို့တော့ မဆိုလိုပါဘူး။ တကယ့်ကို မေတ္တာစစ် မေတ္တာမှန်နဲ့ချစ်ပြီး ဘာကိုမှ ပြန်လည်မမျှော်လင့်တဲ့ ချစ်သူ၊လင်မယားတွေလည်း ရှိကြပါတယ်။ ဒါကတော့ လောကဓမ္မအမြင်နဲ့ စိတ်တို့ဖြစ်တည်မှုကို ပိုင်းခြားပြီး ချစ်ခြင်းရဲ့ဖြစ်တည်မှုကို ခံစားကြည့်တာပါ။

ပုဂ္ဂလိကအမြင်ဖြစ်တဲ့ ကျွန်တော့်ရဲ့၁၅၀၀ အချစ်ပေါ်အမြင်ကို ပြောရရင်တော့အချစ်ဆိုတာကော်ဖီတစ်ခွက်ဖျော်သောက်ရသလိုဘဲလို့မြင်မိပါတယ်။ ဘာလို့လဲဆိုတော့ ကော်ဖီတစ်ခွက်သောက်ဘို့ရာ ပထမဦးစွာ ရေနွေးလိုအပ်ပါတယ်။ အဲဒီ့အတွက် ကျွန်တော်တို့ဟာ ရေနွေးကိုတည်ရပါမယ်။ ရေနွေးရပြီဆိုပြန်တော့ လိုအပ်တဲ့ နို့ဆီ၊သကြား၊ ကော်ဖီမှုန့်တို့ကို ပြင်ဆင်ရပါမယ်။ အကယ်၍မရှိနေခဲ့လျှင် ထိုအရာများကို ၀ယ်ရပါလိမ့်မယ်။ ပြီးရင်တော့ ကော်ဖီဖျော်ထည့်ဘို့ ပန်းကန်ခွက်ယောက်လိုတာပေါ့နော်။အဲဒီ့အတွက် ပန်းကန်ကိုလည်း ဆေးကြောထားဘို့ လိုအပ်ပါတယ်။အားလုံးပြည့်စုံလို့ ကော်ဖီဖျော်ပြီဆိုရင်တော့ ကော်ဖီမှုန့်၊ နို့ဆီ၊သကြားနဲ့ ရေနွေးတို့ကို အချိုးအစားမျှတအောင် ဖျော်စပ်ဘို့လိုတာပေါ့။ ဒါမှလည်း အရသာရှိတဲ့ ကော်ဖီကောင်းတစ်ခွက်ကို သောက်ရမှာပေါ့။ အချိုးအစားမမျှတခဲ့ဘူးဆိုရင်တော့ ကော်ဖီတစ်ခွက်ဖြစ်သော်ငြားလည်း ကော်ဖီကောင်းတစ်ခွက်တော့ မဖြစ်နိုင်တော့ဘူးပေါ့။

ဒီလိုပါဘဲ လူတစ်ဦးတစ်ယောက်အပေါ် ၁၅၀၀အချစ်နဲ့ ချစ်ခင်စွဲလမ်းတဲ့စိတ်ဖြစ်လာပြီဆိုရင်တော့ ကျွန်တော်တို့ဟာ ရေနွေးအိုးတည်တဲ့အချိန်ရောက်လာပါပြီ။ သူ့ကို ငါကချစ်နေတာမသိလို့လား။ ချစ်နေမှန်းသိရက်နဲ့ ငါ့ရှေ့မှာ တခြားလူတွေနဲ့ ရောရောနှောနှောတမင်များ ဆက်ဆံပြတာလား အစရှိတဲ့ လိုချင်တပ်မက်မှု ရယူလိုမှုမကင်းတဲ့ စိတ်တွေဖြစ်လာပြီဆိုရင်တော့ ရေနွေးဆူနေပြီပေါ့။ တစ်ခါ ကိုယ်ချစ်တဲ့သူရဲ့ အချစ်ကို ပြန်လည်ရရှိအောင် ကိုယ့်ကို ပြန်ချစ်လာအောင် ကြိုးစားကြပြီဆိုရင်တော့ ကျွန်တော်တို့ဟာ ကော်ဖီမှုန့်၊ သကြား၊ နို့ဆီတို့ ကိုလိုက်ဝယ်နေပါပြီ။ ကိုယ်က ချစ်တဲ့အတွက် ရယူပိုင်ဆိုင်လိုစိတ်တွေ ဖြစ်ပေါ်လာတာကိုး။ အဲဒီ့အတွက် ရရှိအောင်ကြိုးစားကြတော့တာပေါ့။ အဲ ကိုယ်ချစ်တဲ့ သူက ကိုယ့်ကို ပြန်လည်ချစ်တုံ့ပြန်လက်ခံတယ်ဆိုရင်တော့ ကျွန်တော်တို့ဟာ ကော်ဖီတစ်ခွက်ကို ကော်ဖီမှုန့်၊ သကြား၊ နို့ဆီ နဲ့ ရေနွေးတို့ကို အချိုးအစားကျအောင် ရောစပ်နိုင်လို့ ကော်ဖီကောင်းတစ်ခွက်ကို သောက်ရတဲ့သူတွေပေါ့။ တကယ်လို့များ ကိုယ်ချစ်တဲ့သူက ကိုယ့်ကို ပြန်မချစ်နိုင်လို့ လက်မခံနိုင်လို့ ငြင်းပယ်ခံရတယ်ဆိုရင်တော့ ကျွန်တော်တို့ဟာ ကော်ဖီကို အချိုးအစားမှန်ကန်အောင်မဖျော်နိုင်လို့ ကော်ဖီကောင်းတစ်ခွက်မသောက်ရသူတွေပေါ့။ ဒါကတော့ အချစ်ဆိုတဲ့ အရာအပေါ်မှာ ကျွန်တော်ကြိုက်တဲ့ ကော်ဖီတစ်ခွက်ကို ဥပမာထားပြီး ခိုင်းနှိုင်းမြင်တဲ့ ကျွန်တော့်ရဲ့ အမြင်လေးပါ။ တစ်ခုပြောချင်တာကတော့ ဒီအမြင်ဟာ ကျွန်တော့်ရဲ့ ပုဂ္ဂလိကအမြင်တစ်ခုဖြစ်တာမို့ မတိုက်ဆိုင်တာများရှိခဲ့ရင် နားလည်ပေးပါလို့။ ကဲ မိတ်ဆွေတို့ အားလုံးလည်း ကော်ဖီကောင်းတစ်ခွက်သောက်နိုင်တဲ့ သူတွေဖြစ်ကြပါစေ။


စိတ်၏စေရာနာခံလေသော

မိုးမြင့်တိမ်


ညီမလေး မီးငယ်ရေ အကို ရေးလိုက်ပါပြီ။ ရေးပေးတာ နောက်ကျတဲ့ အတွက်နားလည်ခွှင့်လွှတ်စေလိုပါတယ် ညီမလေးရေ။ ညီမလေး ကျေနပ်လိမ့်မယ်လို့ အကိုထင်ပါတယ်။

Saturday, October 25, 2008

ကျွန်တော်ချစ်မိအပြစ်ရှိသည်


သူ့ကိုမြင်စခဏမှာပင်
ငါ့ရင်အသည်းတမင်ခွဲမည်ဟု
ငါမထင်ခဲ့မိပါ...
သူကပြန်ချစ်ငါ့ရင်နှစ်၌
ပျော်ရွှင်မှုသာစုခဲ့သည်...
သူ့အလိုစကားမပယ်ရှားဟု
သံဓ္ဓိဌာန်လည်းချခဲ့သည်...
သို့သော်လည်းလေ
သံယောဇဉ်နှောင်ချည်တင်း
ချစ်ခြင်းသည်ခိုင်မာလေမှ
ငါ့အားမချစ်မနှစ်သက်ဟု
သူ့နှုတ်ဖျားမှစိမ်းကားသောစကား
ပြောထွက်လေပြီ...
ငါ့ရင်အသည်းနှစ်ခြမ်းကွဲ၍
မျက်ရည်မိုးစွေ
အပူမီးဖြာဝေနေလည်း
သူမမျက်နှာအပြုံးနှင့်သာရှိခဲ့သည်...
နာကျင်အသည်းအံကိုခဲ၍
တစ်သက်မကြေအမျက်မပြေဟု
ခပ်တွေတွေနေမိသော်လည်း
ပြတ်လေသည်ချစ်ခြင်းကို
ဇွတ်တင်းကာမဆက်ချင်ခဲ့...
ခုတော့လည်းလေ
မည်သူ့ကိုမှအပြစ်မတင်
မချစ်ချင်တော့...
ချစ်မိသည်ကကျွန်တော်...
အပြစ်ရှိသည်ကကျွန်တော်...



စိတ်၏စေရာနာခံလေသော

မိုးမြင့်တိမ်

Thursday, October 23, 2008

နံပါတ်(၂) နှင့်ပတ်သက်၍

နှစ်ထပ်ရှိမှ မှတ်မိမယ်ဆိုတဲ့စကား
မင်းအတွက်များ ထားခဲ့တာလား.....

ငါ့အသည်းကို နှစ်ကြိမ်နှစ်ခါခွဲ
မင်းအတွက်တော့
ဇိမ်ဖျာနဲ့တွဲကြည့်ရတဲ့
တိမ်သလာ အငြိမ့်ပွဲတစ်ပွဲလိုပါဘဲ
မေ့လွယ် ပျောက်လွယ် တမ်းတလွယ်ပေါ့....

ငါ့အပြင် နှစ်ယောက်မရှိဘူး ဆိုတဲ့မင်းစကား
တကယ်တော့
ငါဟာနှစ်ယောက်မြောက်ဖြစ်နေတာပါလား.....

အမြတ်တနိုး မင်းကိုတန်ဘိုးထားတဲ့
ရင်ခွင်ကိုမှ ရိုက်ချိုးရက်တယ်......

အေးပေါ့လေ
ဒီဘ၀မှာ ငါကချစ်ရတဲ့သူ
မင်းက အချစ်ခံဘ၀
လုပ်ထားဦးပေါ့ မင်းအလိုကျ.....

အလှည့်အခွင့်ရယ်ကြုံလို့
နောင်ဘ၀မှာများ ထပ်ဆုံခဲ့ရင်လေ
နံပါတ်နှစ်ရဲ့ အရသာ
အချိုမပါ အခါးသက်သက်ရယ်ဆိုတာ
မင်းသိရမှာပါ.....



စိတ်၏စေရာနာခံလေသော

မိုးမြင့်တိမ်

Wednesday, October 22, 2008

ဝမ်းမြောက်ပါစေ

တိတ်ဆိတ်စွာ လှည့်ပြန်ခဲ့တဲ့ညတွေမှာ
ငါ့ရင်တွေ ဘလောင်ဆူပေမယ့်
အမှောင်ထူထူ ညတွေထဲမှာတောင်
ချစ်သူကို ပျော်စေချင်ခဲ့တာ
ငါ့စေတနာ ဆန္ဒရင်းရယ်ပါ....

ချစ်ခြင်းကို ကာရန်ညှိပြန်တော့
ငါပြန်သိလိုက်တာ
မိုးနဲ့မြေက
ပေါင်းစပ်မှုမှ မရှိတာ.....

လရောင်ဆမ်းမှ လန်းတဲ့
ကုမုဒြာ ပန်းလေးတွေပွင့်ချိန်
သူတို့ကို ပြောပြောနေမိတာ
မဆန်းပေမယ့် မရိုးနိုင်တဲ့
မင်းအကြောင်းပေါ့.....

မင်းကြိုက်တဲ့ သီချင်းအဟောင်းလေးတွေ
သတိတရနားထောင်ရင်းက
လမင်းကို ခိုးကြည့်လို့
ငါ...တိုးတိုးလေးရေရွတ်မိတယ်
"နင်တစ်ယောက် ၀မ်းမြောက်ပါလေတော့"

Tuesday, October 21, 2008

ယဉ်ယဉ်လေးရူး

ချစ်စိတ်ကလူကို ဖုံးလွှမ်း
တမ်းတခြင်းနဲ့ နပန်းလုံးလို့
အဆိုးအကောင်း ဆိုတာမသိ
အရိပ်ကိုတောင် ရန်သူထင်မိတဲ့ ငါ
လိုချင်တာ မရတဲ့အခါ
အခန်းတံခါး ပိတ်လို့
ကြိတ်မှိတ်ကာ တစ်ယောက်တည်းရူး
ဒါတွေကို မင်းမသိဘူး.....

လှေမှာလည်း အလျားအနံရှိသလို
အချစ်မှာလည်း အသွားအပြန်ရှိတယ်တဲ့
ဒါပေမယ့်လည်းလေ
မေတ္တာမပါတဲ့ ချစ်ခြင်းမျိုး
မင်းမို့လို့ ငါ့ကိုပေးရက်တယ်.....

ဦးနှောက်နဲ့ ဆုံးဖြတ်
အရှုံးအမြတ် တွက်ရအောင်
မင်းနဲ့ငါ ချစ်ခြင်းက
စစ်ခင်းတဲ့ ပြိုင်ပွဲတစ်ခုမှ မဟုတ်တာ.....

မကြင်နာ တမင်ခွာရှောင်ပြေးလို့
ရင်မှာ ဝေဒနာပေးတတ်ခဲ့လေတော့
မဆင်ခြင် အတွေးတစ်ခုနဲ့
ရင်နင့်အောင် ချစ်ဘူးတဲ့ငါ
ခုတော့လည်းလေ
ယဉ်ယဉ်လေးရူး.....

Monday, October 20, 2008

လွမ်းကျန်ရစ်စေ

ပျော်ရွှင်စရာ ခြံရံလို့
အတိတ်နေ့တွေ ခန့်ညားတုန်းက
ငါလေ
အပြုံးနဲ့ အသက်ဆက်လို့
ဘ၀ဆိုတဲ့ ဘောင်ကို
ရွှေရောင်နဲ့ ကွပ်ခဲ့ဘူးတယ်.....

လောကဓံ မွှေနှောက်လို့
ကြမ္မာလှေ မှောက်တဲ့ငါ့ဘ၀
တစ်စစနဲ့ ကွဲကြေ
အစိတ်စိတ် အမွမွနဲ့ ကွဲနေလို့
ငါ့ နွေရင်ပူတာတောင်
ကြင်သူ လက်နဲ့ဖဲ့ခြွေတုန်း.....

ရင်နှလုံးပျက်သုဉ်း
တိတ်ဆိတ်စွာ ငါကျဆုံးချိန်
မင်းနှုတ်ဖျားက
ငါအမုန်းဆုံး
စကားတစ်ခွန်းပြောတယ်
"လွမ်းကျန်ရစ်စေ"

ချစ်သူသိစေ(၂)

တွယ်တာခြင်း မြတ်နိုးခြင်း ယုယခြင်း
တို့နောက်ကွယ်မှာ
ကြောက်တယ်ဆိုတဲ့
အကြောင်းပြချက်
မရှိခဲ့ဘူး ချစ်သူ.....

ချစ်သူမို့ အပြစ်မယူတာကို
လျစ်လျူရှုတဲ့ မင်းသဘော
ငါ...စစ်ကြောလို့ မရနိုင်ဘူး.....

အကြင်နာအမှန်အစစ်မို့
ရင်မှာဒဏ်ဖြစ်စေလဲ
တွယ်တာကျန်ရစ်တာ
မင်းအပေါ်မှာ
တကယ်သာ အမှန်ချစ်ခဲ့လို့ပါ
ချစ်သူ.....

နွေကုန်လို့ မိုးပျောက်ရင်
ဆောင်းဆိုတာ ရောက်စမြဲပါ
ဒီလိုပါဘဲ
ရင်ခုန်သံ ထိုးဖောက်လို့
ငါ့ အသက် ကျိုးပျောက်တောင်
မချိုးမဖောက် ချစ်နေမှာ
မင်းအပေါ်မှာပါ
ချစ်သူ.....


Saturday, October 18, 2008

ပန်းနှင့် ရှိုက်သံ

ပင်ယံထက်မှာ စံတဲ့ပန်း
လေပြေတွေ ၀င်ကာရမ်းပြန်တော့
ပန်းဘ၀ ကာရန်မညီ
အလွမ်းမျှသာ လာပြန်သည်
သြော်...ဝေမလိုနှင့် ကြွေခဲ့သည်...

ကြွေကျလို့ မြေခပြန်တော့လည်း
လေပြေရယ် သူလေခွဲတာကြောင့်
ကြွေလာရာ လမ်းပျက်လို့
လှမ်းထွက်တာက တစ်နေရာဆီ....

မခွဲခါ အမြဲသာအတူလိုက်မယ်လို့
အားစိုက်ကာ ကြံရွယ်ပြန်လည်း
အံတုလို့ မဖက်ပြိုင်နိုင်
ငါဟာလေ
လေပြေကို မဆန်နိုင်သူပါလား.....

ကံကြမ္မာလေမုန်တိုင်းရယ်က
မညှာမတာ ၀င်ကာရိုင်းပြန်တော့
နှင်းဝေတဲ့ ဆောင်းမှာတောင်
ကောင်းကောင်းမအိပ်စက်နိုင်တာ
ငါပါ.....

ဘ၀နှစ်ခု ကျိုးပျက်
အချစ်တစ်ခု ကွဲအက်ချိန်
ရင်ခွင်မှာ တည်ထားတဲ့
ငါ့ ယုံကြည်ရာ အချစ်တရားက
ငိုငြီးသံ နားခံနိုင်အောင်
မသာယာဘူး.....

ပြယ်လွင့်တဲ့ ရင်ခုန်သံ
စည်းချက်မဲ့စွာ ကခုန်ပြန်တော့
စုစည်းတဲ့ စိတ်အာရုံမှာ
သိက္ခာလုံအောင် မထိန်းနိုင်ဘူး
ယိမ်းယိုင်တဲ့ ငါ့ဘ၀
အငိုလွယ်သလောက်
အရှိုက်ခက်ပါလား.....

Thursday, October 16, 2008

ကျွန်ုပ်နှင့် ဖြစ်သလိုစားသော နေ့ရက်များ

လောက၌ အသက်ရှင်ရပ်တည်ကာ လှုပ်ရှားရုန်းကန်နေရသော လူသားတို့အဖို့ အစားအသောက်သည် မရှိမဖြစ်လိုအပ်သော အာဟာရ လောင်စာဆီတစ်မျိုးပင်ဖြစ်လေသည်။ ထိုအဟာရလောင်စာဆီအား သင့်တင့်မျှတအောင် ဖြည့်ဆည်းစားသောက်မှသာလျှင် နေ့စဉ်လှုပ်ရှားရုန်းကန်နေရသော လူသားတို့အဘို့ လုပ်ငန်းဆောင်တာများကို ကောင်းမွန်စွာဆောင်ရွက်နိုင်၍ အကြံဥာဏ်ကောင်းများလည်း တိုးပွားနိုင်ပေမည်။ ထို့အတွက် လုပ်ငန်းဆောင်တာများကို ကောင်းမွန်စွာဆောင်ရွက်နိုင်စေရန် ကျန်းမာရေးနှင့်ညီညွတ်မျှတစေရန် အစားအစာသည် လူသားတို့အတွက် မဖြစ်မနေ စားသုံးရပေမည်။

ကျွန်ုပ်သည်လည်း လူသားထဲက လူတစ်ယောက်ပင်ဖြစ်၍ နေ့စဉ်နှင့်အမျှ အဟာရအလို့ငှာ ထမင်း ၊ အသားငါး ၊ အသီးအရွက်နှင့် အခြားအဟာရဖြစ်စေမည့် အရာများကို စားသုံးနေရပေသည်။ သို့သော်ယခုအချိန်တွင်မူ ကျွန်ုပ်စားသုံးသော အစားအစာတို့သည် အဟာရဖြစ်သည်ဆိုရုံမျှသာ ဖြစ်လေသည်။အဘယ်ကြောင့်ဆိုသော် ကျွန်ုပ်သည် ယောကျာ်းလေးတစ်ယောက်ဖြစ်သည့်အားလျော်စွာ အချက်အပြုတ်ဝါသနာမပါသူဖြစ်ရကား အမြန်ပြီးစေမည့် ဟင်းအမယ်မျိုးကိုသာ ရွေးချက်တတ်လေ၏။ ကျွန်ုပ်မှာ ထမင်းဟင်းကို အကောင်းကြီးမဟုတ်သော်ငြားလည်း အသင့်အတင့် ချက်ပြုတ်နိုင်ပါ၏ ။ သို့သော် အလုပ်မှမောမောပန်းပန်းပြန်လာပြီး စားဘို့ကို ပင်ပန်းစွာ ထပ်မံချက်ပြုတ်ရမည်ကို ပျင်းသောကြောင့် လည်းကောင်း ၊ ထိုသို့ချက်ပြုတ်နေပါက အဆာလွန်မည်ဆိုးသောကြောင့် လည်းကောင်း ပြီးစလွယ် ဟင်းများကိုသာ ချက်ပြုတ်လေ့ရှိ၏ ။ ထိုသို့ ချက်ပြုတ်ရာတွင် ကျွန်ုပ်၏ လက်စွဲတော် အချစ်ဆုံး ဇာတ်လိုက်မှာ ၀က်အူချောင်းနှင့် ကြက်ဥကြော်ပင်ဖြစ်လေသည်။ ထိုဟင်းအမယ်နှစ်မျိုးမှာ ချက်ပြုတ်ရန်လွယ်ကူခြင်း ၊ အချိန်ကုန်သက်သာခြင်းတို့ကြောင့် ဟင်းချက်ရန် အချိန်များစွာ မပေးလိုသော ကျွန်ုပ်အဘို့ အလွန်ပင်အဆင်ပြေလှပေ၏။ ရံဖန်ရံခါ အရည်ဟင်းလေးစားချင်သည့် အချိန်၌ ပဲဟင်းချက်တတ်သလို ကုန်းကြောင်းဟင်းချိုနှင့် ပြီးသောရက်များလည်းရှိခဲ့ပေသည်။ တစ်ခါတစ်ရံ၌လည်း အပြင်မှာပင် ၀ယ်စားလိုက်သည်လည်း ရှိလေ၏ ။

သို့သော်အပြင်၌ ရောင်းသောထမင်းဟင်းတို့မှာ ရောင်းတန်းဆိုင်ချက်သာ ဖြစ်သဖြင့် ပြောပလောက်အောင်စား၍ မကောင်းပါချေ။ ထို့အပြင် ကျွန်ုပ်တို့၏ မြန်မာပါးစပ်မှာ ချဉ်၊ငံ၊စပ်များကို နှစ်သက်တတ်ရကား အချိုချက်သော ရောင်းတန်းဆိုင်များမှာ ကျွန်ုပ်၏လျှာကို စွဲမက်ဖွယ်ဖြစ်အောင် စွမ်းဆောင်နိုင်ခြင်းငှာ မစွမ်းသာပေ။ သို့အတွက်ကြောင့်ပင် ကျွန်ုပ်မှာ အိမ်ထမင်း၊အိမ်ဟင်းကို လွန်စွာမှ တမ်းတမိလေ၏။ မနက်ပိုင်း မေမေဖျော်ပေးသော ကော်ဖီနှင့် ထမင်းကြော်ကို လွမ်း၏။ နေ့လည်ထမင်းစားချိန်တွင် ကျွန်ုပ်အတွက် ကျွန်ုပ်ကြိုက်တတ်သော ကောင်းနိုးရာရာလေးများကို စီမံပေးတတ်သည့် မေမေ့လက်ရာဟင်းအမယ်များကို လွမ်း၏ ။ ညပိုင်းတွင် မိသားစုဝိုင်းဖွဲ့စားသောက်ကြချိန်များကို တမ်းတမိ၏ ။ ညအချိန်တွင် ဖေဖေဖျော်ပေးသော ကော်ဖီကို သောက်ချင်သေး၏ ။ သို့သော် ယခုတွင်မူ ထိုအရာများအားလုံးအား ကျွန်ုပ်မရရှိနိုင်သည်ကို ကျွန်ုပ်ကောင်းစွာ သိလေသည်။ တစ်ခါတစ်ရံ၌ ကျွန်ုပ်၏ ညီမဖြစ်သူ Green Girl မှ အကိုဖြစ်သူအား ထမင်းစားဖိတ်တတ်လေ၏ ။ ထိုသို့သော နေ့မျိုးတွင်တော့ ကျွန်ုပ်အူစိုပါ၏ ။ ညီမလေးမှာ အချက်အပြုတ်ကျွမ်းကျင်သူ ဖြစ်သည့်အလျောက် သူချက်ထားသော ထမင်းဟင်းကို စား၍ ရှေးဟောင်းနှောင်းဖြစ်များ ၊ လက်ရှိအခြေအနေများကို ပြောရင်း ထမင်းစားရသည်မှာ အလွန်တရာမှပင် ထမင်းမြိန်လေတော့၏ ။ ထိုသို့သော ရက်များမှ အပ ကျန်ရက်များသည် ကျွန်ုပ်၏ အချစ်တော် ၀က်အူချောင်းနှင့် ကြက်ဥကြော်သာ နှစ်ပါးသွားကကြလေတော့သည်။

မည်သို့ပင်ဖြစ်စေကာမူ ကျွန်ုပ်တို့သည် ဘ၀များစွာထဲမှ ဘ၀တစ်ခုကိုဖြတ်သန်းနေရသော လူထဲက လူတစ်ယောက်ဖြစ်သည့် အလျောက် ကျွန်ုပ်တို့ မသေဆုံးခင်အချိန်ထိ ခန္ဓာလိုအပ်ချက် အဟာရများကို ဆက်လက်ဖြည့်တင်းနေရမည်သာ ဖြစ်လေတော့သည်။


စိတ်၏စေရာနာခံလေသော

မိုးမြင့်တိမ်



စာကြွင်း။ ။ ညီမလေး Green Girl ရေ ကျေနပ်တော့နော်။ အကိုဒီ့ထက်လည်း ဆက်မရေးတတ်တော့လို့ ဒီလောက်နဲ့ဘဲ ကျေနပ်တော့နော်။

Friday, October 10, 2008

ကျွန်ုပ်နှင့် ခန္ဓာချုပ်ရန် (၁၀)ရက်အလို

" လောက၌ ဖြစ်တည်သမျှသော သက်ရှိဟူသမျှတို့သည် သေဆုံးရန်အတွက်သာ မွေးဖွားလာကြ၏ ။ "

ရက်သတ္တပတ် တစ်ပတ်၏အဆုံးဟုခေါ်ဆိုနိုင်သလို အစဟုလည်း မည်တွင်နိုင်သည့် တနင်္ဂနွေတစ်ရက်၏ မနက်ခင်း၌ ကျွန်ုပ်သည် လန်းဆန်းစွာ အိပ်စက်ရာမှ နိုးထခဲ့လေသည်။ မျက်နှာသစ် သွားတိုက်အမှုကို ပြုလုပ်ပြီး၌ မနက်ပိုင်းမပျက်မကွက် ပြုလုပ်နေကြသော ဘုရားဝတ်ပြူခြင်းအမှုကို ကျွန်ုပ်သည် ဦးစွာပထမ ပြုလုပ်လေ၏။ ထိုဘုရားဝတ်ပြုခြင်းအမှုပြီးလတ်သော် ကျွန်ုပ်သည် မနက်စာအလို့ငှာ ပေါင်မုန့်မီးကင်ကာ ထောပတ်သုတ်၍ ကော်ဖီတစ်ခွက်ကို ဖျော်ကာ ကျွန်ုပ်၏ မနက်စာကို ၀မ်းမီးငြိမ်းအောင်ပြုလေ၏ ။ ထိုအခိုက်မှာပင် ကျွနုပ်၏ ဘေးခန်းကပ်လျက်နေသော အိမ်နီးချင်းများဖြစ်သကဲ့သို့ ကျွန်ုပ်၏ ခင်ရာဆွေမျိုးဟုဆိုအပ်သော ကျွန်ုပ်၏ မိတ်ဆွေ ကိုဒီပနှင့် မရတနာတို့ စုံတွဲမှာ ၀တ်ကောင်းစားလှများ ၀တ်ဆင်ကာ ကျွန်ုပ်၏ အိမ်ပေါ်သို့ တက်လာလေတော့၏ ။

ကျွန်ုပ် ။ ။ ဒီလင်မယားနှစ်ယောက်စောစောဆီးဆီး ၀တ်ကောင်းစားလှတွေဝတ်လို့ ဘယ်သွားမလို့လဲ။
ကိုဒီပ ။ ။ ကိုမိုးမြင့်ရေ အလှူတစ်ခုသွားစရာရှိလို့ပါ။ ပြီးရင် အလုပ်ကိစ္စတစ်ခု စကားပြောဘို့ ချိန်းထားလို့ မသွားမဖြစ်သွားရမယ်။ခက်တာက ဒီမနက်ပိုင်းကိုနောက်တစ်ယောက်နဲ့လည်း အလုပ်ကိစ္စပြောဘို့ ချိန်းထားသေးတယ်။ အလှူသွားရုံတင်ဆို ကိစ္စမရှိပါဘူး ကိုမိုးမြင့်ရယ်။ အခုက အလုပ်ကိစ္စလေးပါ ဆက်သွားရမှာဆိုတော့ နည်းနည်းနောက်ကျနိုင်တယ်။ တကယ်လို့ ကျွန်တော်တို့ ပြန်မရောက်ခင် ချိန်းထားတဲ့ လူများလာခဲ့ရင် ကိုမိုးမြင့် ခဏလေးစောင့်ခိုင်းထားပေးပါ။ ကျွန်တော်တို့ ပြီးပြီးခြင်းပြန်လာခဲ့ပါ့မယ်။ အိမ်လေးကိုလည်း တစေ့တစောင်းလေး ကြည့်ထားပေးပါဦး။
ကျွန်ုပ်။ ။မောင်ရင့်နှယ် တနင်္ဂနွေလေးတစ်ရက်တောင် မနားရပါလား။ မောင်ရင်တို့ ပွဲစားတွေ သိပ်လောဘကြီးတာကိုး။ သေရင်ကိုယ့်နောက်ပါမှာ မဟုတ်ဘူးနော်။
မရတနာ။ ။ဒါတော့ဒါပေါ့ ကိုမိုးမြင့်ရယ် သို့ပေမယ့် သမုဒ္ဒရာ ၀မ်းတထွာလို့ ဆိုထားတယ်မှလား။မသေခင်စားဘို့တော့ ရှာရဦးမယ်လေ။ နောက်ဆိုရင်လည်း ကိုယ့်မျိုးဆက်သစ်လေးတွေလည်း လာဦးမှာလေ။ဒီတော့ ခုရှိနိုင်တုန်း ရှာထားမှ။
ကျွန်ုပ်။ ။ဟုတ်ပါပြီ ပွဲစားလင်မယားရယ်။ ခင်ဗျားတို့ကိုတော့ ပြောလို့မနိုင်ပါဘူးဗျာ။
ကိုဒီပ။ ။ကိုမိုးမြင့်ရေ ကျွန်တော်တို့သွားလိုက်ဦးမယ်။ နောက်ကျနေမှာဆိုးလို့။ စောစောစီးစီး အလုပ်လာရှုပ်တာ အားနာပါတယ်ဗျာ။
ကျွန်ုပ် ။ ။ဒီလိုတော့လည်း ဘယ်ဟုတ်ပါ့မလဲလေ။ ကိုယ့်မိတ်ဆွေတွေဘဲ ကူညီရတာပေါ့။ ဘာမှ အပန်းကြီးတာမှ မဟုတ်တာ။

ကျွန်ုပ်လည်း ပြောပြောဆိုဆိုနှင့်ထွက်သွားသော ကိုဒီပနှင့် မရတနာတို့ လင်မယားကို ကြည့်ကာ စီးပွားရှာရာ၌ တက်ညီလက်ညီနိုင်ပါပေ၏ ဟုတွေးတောမိလေသည်။ ကျွန်ုပ်မှာ တာဝန်ဖြင့် ဒီမြို့လေးသို့ပြောင်းလာပြီးနောက်ပိုင်း၌ ကိုဒီပတို့ လင်မယားမှာ ကျွန်ုပ်၏ ခင်မင်ရင်းနှီးသော မိတ်ဆွေများဖြစ်ခဲ့လေသည်။ ကျွန်ုပ်မှာ ထမင်းဟင်းကို ကောင်းစွာမချက်တတ်သဖြင့် စားရေးသောက်ရေး အခက်ခဲကို ဤလင်မယားမှ များစွာ အကူအညီပေးလေ၏။ထို့ကြောင့်ပင် ကျွန်ုပ်မှာ ဤလင်မယားကို များစွာကျေးဇူးတင်မိလေ၏။ကျွန်ုပ်မှာတစ်ကိုယ်ရေတကာရသမားဖြစ်သည့်အလျောက်အေးဆေးစွာနေလိုသဖြင့် ဤနှစ်ခန်းတွဲအိမ်လေးကို ငှားရမ်းမိသည်မှာပင် ကျွန်ုပ်အတွက် မိတ်ဆွေကောင်းများနှင့် တွေဆုံစေရန် ဖန်တီးပေးလိုက်ခြင်းပင်ဖြစ်လေ၏ ။

ကျွန်ုပ်လည်းထိုသို့တွေးတောရင်း ပက်လက်ကုလားထိုင်ပေါ်တွင်ထိုင်ကာ ကော်ဖီကို ဇိမ်ခံသောက်ရင်း ကျွန်ုပ်လွန်စွာ ကြိုက်နှစ်သက်လှသော London စီးကရက်ကို မီးညှိ ဖွာရှိုက်နေလေတော့၏ ။ ထို့နောက် အနည်းငယ်အိုက်စပ်စပ်ဖြစ်လာသဖြင့် ကျွန်ုပ်ရှေ့စားပွဲအောက်တွင် ရှိသော ယပ်တောင်ကို ယူကာ အသာခပ်နေလေမိတော့၏ ။ ထိုသို့ ခပ်နေရင်းမှ ယပ်တောင်တွင် ပုံနှိပ်ရိုက်နှိပ်ထားသော " ဧည့်သည် " ဆိုသော သံဝေဂ လကာင်္လေးထံ မျက်လုံးရောက်ရှိသွားပေလေတော့သည်။ထို့နောက် ကျွန်ုပ်လည်း ထိုလင်္ကာလေးအား နှုတ်မှအသံထွက်၍ ဖတ်လိုက်လေတော့၏ ။

လာတုန်းကလည်း တစ်ယောက်တည်းနော်
လက်တွဲခေါ်ကာ ဖော်မပါဘူး
ဥစ္စာချည်းနှီး ကိုယ်ထည်းတည်း ။
ပြန်သွားတော့လည်း တစ်ယောက်တည်းနော်
လက်တွဲခေါ်ကာ ဖော်မပါဘူး
ဥစ္စာချည်းနှီး ကိုယ်ထည်းတည်း ။
လာပြီးတော့နား မသွားသေးခင်
ချိန်လေးတွင်မှ
ပြုံးရီမဲ့ငို ချစ်မုန်းပိုကြ
မလိုဒေါသ လိုလောဘနှင့်
ဘ၀ရိပ်မြုံ ကကြိုးစုံခဲ့
ကံကုန်မိုးချုပ် သုတ်သုတ်စောလျှင်
ခရီးနှင်သည်
တို့လျှင် ဧည့်သည်ပါတကား ။

ထိုသို့ရွတ်ဆိုသံ အဆုံး၌ ကျွန်ုပ်၏ အကြားအာရုံသို့ ကိုဒီပတို့ အခန်းရှေ့မှ ကိုဒီပတို့ လင်မယားအားအော်ခေါ်နေသော အမျိုးသမီးတစ်ယောက်၏ ခေါ်သံမှာ တိုးဝင်လာလေ၏ ။

အမျိုးသမီး ။ ။ကိုဒီပ မရတနာ။ မရတနာ။ ဘယ်များသွားကြလဲမသိဘူး။
ကျွန်ုပ် ။ ။ဒီက အမက ကိုဒီပတို့ ဆီလာတာများလားခင်ဗျ။
အမျိုးသမီး ။ ။ဟုတ်ပါတယ်ရှင် ဒီက အကို ကိုဒီပတို့ ဘယ်များသွားသလဲ သိပါသလားရှင်။
ကျွန်ုပ် ။ ။အော် ကိုဒီပတို့ မရတနာတို့ အရေးတကြီး ကိစ္စလေးတစ်ခုရှိလို့ အပြင်ခဏ သွားပါတယ်။ ကျွန်တော့်ကို သူတို့မိတ်ဆွေ တစ်ယောက်လာရင် ခဏစောင့်ခိုင်းထားပေးဘို့ မှာထားပါတယ်။
အမျိုးသမီး ။ ။အော် ဟုတ်ပါတယ်ရှင် ကျွန်မက သူတို့နဲ့ ချိန်းထားလို့ပါ။
ကျွန်ုပ် ။ ။ဟုတ်ကဲ့ပါ ဒါဆို ဒီက အမ ဒီမှာ ခဏထိုင်စောင့်ပါလားခင်ဗျာ။ သူတို့သွားတာ နည်းနည်းတော့ကြာသွားပါပြီ။ ပြန်လာကာနီးပါပြီ။
အမျိုးသမီး ။ ။ကျေးဇူးတင်ပါရှင် ကျွန်မက သူတို့နဲ့ အလုပ်ကိစ္စ ချိန်းထားလို့ ။
ကျွန်ုပ် ။ ။ရပါတယ် ခင်ဗျာ ဒီမှာ ထိုင်စောင့်လို့ ရပါတယ်။ပြောပြောဆိုဆိုနှင့် ကျွန်ုပ်လည်း ထိုအမျိုးသမီးထိုင်ရန် အလို့ငှာ ထိုင်ခုံတစ်လုံးကို ရွှေ့ပေးလိုက်လေ၏ ။ အနှီ အမျိုးသမီးသည်လည်း အိမ်ပေါ်သို့တက်လက်ကာ ထိုင်လေ၏ ။
အမျိုးသမီး ။ ။သူတို့သွားတာကြာပြီလားရှင့်။
ကျွန်ုပ် ။ ။ဟုတ်ကဲ့ မနက်(၈)နာရီလောက်ကသွားတာပါ။ အခု(၁၀)နာရီ ထိုးပြီဆိုတော့ (နာရီကိုကြည့်လျက်) ပြန်လာခါနီးပါပြီ။
အမျိုးသမီး ။ ။အော် ဟုတ်ကဲ့ ကျွန်မ နာမည်က ရည်မွန်သန့်ပါ။ ဒီက အကိုနာမည်က???
ကျွန်ုပ် ။ ။အော် ဟုတ်ကဲ့ တွေရတာဝမ်းသာပါတယ်ဗျာ။ ကျွန်တော်က မိုးမြင့်တိမ်ပါ။
ရည်မွန်သန့် ။ဟုတ်ကဲ့ရှင် တွေ့ရတာ ၀မ်းသာပါတယ်။ ဒါနဲ့ စောစောက ကျွန်မလာတုန်း အကို " ဧည့်သည် " ဆိုတဲ့ လင်္ကာလေးရွတ်နေသံကြားတယ်။
ကျွန်ုပ် ။ ။ဟုတ်ပါတယ်ဗျာ။ တလောက ကျွန်တော့မိတ်ဆွေတစ်ယောက်ဆုံးတုန်းက လိုက်ပို့ရင်း သူ့မိသားစုက သူ့အတွက် ဓမ္မဒါန လုပ်တဲ့ ယပ်တောင်လေးမှာ ရိုက်ထားတာပါ။
ရည်မွန်သန့် ။ဟုတ်ကဲ့ ကျွန်မလည်း ဒီလင်္ကာလေးကို သိပါတယ်။ ဒီလင်္ကာလေးမှာ ဆုံးမထားတာလေးတွေက သိပ်မှန်ပါတယ်ရှင်။ နောက်ဆုံး သွားရမဲ့ ခရီးမှာ ကိုယ်နဲ့ အဖော်ဘယ်သူမှ ပါမှာမဟုတ်ဘူးလေ။
ကျွန်ုပ် ။ ။ဒါပေါ့ မရည်မွန်သန့်ရယ်။ လူတွေဟာ မွေးဖွားလာကတည်းက သေဆုံးဘို့ဘဲမှလား။ သေခြင်းတရားဆိုတာ ဒင်္ဂပြားတစ်ပြားရဲ့ ခေါင်းနဲ့ ပန်းလိုပါဘဲ။ ဆန့်ကျင်ဘက်ဖြစ်သလို တစ်ခုနဲ့ တစ်ခု အလွန်တရာမှလည်း နီးကပ်ကြတယ်လေ။ ကွေးသောလက်မဆန့်မှီ ဆန့်သောလက်မကွေးမှီ လို့ဆိုတယ်မှလား။
ရည်မွန်သန့် ။ဟုတ်ပါတယ်ရှင်။
ကျွန်ုပ် ။ ။အင်း လောကကြီးမှာ ကျွန်တော်တို့ နေဘို့အတွက် ပြင်ဆင်သလို သေဘို့အတွက်လည်း ပြင်ဆင်ထားဘို့လိုတယ်လေ။
ရည်မွန်သန့် ။ဒါပေါ့ရှင် အနေတတ်သလို အသေတတ်ဘို့လဲ လိုတာပေါ့။ ကိုမိုးမြင့်တိမ်ဆီက ဒီစကားကြားရတော့ ကျွန်မတစ်ခုလောက်မေးချင်တယ်။ စိတ်မရှိဘူးဆိုရင်ပေါ့ ။
ကျွန်ုပ် ။ ။မေးပါခင်ဗျာ မေးပါ။
ရည်မွန်သန့် ။အော်ဒီလိုပါ တကယ်လို့များပေါ့လေ ကိုမိုးမြင့်တိမ် အနေနဲ့ ကိုယ်သေရမယ့်ရက်ကို ကြိုသိနေမယ် ပြီးတော့လည်း အဲဒီရက်ရောက်ဘို့ (၁၀)ရက်ဘဲ လိုတော့တယ်ဆိုရင် ကိုမိုးမြင့်တိမ်အနေနဲ့ ဒီ(၁၀)ရက်ကို ဘယ်လိုအသုံးချမလဲလို့ပါ။
ကျွန်ုပ် ။ ။ဒါကတော့ ဒီလိုရှိတယ် မရည်မွန်သန့်ရဲ့။ ကိုယ်ဘယ်တော့သေမယ် ဘယ်အချိန်မှာသေမယ်ဆိုတာကို မြတ်စွာဘုရားရှင်နဲ့ ရဟန္တာတွေကလွဲပြီး ဘယ်သူမှ ကြိုတင်မသိနိုင်ဘူးလေ။
ရည်မွန်သန့် ။ဟုတ်ပါတယ်ရှင် ကျွန်မဆိုလိုတာက အကယ်၍များ သိခဲ့မယ်ဆိုရင်ပြောတာပါ။

ကျွန်ုပ်စဉ်းစားရပါပြီ။ လူတိုင်းလူတိုင်းတစ်နေ့နေ့တွင် သေဆုံးမည်ဆိုသည်ကို သိကြသော်လည်း ယခုကဲ့သို့ (၁၀)ရက်သာလိုတော့သည့် အချိန်တွင် မည်သည့်အရာကို လုပ်ဆောင်မည်ကိုမူ တစ်ခါမျှ စဉ်းစားမိလိမ့်မည်မဟုတ်ပေ။ သို့အတွက်ကြောင့်ပင် ယခုကျွန်ုပ်လည်း သေသေချာချာစဉ်းစားရပါပြီ။ အကယ်၍ သေဘို့ (၁၀)ရက်သာ ကျန်တော့သည့် အခါမည်သည်ကို လုပ်ဆောင်ပါမည်နည်း။ ကျွန်ုပ်စဉ်းစားရင်း၌ပင် ကျွန်ုပ်၏ဘ၀တွင် အလုပ်ချင်ဆုံးအရာ(၃)ခုရှိသည်ကို သတိရမိသည့်အလျောက် မရည်မွန်သန့် ၏အမေးကို မဆိုင်းမတွပင် ပြန်လည်အဖြေပေးလိုက်လေတော့၏ ။

ကျွန်ုပ် ။ ။ကျွန်တော်ကတော့ ဒီလိုစဉ်းစားထားတယ်။ တကယ်လို့များကျွန်တော်သေမယ့်ရက်ကို ကြိုသိမယ် အဲဒီ့ရက်ကလည်း (၁၀)ရက်ဘဲ လိုတော့တယ်လို့ ကျွန်တော်သိခဲ့ရင် ပထမဆုံးရက်မှာ ကျွန်တော့်ကျေးဇူးရှင် မိဘနှစ်ပါးဆီကို ကျွန်တော်ပြန်မယ်။ ပြီးတော့ ကျွန်တော်နဲ့ ကျွန်တော့်မိဘနှစ်ပါး အသွားချင်ဆုံးခရီးဖြစ်တဲ့ ဗုဒ္ဓဂါယာဘုရားဖူးသွားဘို့ ကျွန်တော်စီစဉ်မယ်။ ပြီးရင်တော့ ဒုတိယမြောက်နေ့မှာ အဲဒီခရီးသွားပြီး မြတ်စွာဘုရားရှင်ရဲ့ အနှိုင်းမဲ့ဂုဏ်ကျေးဇူးတော်နဲ့ မြတ်စွာဘုရားရှင် ရဲ့ အထုပ္ပုတ္တိတို့ ကိန်းဝပ်ရာ အဲဒီနေရာမှာ ကျွန်တော့်မိဘနှစ်ပါးနဲ့ အတူလှည့်လည်ဖူးမြော်ကြည်ညိုမယ်။ တတ်နိုင်သလောက်လှူမယ်ဗျာ။ ဒီလိုနဲ့ လေးရက်တာကာလကို ကျွန်တော်ကုန်ဆုံးမယ်။ ခြောက်ရက်မြောက်နေ့မှာတော့ ကျွန်တော့်ဘ၀မှာ ရှာဖွေဆုစောင်းထားသမျှ ဥစ္စပစ္စည်းတွေထဲက တစ်ပုံကို ကျွန်တော့်မိဘနှစ်ပါးအတွက် ကန်တော့မယ်။ တစ်ပုံကို ဆင်းရဲနွမ်းပါးတဲ့ ဘုန်းကြီကျောင်း၊ ၊ဆွံ့အနားမကြားကျောင်း ၊ မျက်မမြင်ကျောင်းနဲ့ ဘိုဘွားရိပ်သာတွေကို လှူမယ်ဗျာ။ကျန်တဲ့တစ်ပုံကတော့ စောစောက ဗုဒ္ဓဂါယာဘုရားဖူးသွားတဲ့နေရာမှာ သုံးမယ်လေ။ (၇) ရက်မြောက်နေ့မနက်မှာတော့ ကျွန်တော်စောစောထပြီးပွင့်လေပြီးခဲ့တဲ့ ဘုရားရှင်တွေဖြစ်တဲ့ ကကုသန်၊ ကောဏဂုံ ၊ကဿဖ ၊ ဂေါတမဆိုတဲ့ ဘုရားလေးဆူနဲ့ နောင်ပွင့်တောမူမယ့် အရိမေတ္တယျ မြတ်စွာဘုရားကို ရည်မှန်းလို့ ထိခြင်းကြီးငါးပါးနဲ့ ရိုသေစွာဖူးမြော်ကန်တော့ ပြီး သံသရာဝဋ်ဆင်းရဲမှ လွတ်မြောက်ပါစေကြောင်း ဆုတောင်းမယ်ဗျာ။ ပြီးရင်တော့ ကျွန်တော့်ရဲ့ အနှိုင်းမဲ့ကျေးဇူးရှင် ဖေဖေနဲ့ မေမေကို ရိုသေစွာ ရှိခိုးကန်တော့ပြီး သာသနာ့ဘောင်ဝင်ခွင့်ပြုဘို့ ခွင့်တောင်းပြီးသာသနာ့ဘောင်ထဲဝင်မယ်ဗျာ။ပြီးတော့ ကျန်ရှိတဲ့ ရက်တွေကို ၀ိပဿနာအားထုတ်ရင်းနဲ့ဘဲ သေခြင်းတရားကို ရဲရဲရင့်ရင့် ရင်ဆိုင်သွားတော့မယ်။ဒါကတော့ အကယ်၍ သေဘို့(၁၀)ရက်သာ ကျန်တော့မယ်ဆိုရင် ကျွန်တော်လုပ်ဘို့ ရည်ရွယ်ထားတဲ့ အစီအစဉ်ပါဘဲဗျာ။
ရည်မွန်သန့် ။ကိုမိုးမြင့်တိမ်ရဲ့ အစီအစဉ်လေးကြားရတာ ကျွန်မ ၀မ်းမြောက်ဝမ်းသာနဲ့ သာဓုခေါ်ပါတယ်ရှင်။

ထိုအခိုက်မှာပင် ကိုဒီပနှင့် မရတနာတို့လည်း ပြန်ရောက်လာကြလေ၏ ။

ကျွန်ုပ် ။ ။ဟော ဟိုမှာ ကိုဒီပတို့ လင်မယား ပြန်လာပြီ မရည်မွန်သန့်ရေ။ မောင်ရင်ရေ ဒီမှာ မောင်ရင်တို့ ဧည့်သည်က မောင်ရင်တို့ကို စောင့်နေတာ။ နည်းနည်းတောင်ကြာသွားပြီ။
ကိုဒီပ ။ ။တောင်းပန်ပါတယ် မရည်မွန်ရယ်။ ကျွန်တော်တို့လည်း အရေးကြီးကိစ္စလေး ပေါ်လာလို့ပါ။ စောင့်နေရတာအားနာလိုက်တာဗျာ။
ရတနာ ။ ။ရည်မွန်ရယ် ဆောရီးနော်။ ရောက်နေတာ ကြာပြီလား။
ရည်မွန်သန့် ။ရပါတယ် ရတနာရယ်။ ဒီမှာ ကိုမိုးမြင့်တိမ်နဲ့ စကားကောင်းနေတာနဲ့ အချိန်သိပ်မကြာသလိုပါဘဲ။
ကိုဒီပ ။ ။ကိုမိုးမြင့်ရေ ကျေးဇူးပါဗျာ ကျွန်တော်တို့ဧည့်သည်ကို ဧည့်ခံပေးထားလို့။
ကျွန်ုပ် ။ ။ရပါတယ်ဗျာ မိန်ရာဟင်းကောင်း ခင်ရာဆွေမျိုးလို့ ဆိုစကားရှိတယ်မှလား။ ကိုယ့်ဆွေမျိုးတွေဘဲဗျာ ကူညီရမှာပေါ့။
ရည်မွန်သန့် ။ကိုမိုးမြင့်တိမ် ကျွန်မကို ခွင့်ပြုပါဦးရှင်။
ကျွန်ုပ် ။ ။ဟုတ်ကဲ့ပါခင်ဗျာ။

ကျွန်ုပ်လည်း ကျွန်ုပ်အား နှုတ်ဆက်၍ ၎င်းတို့အိမ်ဘက်သို့ ကူးသွားသော ကိုဒီပတို့ လင်မယားနှင့် မရည်မွန်သန့်တို့ကို ကြည့်ကာ " ဧည့်သည် " ဆိုသော လင်္ကာလေးကို ဒုတိယအကြိမ်မြောက် ထပ်မံ၍ ဖတ်လိုက်လေတော့သတည်း ။


စိတ်၏စေရာနာခံလေသော

မိုးမြင့်တိမ်


( မဆုမွန်ရေ အမတက်ခ်ထားတာလေးကို ကျွန်တော် ရေးလိုက်ပြီနော် )

Tuesday, October 7, 2008

သိရင်ပြောကြပါ

မေတ္တာနဲ့ မော်ဒန်
ရင်မှာ ကာရန်ညီပါလျက်
တကယ်ဖွင့်ထုတ်မိတော့
ထွက်လာတာက
အနှစ်မရှိတဲ့ စကားလုံး.....
အပြုံးမရှိတဲ့ မျက်နှာ.....

ငါ့ ရင်အစုံ မေတ္တာဝတ်ရုံခြုံပါလျက်.....
ငါ့ စက္ခ္ခုနှစ်ကွင်း သစ္စာနဲ့ လင်းပါလျက်.....
အကြင်နာစကား ငါ့နားကကြားပါလျက်....
ရင်ခွင်မှာ အချစ်ပျောက်တာ
ဘာကြောင့်များလဲ?????????




စိတ်၏စေရာနာခံလေသော


မိုးမြင့်တိမ်

Sunday, October 5, 2008

အိပ်စက်ပါရစေ

အမှားကို ပြင်ရင်း
အမှန်ထဲကို မရောက်တဲ့...ငါ

အမှန်ကို ရှာဖွေရင်း
အမှားထဲက ရုန်းမထွက်နိုင်တဲ့...ငါ

မျှော်လင့်ချက် မဲ့တဲ့နေ့တွေ
ဖြတ်သန်းရတဲ့ အခါ...

ပန်းသီးတစ်လုံးကို ကိုက်စားပြီး
ပြန်လာတဲ့ ပိုးကောင်တစ်ကောင်ရဲ့
အိမ်ပြန်ခရီးမှာ.....

ညဉ့်ငှက်တစ်ကောင်လောက်တောင်မှ
ပြင်းရှရှ မအော်နိုင်တော့.....

ဘ၀ကို အမှောင်ပိတ်လို့
ဂျောင်(ချောင်)တစ်ဂျောင်မှာ
ငါအိပ်နေပါရစေတော့.....





စိတ်၏စေရာနာခံလေသော
မိုးမြင့်တိမ်

ကျွန်ုပ်နှင့် တခုတ်တရ ညတည

မိတ်ဆွေ...သင်သည် သင်နှင့်နီးကပ်စွာ ရှိနေသော်လည်း သင်(ဖုန်းကံ နိမ့်နေသော အချိန်မှ လွဲ၍ ) မမြင်နိုင် မတွေ့နိုင် မကြားနိုင်သော ပရလောက တစ်ခုသည် ကျွန်ုပ်တို့နှင့် နီးကပ်စွာ တည်ရှိနေသည်ကို သင်ယုံကြည်ပါ၏လော။ ကျွန်ုပ်အနေနှင့်မှာမူ ကျွန်ုပ်ကိုယ်တိုင် ကြုံတွေ့ခဲ့ရသော အဖြစ်အပျက်များကြောင့် မယုံကြည်ပါ ဟူ၍လည်း လှေနံဓါးထစ် ပြောဆို၍ မရနိုင်တော့ပေ။

ကျွန်ုပ်မှာ အင်ဂျင်နီယာ အလုပ်နှင့် အသက်မွေးသူဖြစ်ရကား ဆည်မြောင်းမှ ထွက်လာခဲ့ပြီးနောက်တွင် ရန်ကုန်မြို့ (၈)မိုင် လမ်းဆုံတွင်ရှိသော ဆောက်လုပ်ရေး ကုမ္ပဏီ တစ်ခု၌ ၀င်ရောက်လုပ်ကိုင်ခဲ့လေသည်။ ဆောက်လုပ်ရေးလုပ်ငန်း တို့၏ သဘောသဘာဝအတိုင်း အဆောက်အအုံ တစ်ခုဆောက်လုပ်ရာ၌ တည်ဆောက်ရေးလုပ်ငန်းသည်လည်း အရေးကြီးသကဲ့သို့ ထိုနည်းတူစွာ အဆောက်အဦး မဆောက်လုပ်မှီ ကြိုတင်ခန့်မှန်းတွက်ချက်ရသည့် Estimate ဟုခေါ်သည့် အနီးစပ်ဆုံးကုန်ကျမှု ခန့်မှန်းစာရင်းနှင့် Bill ဟုခေါ်တွင်သည့် အနီးစပ်ဆုံးကုန်ကျစရိတ်တန်ဘိုး တွက်ချက်ခြင်းသည်လည်း အဓိက အခန်းကဏ္ဍမှ ပါဝင်လေသည်။ အဆောက်အဦးတစ်ခုဆောက်လုပ်ရာ၌ အရှုံးအမြတ်ဟူသည် ထိုEstimate နှင့် Bill ပေါ်တွင် များစွာမူတည်နေလေသည်။

ကျွန်ုပ်သည်လည်း ကျွန်ုပ်တို့ ကုမ္ပဏီ မှ ရရှိထားသော တန်(၂၀၀)ပျော့ဖတ်စက္ကူစက်ရုံစီမံကိန်းမှ Warehouses , Workshops နှင့်Chimneyအစရှိသောအဆောက်အဦးများ၏ Estimate များတွက်ချက်ခြင်း ၊ တွက်ချက်ပြီးသော Measurmentများအား ပြန်လည်စီစစ်ခြင်း ၊ ထိုMeausrment များအရ ကုန်ကျမည့် ပစ္စည်းပမာဏအား တွက်ထုတ်ခြင်း ၊ ရရှိလာသော အရေအတွက်များအား ဈေးနှုန်းများ ထည့်သွင်းခြင်းဖြင့် Finial Bill ရရှိအောင်တွက်ထုတ်ခြင်း စသည်တို့ဖြင့် စာရွက်ပုံတွေကြားတွင်သာ ခေါင်းမြုပ်နေလေတော့သည်။ ကျွန်ုပ်၏ဆရာ ဒါရိုက်တာသည်လည်း အစည်းအဝေးများ တက်ရောက်ရခြင်း၊ အဓိကကျသော ဈေးနှုန်းများကို ညှိနှိုင်းရခြင်း စသည့်ကိစ္စများဖြင့် မအားမလပ်နိုင်အောင်ရှိရကား ထို Estimate နှင့် Bill တွက်ချက်ခြင်းလုပ်ငန်းများအား မည်သို့မျှ ထိရောက်စွာ ကြီးကြပ်နိုင်ခြင်းငှာ မစွမ်းသာပေ။ ထို့အတွက်ကြောင့်ပင် ကျွန်ုပ်အား Estimate Section ၏ Incharge ရာထူးကို ပေးကာ ထိုတာဝန်များ အားလုံးအား ကျွန်ုပ်၏ ပခုံးပေါ်သို့သာ လုံးလုံးလျားလျား ကျရောက်စေလေတော့သည်။ ထို့အတွက်ကြောင့်ပင် ကျွန်ပ်သည်လည်း အနှီစာရွက်များနှင့်သာ နပန်းလုံး၍ သူနိုင်ကိုယ်နိုင် အပြိုင်ကြဲနေရလေတော့၏။ ထိုအချိန်က Green Girl တို့ သူငယ်ချင်းသုံးယောက် ကုမ္ပဏီသို့ မရောက်ရှိသေးပေ။ အကယ်၍သာ၎င်းတို့ ရှိနေခဲ့ပါမူ ကျွန်ပ်အဘို့ ယခုလောက်ပင်ပန်းမည် မဟုတ်ကြောင်းကိုမူ ကျွန်ုပ်အနေနှင့် ၀န်ခံရပေလိမ့်မည်။ထိုသို့ အလုပ်များ များမြောင်၍ ရှုပ်ထွေးနေသော ကျွန်ုပ်၏ ထံသို့ ထင်မှတ်မထားသော ကြောက်ရွံ့ ထိတ်လန့်ဖွယ်ကောင်းသော အဖြစ်အပျက်တစ်ခုသည် ရောက်ရှိလာခဲ့ပေတော့သည်။ ထိုအဖြစ်အပျက်၏ အစမှာကား.........

တစ်နေ့သ၌ ကျွန်ုပ်သည် လွန်စွာမှပင် လူကြပ်လှ၍ ယောကျာ်းနှင့် မိန်းမ တန်းတူ ယဉ်ဘောင်တန်းကာ တိုးဝှေ့၍ စီးနင်းရသော (၅၁) Air Con Bus ပေါ်မှ မြေနီကုန်း မှတ်တိုင်အရောက်တွင် အားအင်ကုန်သုံး၍ ဆင်းကာ ကျွန်ုပ်နေထိုင်ရာ အိမ်ဂေဟာသို့ စိတ်အေးလက်အေးဖြင့် လမ်းလျှောက်ပြန်လာခဲ့လေတော့၏။ ထိုသို့လျှောက်လာရင်းမှပင် ကျွန်ုပ်လွန်စွာမှပင် ကြိုက်နှစ်သက်လှ၍ သွားလေရာနေရာတိုင်းလိုလို ပါတတ်သည့် London ဟုအမည်ရသော စီးကရက်ဘူးအတွင်းမှ စီးကရက် တစ်လိပ်ကို မီးညှိဖွာရှိုက်၍ နောက်တစ်နေ့တာ လုပ်ဆောင်ရန်ရှိသည့် လုပ်ငန်းကိစ္စများအား ဦးခေါင်းတွင်း၌ အစီအစဉ်ချ၍ လာခဲ့လေသည်။

တစ်နေရာ အရောက်တွင် " ဟေ့ကောင် မိုးမြင့် " ဟု မည်တွင်သမုတ် အကျွန်ုပ်၏ အမည်ကို ပီပီသသကြီး ခေါ်သံကြားရ၍ အသံလာရာဆီသို့ လှမ်းကြည့်မိရာ ဤဇာတ်လမ်းတွင် ကျွန်ုပ်နှင့် အတူတူပါဝင်ကြမည့်သူများဖြစ်သည့် ကျွန်ုပ်၏ ချစ်လှစွာသော သူငယ်ချင်းများဖြစ်ကြသည့် ကျော်ဇင်နှင့် ညီညီ ကို လက်ဘက်ရည်ဆိုင်၌ လက်ဘက်ရည် တစ်ယောက်တစ်ခွက်၊ ဆေးလိပ်တစ်ယောက်တစ်လိပ်ဖြင့် ဆက်ရက်မင်းစည်းစိမ်ခံနေသည်ကို တွေရလေသည်။ ကျွန်ုပ်လည်း ထိုသူငယ်ချင်းများထံသို့ သွားရောက်၍ ၎င်းတို့နှင့် အတူတကွထိုင်ကာ ရောက်တတ်ရာရာ စကားများကို ပြောဆိုမိလေတော့သည်။ ထိုသို့ ပြောဆိုရင်းနေရင်းမှ ကျွန်ုပ်သည် ၎င်းတို့ စောစီးစွာလက်ဘက်ရည်ဆိုင် ရောက်နေခြင်းအား မေးမြန်းရန်သတိရလိုက်မိသဖြင့် မေးမြန်းရန် စကားစလိုက်လေတော့သည်။

ကျွန်ုပ် ။ ။ နေပါဦးကွ မင်းတို့ကို မေးပါရစေဦး။ ဒီနေ့မင်းတို့ နှစ်ယောက်က ထူးထူးဆန်းဆန်း စောစောစီးစီး လက်ဘက်ရည်ဆိုင် ရောက်နေပါလား။ အရင်ဆို ညီညီဆိုင်သိမ်းမှ လာနေကြမှလား။
ကျော်ဇင်။ ။ အေးဟေ့ အရင်ကတော့ ဟုတ်တယ်။ ဒါပေမယ့် ဒီနေ့တော့ မဟုတ်ဘူး။ ဒီကောင် ဒီနေ့ လွတ်လပ်ရေးရနေတယ်။
ကျွန်ုပ် ။ ။ဟ တယ်ဟုတ်ပါလား ဆိုစမ်းပါဦး။ စိတ်ဝင်စားလာပြီ။
ညီညီ ။ ။ ဒီလိုကွ အခုငါတို့နေတဲ့ အိမ်ကို ဖျက်ပြီး ကန်ထရိုက်တိုက်ဆောက်မလို့။ အဲဒါ အားလုံး စာချုပ်ချုပ်ပြီး ပြောပြီးဆိုပြီးပြီကွ။
ကျွန်ုပ် ။ ။ အင်း အဲဒီတော့ ငါက Estimate တွက်ပေးရမယ်ပေါ့။ အလကားတော့ မရဘူးမောင်။ ရေတော့လောင်းရမယ်။ ဟဲ ဟဲ
ကျော်ဇင် ။ ။ ဟေ့ကောင် သောက်မြင်ကပ်အောင်လာမလုပ်နဲ့ ပြောတာကို ဆုံးအောင်နားထောင်။
ညီညီ ။ ။ ချည်းတဲမှဘဲ မင်းကို ဘယ်သူမှ မအပ်ဘူး။ ပြောတာကို နားထောင်ဦး။ အဲဒါ အခုနောက် ၃ရက်လောက်နေရင် အိမ်ကို စပြီးဖျက်တော့မယ်။ပစ္စည်းတွေအားလုံး မနေ့ကပြောင်းပြီးသွားပြီ။ ဒါပေမယ့် ကားဂိုဒေါင်က ပြောင်းထားဘို့ ငှားထားတာ မနက်ဖြန်မှ ရမယ်။ အဲဒါ ဒီနေ့တော့ ကားက ဒီမှာဘဲထားရမှာကွ။ ငါ့အိမ်က ဘယ်သူမှ မရှိဘဲ ကားထားရမှာ စိတ်မချလို့ ဒီည ငါ့ကို စောင့်အိပ်ခိုင်းတာ။ ငါတစ်ယောက်တည်း ပြင်းတာနဲ့ ကျော်ဇင်ကို အဖော်စပ်နေတာကွ။
ကျွန်ုပ် ။ ။ အော် ဒီလိုလား။ ဒါကြောင့်မို့ မင်းက စောစောစီးစီး လက်ဘက်ရည်ဆိုင်ထွက်ထိုင်လို့ ရတာပေါ့လေ။ အခုနေ မင်းကား ၀င်ခိုးသွားရင်တော့ မင်းအိမ်ပေါ်ကနေ ခေါင်းနဲ့ ဆင်းရမယ်။
ညီညီ ။ ။ ဟေ့ကောင် ဒီအချိန်ကြီး ဘယ်သူမှမခိုးဘူး။ အခုမှ ည၇နာရီဘဲ ရှိသေးတယ်။ လူတွေစည်တုံး။ မင်းလို သူခိုးမျိုးသာ ဒီအချိန်ခိုးမှာ။
ကျော်ဇင်။ ။ ကဲတော်ပါတော့ကွာ။ မိုးမြင့် မင်းပါလာအိပ်ပါလား။ မင်းပါရင် ပိုပျော်ဘို့ကောင်းမှာ။ ညကျရင် ငါတို့ ယမကာလေးမှီဝဲကြတာပေါ့။ ဘယ်လိုလဲ??
ညီညီ ။ ။ အေး ဟုတ်တယ်ကွ မင်းပါလာခဲ့ကွာ။
ကျွန်ုပ် ။ ။ လာတော့လာချင်ပါတယ်ကွာ။ ဒါပေမယ့် ငါက မနက်ကို အလုပ်သွားရမှာ ညအိပ်ရေးပျက်လို့ မဖြစ်ဘူးကွ။
ကျော်ဇင်။ ။ ဟာ ဟေ့ကောင် ငါတို့လည်းဘယ်သူမှ ညဉ့်နက်အောင်နေမှာမဟုတ်ဘူး။ လာခဲ့စမ်းပါကွာ။ မနက်ကြတော့ စောစောထပြီး မင်းအိမ်ပြန်ပေါ့ကွ။
ညီညီ ။ ။ အေးလေ မင်းကလဲ။ ငါတို့တွေလည်း ကိုယ့်အလုပ်နဲ့ ကိုယ်ဆိုတော့ မဆုံဖြစ်တာကြာပြီလေကွာ။
ကျွန်ုပ် ။ ။ အိုကေကွာ ငါလာခဲ့မယ် အခုတော့ အိမ်ပြန်လိုက်ဦးမယ်။ ရေချိုးပြီးတော့မှ ပြန်လာခဲ့မယ်။ နည်းနည်း ငြီးစီစီ ဖြစ်နေလို့ ရေချိုးလိုက်မှ လန်းသွားမှာ။
ကျော်ဇင်။ ။ မိုးမြင့် ထမင်းစားမလာနဲ့နော် စားပြီးသွားရင် သောက်နိုင်မှာ မဟုတ်ဘူး။
ကျွန်ုပ် ။ ။ အေးပါကွ မစားခဲ့ပါဘူး။

ကျွန်ုပ်လည်း သူငယ်ချင်းများနှင့် လမ်းခွဲကာ အိမ်သို့ ခပ်သွက်သွက်ပြန်လာခဲ့လေ၏။ အိမ်သို့ ပြန်ရောက်လတ်သော် ခဏနားကာ ရေမိုးချိုးပြီးနောက် ကျွန်ပ်၏ မွေးသမိခင်အား ညီညီတို့ အိမ်တွင် သူငယ်ချင်းများ စုအိပ်မည် ဖြစ်ကြောင်း ဘယ်မှသွားမည်မဟုတ်ကြောင်း ထိုအိမ်တွင်ပင် နေမည် ဖြစ်ကြောင်း မနက်စောစော ပြန်လာခဲ့မည်ဖြစ်ကြောင်း ကတိပေးကာ ညီညီတို့ အိမ်ရှိရာသို့ ထွက်ခဲ့လေတော့၏။ ကျွန်ုပ်နှင့် ညီညီတို့သည် တစ်ရပ်ကွက်ထဲနေကြသည်မှန်သော်လည်း အိမ်ချင်း အတန်ငယ်လှမ်းသည်ဖြစ်ရာ မိနစ်၂၀ လောက်လမ်းလျှောက်ရလေသည်။ ကျွန်ုပ်ထိုအိမ်သို့ ရောက်လတ်သော အိမ်ရှေ့တွင် ကျော်ဇင် အမှိုက်များကို မီးရှို့နေသည်ကို တွေ့ရလေ၏။ ညီညီ့ကိုမူကား မတွေ့ပေ။ ညီညီတို့အိမ်ကို အိမ်ရှေ့မှလှမ်းကြည့်ရင်း စိတ်ထဲတွင် တွန့်ကနဲ တစ်ချက်ဖြစ်သွားလေ၏။ ကန်ထရိုက်တိုက်များကြားတွင် တည်ရှိနေသော နှစ်ထပ်ပျဉ်ထောင်အိမ်မှာ လမ်းမမှ ကြည့်လျှင် ရုတ်တရက်မြင်အိမ်တွင်းသို့ မြင်နိုင်ရန် ခဲယဉ်းပေ၏။ အိမ်၌ထွန်းထားသော မီးချောင်းမှာလည်း အနည်းငယ်အားနည်သည်ဖြစ်ရာ မမှောင့်တမှောင်အလင်းနှင့် နှစ်ထပ်ပျဉ်ထောင်အိမ်ကိုကြည့်ကာ စိတ်ထဲတွင် တစ်မျိုးတစ်မည် ခံစားရလေ၏။ သို့သော် ကျွန်ုပ်၏ စိတ်အတွင်း၌သာ ထင်မြင်ယူဆသည်ဖြစ်သဖြင့် တကယ်လက်တွေ့ တွင်မူ မဖြစ်နိုင်ကြောင်းကို တွေးတောလျက် ထိုအတွေးများကို ပယ်ဖျောက်ကာ အိမ်ရှေ့တွင် အမှိုက်မီးရှို့နေသော ကျော်ဇင်ထံသို့ တန်းတန်းမတ်မတ် လှမ်းသွားမိလေတော့သည်။

ကျွန်ုပ် ။ ။ ဟေ့ကောင် မီးပုံပွဲ လုပ်နေတာလား။

ကျွန်ုပ်စကားကြောင့် အမှိုက်မီးရှို့နေသော ကျော်ဇင်လှည့်ကြည့်လေ၏။

ကျော်ဇင်။ ။ အေး မီးပုံပွဲတော့ မီးပုံပွဲဘဲ။ အမှိုက်တွေပုံပြီး မီးရှို့တဲ့ပွဲလေ။
ကျွန်ုပ် ။ ။ ဟေ့ကောင် ညီညီကော မမြင်ပါလား။ ဘယ်သွားလဲ။
ကျော်ဇင်။ ။ ရှိပါ့ဗျာ ကျေးဇူးရှင်က အပေါ်ထပ်မှာ ဖွန်ကြောင်နေလေရဲ့။
ကျွန်ုပ် ။ ။ ဟေ ဟုတ်လား ဒီကောင့် ကောင်မလေး ဒီအိမ်ရောက်နေလို့လား။ ညဘက်ကြီးကွာ မကောင်းပါဘူး။ ဒီကောင်ကလည်း စကားပြောရင် အိမ်ရှေ့မှာ ပြောပေါ့ကွာ။
ကျော်ဇင်။ ။ ဟာ ဟေ့ကောင် ထင်ရာမြင်ရာတွေ စွတ်ပြောမနေနဲ့။ ငါပြောတာက အပေါ်ထပ်ပြတင်းပေါက်ကနေ လှမ်းကြည့်ရင် သူ့ကောင်မလေး အိမ်ရဲ့နောက်ဖေးပြတင်းပေါက်ကို မြင်ရတယ်ကွ။အေး သူတို့က ပြတင်းပေါက်ကနေ လက်ဟန်ခြေဟန်နဲ့ ပြောပြီး ကြူနေတာဟေ့။
ကျွန်ုပ် ။ ။ ဟ မနိပ်လိုက်တာကွာ။ ဘာမှလည်း မကြေားရဘဲ လက်ဟန်ခြေဟန်နဲ့ ဘဲပြောရသေးတယ်လို့။ ဖုန်းလေးဘာလေး ဆက်တယ်ဆိုရင်တော်သေး။ ဒါနဲ့သူတို့အချင်းချင်း တစ်ယောက်နဲ့တစ်ယောက်ပြောတာတွေကို ရောနားလည်လို့လား။
ကျော်ဇင် ။ ။ အေး အဲဒါတော့ ငါလည်းမသိဘူး။ နားလည်ရင်လည်းလည်မှာပေါ့ကွာ။ ထားလိုက်ပါကွာ အဲဒီဖွန်ကြောင်ကို။ မင်းနဲ့ငါနဲ့ အရက်သွားဝယ်ရအောင်။

ပြောပြောဆိုဆိုနှင့် ကျော်ဇင်က လောင်စာကုန်လု၍ မီးငြိမ်းကာနီးနေပြီ ဖြစ်သော မီးပုံကို ရေဖြင့်လောင်းကာ ငြိမ်းသတ်လိုက်လေ၏။ ထို့နောက် ကျွန်ုပ်တို့လည်း ဖွန်ကြောင်ညီညီကို ထားခဲ့ကာ အရက်နှင့် အမြည်းများဝယ်ရန် ထွက်လာခဲ့လေတော့သည်။အိမ်သို့ ပြန်ရောက်လတ်သော် အချိန်က ၉နာရီခွဲလုလုပင်ရှိနေချေပြီ။ ညီညီမှာမူ ဖွန်ကြောင်၍မပြီးနိုင်သေး။

ကျွန်ုပ် ။ ။ ဟေ့ကောင် ဖွန်ကြောင် မပြီးသေးဘူးလားကွ။ ငါတို့ မသွားခင်တည်းက ပြောနေတာ အခုငါတို့ ပြန်လာတာတောင်မပြီးသေးဘူး။ အေး ဘယ်လက်ကဘဲ စောင့်မယ်ဟေ့။
ကျော်ဇင် ။ ။ ထားလိုက်မိုးမြင့် အချိန်တန်ရင် သူ့ဘာသူဆင်းလာလိမ့်မယ်။ ငါတော့မစောင့်တော့ဘူး သောက်မယ်ကွာ။
ညီညီ ။ ။ ဟေ့ကောင်တွေ ငါဘို့လည်းချန်ဦးနော်။
ကျော်ဇင် ။ ။ အေး သောက်ချင်ရင် မြန်မြန်လာ။ ဒီမှာ ကြွက်တွင်းတွေချည်းဘဲ။

ဒီလိုနဲ့ နောက်(၁၅)မိနစ်လောက်နေတော့ ညီညီဆင်းလာပါတယ်။

ကျွန်ုပ် ။ ။ အော် ကိုယ်တော် ကြွချီတော်မူလာသေးတယ်နော်။ မင်းနှယ့်ကွာ အံ့ပါရဲ့ ဘာမှလည်း ကြားရတာမဟုတ် လက်ဟန်ခြေဟန်နဲ့ဘဲ ပြောနေရသေးတယ်။
ညီညီ ။ ။ အော် ဒါကတော့ ချစ်တာကိုး။
ကျွန်ုပ် ။ ။ တော်စမ်းပါကွာ မင်းအကြောင်းမသိတာမှတ်လို့။

ထိုသို့နှယ် ရောက်တတ်ရာရာများပြောဆိုကြရင်း ကျွန်ုပ်တို့သူငယ်ချင်း သုံးယောက်သား သောက်လိုက်စားလိုက်နှင့် ဇိမ်ကျနေကြတော့၏။ ဤသို့ဖြင့် ကျွန်ုပ်တို့လည်း တော်တော်များများသောက်ပြီးကြပြီဖြစ်ရာ လူများမှာလည်း ရီဝေေ၀ဖြင့် အာသွက်လျှာသွက် ပိုဖြစ်လာလေ၏။ ဤတွင် ညီညီက ဇာတ်လမ်းစပါလေတော့သည်။

ညီညီ ။ ။ မိုးမြင့် ဒီအချိန် သူရဲလာခြောက်ရင် ဘယ်လိုလုပ်မလဲ။ အိမ်က အားလုံးပြောင်းသွားပြီဆိုတော့ ဘုရားစင်လည်း မရှိတော့ဘူးကွ။ ဒီတော့ သူတို့ အချိန်မရွေးဝင်လာလို့ ရနိုင်တယ်။ မင်းကောဘယ်လိုထင်လဲ။

ကျွန်ုပ်မှာလည်း အရက်ရှိန်လေး တက်လာပြီ ဖြစ်ရာ ညီညီမေးသည်ကို မဆိုင်းမတွ ပင်ပြန်လည်၍ ဖြေဆိုလိုက်လေ၏။

ကျွန်ုပ် ။ ။ ခြောက်တော့ကော ဘာဖြစ်လဲ။ သရဲမ ချောချောလေး လာခြောက်ရင် ပိုတောင်ကောင်းသေးတယ်။ ဟုတ်တယ်မှလား ကျော်ဇင်။
ကျော်ဇင်။ ။ အေး ဟုတ်တယ်။ငါကတော့ မကြောက်ဘူး။ ဖွန်ကြောင် မင်းက ကြောက်လို့လား။
ညီညီ ။ ။ မကြောက်ပေါင်ဗျာ။ လာခြောက်ရင်ဘယ်လို နေမလဲလို့မေးကြည့်တာ။ ပြီးတော့ မင်းတို့ ၀ယ်လာတဲ့ အမြည်းကလည်း အမဲခြောက်ကျော်တွေလေ။ ဒါမျိုးတွေဆို သရဲတွေ သိပ်ကြိုက်တယ်လို့ ငါကြားဘူးတယ်။
ကျွန်ုပ်။ ။ ဟေ့ကောင် ပေါက်ကရတွေ လျှောက်ပြောမနေနဲ့။ အချိန်ကိုလည်း ကြည့်ဦး။ သောက်စရာရှိတာသောက်။ ပြီးရင်အိပ်မယ်။ ငါက မနက်အလုပ်သွားရမှာ။

ထို့နောက် ကျွန်ုပ်တို့လည်း လက်ကျန်လေးများကို ဖြတ်ကာ အိပ်ရာသို့ ၀င်ရန်ပြင်ဆင်ကြလေတော့၏။ ကျွန်ုပ်လည်း ၀ိုင်းသိမ်းချိန်၌ လက်မှ နာရီကို ကြည့်မိရာ၁၂နာရီခွဲနေပြီ ဖြစ်လေ၏။

ကျွန်ုပ် ။ ။ ညီညီ ငါတို့က ဘယ်မှာ အိပ်ရမှာတုံး။
ညီညီ ။ ။ အပေါ်ထပ်မှာလေ။
ကျော်ဇင်။ ။ ဟေ့ကောင် ကားဂိုဒေါင်ကို သေချာစစ်ပြီးပြီလား။ သော့တွေကော ခတ်ပြီးပြီလား။
ညီညီ ။ ။ ညကျရင် ငါတို့ကသောက်မှာ ဆိုတော့ မသောက်ခင် အစောကြီးကတည်းက သေချာစစ်ပြီး ခတ်ပြီးပြီ။
ကျွန်ုပ် ။ ။ အေး ဒါဆိုလည်း ပြီးတာဘဲကွာ။ အိပ်ကျမယ်။
ကျော်ဇင် ။ ။ သရဲမလေးလာရင် ငါ့ဆီလွှတ်လိုက်နော် မိုးမြင့်။
ကျွန်ုပ် ။ ။ အေး မင်းဆီကိုတော့ ရုပ်ဆိုးဆိုး သရဲထီးဘဲ လွှတ်လိုက်မယ်။ ဟား ဟား ဟား ဟား။

ထို့နောက် ကျွန်ုပ်တို့လည်း အသီးသီး အိပ်ရာဝင်ခဲ့ကြလေသည်။ ကျွန်ုပ်လည်း သောက်ထားသော အရက်ရှိန်လေးကြောင့် ရီဝေေ၀နှင့် အိပ်ပျော်ကာနီးသော အချိန်တွင် ညီညီ့ဆီမှ စကားသံကို ကြားလိုက်ရလေသည်။

ညီညီ ။ ။ ဟေ့ကောင်တွေ အိပ်ပြီလား။ သေချာ နားထောင်စမ်း ဘာသံလဲ။
ကျွန်ုပ် ။ ။ ဟေ့ကောင် အိပ်ချင်နေပြီကွာ။ မင်းခြောက်လဲ မကြောက်ဘူး။ မနောက်နဲ့တော့။အိပ်တော့မယ်။
ကျော်ဇင် ။ ။ ဟေ့ကောင် မိုးမြင့် နောက်နေတာမဟုတ်ဘူးကွ။ ငါလည်းကြားတယ်။

ကျွန်ုပ်လည်း သူငယ်ချင်း နှစ်ယောက်ပြောစကားကြောင့် အိပ်ချင်နေသော မျက်လုံးကို ပြူးပြဲကာ အသံကို နားစွင့်မိလေသည်။ " ဂေါက် ဂလောက် ချပ် ချပ် ချပ် " အသံကား ကားဂိုဒေါင်ဆီမှ လာသော အသံမျိုးပေတည်း။ ကျွန်ုပ်လည်း ကျွန်ုပ်နားနှင့် ဆတ်ဆတ်ကြားလိုက်မှပင် ညီညီနှင့် ကျော်ဇင်မနောက်မှန်းသိလေတော့၏။

ကျွန်ုပ် ။ ။ ဟေ့ကောင် အသံက ဂိုဒေါင်ဘက်ကကွ။ သူခိုးကပ်ပြီနဲ့ တူတယ်။
ညီညီ ။ ။ ဖြစ်နိုင်တယ်ကွ။ ငါတို့သွားကြည့် ရအောင်။
ကျော်ဇင်။ ။ အေး သွားမယ်။ ဒီအတိုင်းသွားလို့တော့ မဖြစ်ဘူး။ လက်နက် တစ်ခုခု ယူသွားမှ ဖြစ်မယ်။ တော်ကြာ သူခိုးက လက်နက်ပါလာရင် ခက်မယ်။
ကျွန်ုပ် ။ ။ အေး ကောင်းတယ်။ ယူကွာ သွားမယ်။

သို့ဖြင့် ကျွန်ုပ်တို့လည်း နီးစပ်ရာ လက်နက်ကို ရှာဖွေရာ အနီးတွင် အသင့်တွေ့ရသော တစ်တောင် သာသာရှိသည့် တုတ်နှစ်ချောင်းကို လက်နက်အဖြစ် ယူဆောင်လိုက်လေ၏။ ညီညီကမူ အိမ်ပြောင်းစဉ်က ကျန်ရစ်ခဲ့သော လှံတံကို ယူ၍ ကျော်ဇင်ကမူ တံခါးခုသော အုတ်နီခဲ နှစ်လုံးကို ကိုင်ကာ အောက်ထပ်သို့ အသံမကြားစေရန် တိုးညှင်းစွာဆင်းလာလေတော့၏။ ကျွန်ုပ်တို့၏ ရည်ရွယ်ချက်မှာ အကယ်၍အသံတစ်စုံတစ်ရာကြားပါက သူခိုးသိရှိပြီး ထွက်ပြေးမည် ဆိုး၍ဖြစ်လေသည်။ သို့သော် ကျွန်ုပ်တို့ ဆင်းလာသည်ကိုကား သူခိုးသည်သိဟန်မတူပေ။ အဘယ်ကြောင့်ဆိုသော် စောစောကကြားရသော အသံတို့သည် တိတ်မသွားဘဲ ဆက်လက်ကြားနေရသဖြင့် ဖြစ်လေ၏။ သို့သော် ကျွန်ုပ်တို့ ကားဂိုဒေါင်နား ချဉ်းကပ်မိသည်နှင့် ထိုအသံတို့သည် လုံးဝရပ်တန့်သွားလေ၏။ ကျွန်ုပ်လည်း ဓါတ်မီးထိုးရန် ညီညီအားအချက်ပြ၍ ကျွန်ုပ်နှင့် ကျော်ဇင်က ဂိုဒေါင်တံခါးသော့ကို ဖွင့်ကာ ဂိုဒေါင်တွင်းသို့ ၀င်ရောက်လေတော့၏။ သို့သော် ကျွန်ုပ်တို့ ထင်မှတ်ထားသကဲ့သို့ သူခိုးအားတွေ့ရှိရခြင်းမရှိဘဲ တိတ်ဆိတ်၍ ခြေရာလက်ရာမပျက်သော ကားနှင့် ကားဂိုဒေါင်သာ တွေ့ရလေ၏။ ကျွန်ုပ်တို့လည်း သူခိုးထွက်ပြေးပြီအထင်ဖြင့် ကားဂိုဒေါင်နှင့် ကပ်လျက်ရှိသော လမ်းကြားသို့လိုက်လေ၏။ သို့သော် လမ်းကြားတွင်း၌လည်း မည်သည့် အရိပ်အယောင်မျှမတွေ့ ရသဖြင့် လက်လျှော့ကာ ပြန်လာခဲ့လေ၏။

ထို့နောက်တွင် ကျွန်ုပ်တို့လည်း ဂိုဒေါင်တွင်းသို့ တစ်ခေါက်ပြန်ဝင်ကာ ကားအားစစ်ဆေးကြလေသည်။ မည်သည့်ပျက်ဆီးမှုအရိပ်အယောင်မျှ မတွေ့ရသဖြင့် စိတ်ချကာ ဂိုဒေါင်တွင်းမှ ပြန်ထွက်ရန်ပြင်စဉ် ကျွန်ုပ်၏မျက်လုံးများမှာ ကားဂိုဒေါင်နှင့် အိမ်မကြီးစပ်ဆက်ထားသော တံခါးဆီသို့ ရောက်ရှိသွားလေ၏။ စောစောက ကြားရသောအသံမှာ သစ်သားနှင့် သံကြားတွင် ခလောက်သော အသံမျိုးဖြစ်ပေရာ ကျွန်ုပ်လည်း ပို၍သေချာစေရန်တံခါးနားသို့ သွားကြည့်မိလေသည်။ တံခါးမှာ အိမ်မကြီး၏အတွင်းဘက်မှ သစ်သားတံခါး ဖြစ်ပြီး ဂိုဒေါင်ဘက်မှ တံခါးမှာ သံဘာဂျာ တံခါးဖြစ်ပေ၏။ ထိုတံခါး နှစ်ခု၏ကြား၌ ဂိုဒေါင်အပြင်ဘက်တံခါးအားခတ်သော သော့နည်းတူ သော့ခလောက်အကြီးတစ်လုံး ခတ်၍ ထားလေ၏။ သို့သော် ကျွန်ုပ်တွေးထင်သလို ထိုတံခါးနှစ်ခုကြားသို့ လက်ဝင်၍ ခလောက်ရန်မှာ မဖြစ်နိုင်ပေ။ ပို၍သေချာစေရန် ကျွန်ုပ်၏လက်ကို သွင်း၍ ခလောက်ကြည့်ရာတွင် သော့ခလောက်အားကိုင်နိုင်သည် မှန်သော်လည်း ခလောက်ရန်မှာမူ လက်ညပ်နေသဖြင့် မဖြစ်နိုင်ပေ။ အားစိုက်၍ ကြိုးစားလှုပ်ကြည့်ရာ " ဂလောက် ချပ် " ဟူ၍သာ အသံထွက်လေသည်။တံခါးနား ရပ်၍ အလုပ်ရှုပ်နေသော ကျွန်ုပ်အား ညီညီမှ...

ညီညီ ။ ။ မိုးမြင့် တံခါးနားရပ်ပြီး ဘာလုပ်နေတာတုံး။ ငါဂိုဒေါင်တံခါး ပိတ်တော့မယ်။ လာခဲ့တော့။

အိပ်ခန်းအတွင်းသို့ ပြန်ရောက်လတ်သော် ကျွန်ုပ်မှ ညီညီအား

ကျွန်ုပ် ။ ။ ညီညီ မင်းတို့ ဂိုဒေါင်မှာ တံခါးနှစ်ခုရှိတယ်နော်။ တစ်ခုက ကားအသွင်းအထုတ်လုပ်တဲ့ ဂိုဒေါင်တံခါး။ တစ်ခုက အိမ်မကြီးနဲ့ ဆက်ထားတဲ့ တံခါးနော်။
ညီညီ ။ ။ ဟုတ်တယ်လေ ဘာဖြစ်လို့လဲ။
ကျွန်ုပ် ။ ။ အဲဒီတံခါးမှာလည်း သော့ခတ်ထားတာတွေ့တယ်။ မင်းတို့ အဲဒီသော့ကို ခတ်တော့ ဘယ်လိုခတ်လဲ။ ကားဂိုဒေါင်ဘက်ကနေတော့ ခတ်ဖို့မလွယ်ဘူး။လက်ဝင်လို့ မရဘူး တံခါးနှစ်ခုကြားမှာ ညပ်နေတယ်။
ညီညီ ။ ။ အော် အေးဟုတ်တယ်။ အဲဒီသော့ကို ခတ်ရင် အိမ်ထဲကနေ အိမ်မကြီး တံခါးကို အရင်ဖွင့် ရတယ်။ ပြီးမှ သော့ခတ်ရတယ်။ ဒါပေမယ့် ဒီတံခါးက မဖွင့်သလောက်ကို ရှားတယ်။ ဘာလို့လဲ။
ကျွန်ုပ် ။ ။ နည်းနည်းထူးဆန်းနေသလားလို့။ စောစောက ငါတို့ကြားရတဲ့ အသံက တံခါးမကြီးနဲ့ သံတံခါးကြားခေါက်တဲ့ အသံမျိုး။ ဒါပေမယ့် စောစောက ငါခေါက်ကြည့်တော့ " ဂေါက် ချပ် " လို့ဘဲမည်တယ်။ ဒါတောင် တော်တော် အားစိုက်ခေါက်ရတာ။ စောစောက ကြားတဲ့ အသံက သစ်သားသံ တစ်သံဘဲ ကြားတယ် ကျန်တာက သံတံခါးကို ထိတဲ့ အသံကွ။ ဘယ်လိုဘဲဖြစ်ဖြစ် သစ်သားကော သံကော ထိရမယ်ကွာ။
ကျော်ဇင် ။ ။ အာ ဒီတံခါးကို လာခေါက်တာပါလို့ မင်းကို ဘယ်သူပြောလဲ။ သူ့ဘာသာ မြည်ချင်သလို မြည်မှာပေါ့။
ကျွန်ုပ် ။ ။ မဟုတ်သေးဘူးကွ အသံက အဲဒီကလာတာ။
ညီညီ ။ ။ ကဲပါကွာ ငြင်းမနေနဲ့တော့ စိတ်ထင်လို့ လို့ဘဲ သဘောထားလိုက်။ အိပ်ကြမယ်။

ထိုသို့ပြောနေစဉ်မှာပင် " ချပ် ချပ် ချပ် ချပ် " ဟူသော အသံကို သုံးယောက်စလုံးပီပီသသကြားလိုက်ရပြန်သည်။ သုံးယောက်သား တစ်ယောက်မျက်နှာ တစ်ယောက်ကြည့်ကာ အောက်ထပ်သို့ ဒရောသောပါး ပြေးဆင်းကြလေတော့၏။ သို့သော် ကျွန်ုပ်တို့ အောက်သို့ရောက်သည့် ခဏ၌ပင် ယင်းအသံသည်လည်းပျောက်ကွယ်သွားလေ၏။ လူသူအရိပ်အယောင်ဟူ၍လည်း တစိုးတစိမျှ မတွေ့ရပေ။ အချိန်သည်လည်း ည၁နာရီခွဲပင် ကျော်နေလေပြီ။သုံးယောက်စလုံး၏စိတ်တွင် ကြောက်ရွံစိတ်အနည်းငယ် ကိန်းအောင်းလာပြီဖြစ်လေသည်။ထိုမှတစ်ဖန် တတိယမြောက်ကြားရချိန်တွင်မူ သုံးယောက်သား လူမဖြစ်နိုင်တော့ ဟုမှတ်ချက်ချလေတော့၏။ သို့ဆိုပါမှာ သရဲပင်လော။ ဝေခွဲ၍မရနိုင်ပေ ဖြစ်လေ၏။

ကျွန်ုပ် ။ ။ ဟုတ်တော့မဟုတ်တော့ဘူးကွ။ ပထမ တုန်းက သစ်သားသံပါသေးတယ်။ အခုဟာက သံဘာဂျာတံခါးသံဘဲနော်။ ဘယ်လိုမှ သံကို ခေါက်သံ မြည်အောင်မခေါက်နိုင်ဘူးကွ။
ညီညီ ။ ။ ဟေ့ကောင်မိုးမြင့် သရဲခြောက်တာများလား။
ကျော်ဇင်။ ။ အေး ငါလည်း အဲဒါစဉ်းစားနေတာ။ ကဲဒီတစ်ခါမြည်ရင် ငါတို့အောက်မှာဆင်းစောင့်မယ်ကွာ။ ဘယ်လိုလဲ။
ကျွန်ုပ် ။ ။ လုပ်ကွာ ငါလည်း ကွဲကွဲပြားပြားသိချင်တယ်။ ညီညီ ဘယ်လိုလဲ။
ညီညီ ။ ။ တူတယ်ကွာ။

ထိုအချိန်မှာပင် စတုတ္ထမြောက်မြည်သံကို ကြားရလေ၏။ ကျွန်ုပ်တို့်လည်း ကြောက်စိတ်ဝင်နေကြပြီဖြစ်သော်လည်း သုံးယောက်မို့ အားတင်းကာ အောက်သို့ဆင်းလာခဲ့လေ၏။ ထို့နောက် သုံးယောက်သား အောက်ထပ်၌ ဖိုခလောက်ဆိုင်ထိုင်ကာ အခြေအနေကို စောင့်ကြည့်နေကြလေသည်။ လက်ထဲ၌လည်း လက်နက်ကိုယ်စီကို ကျစ်ကျစ်ပါအောင်ဆုပ်ထားလေ၏။ ထိုအချိန်မျိုးတွင် တကယ့်သူခိုးတစ်ယောက်ကို တွေ့မည်ဆိုပါက ထိုသူခိုး စိစိညက်ညက် ကြေသွားနိုင်ပေသည်။

ကျွန်ုပ်တို့လည်း ၁၅မိနစ်ခန့် ကြာအောင်ထိုင်စောင့်သော်လည်း နောက်ထပ်မည်သည့် အသံကိုမှ မကြားရတော့ပေ။ ကျွန်ုပ်တို့ ထိုင်စောင့်နေ၍လော သို့တည်းမဟုတ် မရှိတော့၍ပေလော ဝေခွဲ၍မရနိုင်ပေ။ ထို့ကြောင့် ကျွန်ုပ်တို့လည်း ဟင်းချကာ အိပ်စက်ရန်အတွက် အသီးသီး အပေါ်ထပ်သို့ တက်ခဲ့လေတော့သည်။ ထိုသို့တက်ရာ၌ ကျွန်ုပ်မှာ နောက်ဆုံးမှ တက်သူ ဖြစ်လေသည်။ ကျွန်ုပ်လည်း လှေကားပေါ်သို့ တက်ရာ၌ လက်ထဲရှိ တုတ်နှစ်ချောင်းဖြင့် လှေကားလက်ရန်းကို ခေါက်၍ တက်လာခဲ့လေ၏။ ထို့နောက်အခန်းတွင်းသို့ ၀င်ကာ သုံးယောက်သား အိပ်ရာပေါ် လှဲမိချိန်၌ စောစောက ကျွန်ုပ်ခေါက်သကဲ့သို့ပင် လှေကားလက်ရန်းသို့ ခေါက်၍ တက်လာသံကိုပီပီသသကြီး ကြားရလေတော့၏။

ကျွန်ုပ်တို့သုံးယောက်သာ ရှိသောဤအိမ်ထဲတွင် မည်သူက ကျွန်ုပ်ကဲ့သို့ လှေကားကို ခေါက်၍တက်လာပါသနည်း။ ကျွန်ုပ်တို့ သုံးယောက်လုံးသည်လည်းအိပ်ရာထက်တွင်ရှိနေလေ၏။ ကျွန်ုပ်ခေါက်ခဲ့သော အနှီတုတ်သည်လည်း ကျွန်ုပ်၏ အိပ်ရာနံဘေးတွင် ရှိနေပါ၏။ သို့ဆိုပါမူ မည်သူသည် ကျွန်ုပ်ကဲ့သို့ ခေါက်၍တက်လာပါသနည်း။ ကျွန်ုပ်တို့ သုံးယောက်သားသည်လည်း တစ်ယောက်မျက်နှာ တစ်ယောက်ကြည့်ကာ သုံးယောက်သား ပူးကပ်၍စောင်ကို ခေါင်းမြီးခြုံကာ တုတ်တုတ်မျှပင်မလှုပ်ရဲတော့ပါချေ။ မည်သည့်အချိန်တွင် စောင်ကို လာလှန်မည်နည်းဟု တထိတ်ထိတ်ဖြင့် ကြောက်ရွံ့နေခဲ့လေတော့သည်။

အချိန်တွေမည်မျှကြာသွားလေသည် မသိ အလင်းရောင်ဝိုးတ၀ါး ၀င်လာ၍ ပဲပြုတ်သည်အော်သံကြားမှပင် အိပ်ရာထက်မှ ထရဲလေတော့၏။ ကျွန်ုပ်မှာလည်း အလုပ်သွားရန်ရှိနေသဖြင့် အိမ်သို့ပြန်ရချေတော့မည်။ ထို့အတွက်ကြောင့်ပင် မရဲသော်လည်း ပြေးခဲစေဆိုသည့် အတိုင်း အရဲစွန့်၍ အိမ်သို့ပြန်ခဲလေတော့၏။ ကျွန်ုပ်၏
သူငယ်ချင်းနှစ်ယောက်သည်လည်း အိမ်ထဲတွင် မနေရဲတော့သည်ဖြစ်သဖြင့် ပဲပြုတ်သည်အား ခေါ်ကာ ပဲပြုတ်ဝယ်အပြီး၌ အိမ်ပေါက်ဝမှာပင် ထိုင်၍နေလေတော့၏။ ကျွန်ုပ်သည်လည်း ကြောက်ကြောက်နှင့် အိမ်သို့သုတ်သုတ်ပြန်ခဲ့လေရာ အိမ်ပြန်ရောက်မှပင် သက်ပြင်းချနိုင်လေတော့၏။

ယခုတွင်မူ ထိုအိမ်သည်လည်း ကန်ထရိုက်တိုက်အဖြစ်သို့ ရောက်ရှိပြီးဖြစ်သကဲ့သို့ ကျွန်ုပ်သည်လည်းကောင်း ကျွန်ုပ်၏သူငယ်ချင်းများသည်လည်းကောင်း တစ်ယောက်နှင့် တစ်ယောက် လွန်စွာဝေးကွာသော အရပ်၌ ရောက်ရှိနေကြပြီဖြစ်လေသည်။ မည်သို့ပင်ဆိုစေကာမူ ကျွန်ုပ်အတွက်၌မူကား ထိုထိတ်လန့်ဖွယ်ကြုံဆုံခဲ့ရသည့်
ညတစ်ညသည်လည်းကောင်း ကျွန်ုပ်၏သူငယ်ချင်းများသည်လည်းကောင်း အမြဲတမ်း တခုတ်တရ ရှိနေတော့မည်သာဖြစ်ပေသည်။



စာကြွင်း။ ။ အထက်၌ဖော်ပြခဲ့သော အကြောင်းအရာတို့သည် ဖြစ်ရပ်မှန်တစ်ခုကို အခြေခံ၍ စာဖတ်သူမိတ်ဆွေများ ဖတ်၍အဆင်ပြေ ချောမွေ့မှုရှိစေရန် ၀ထ္တုတို တစ်ပုဒ်အနေဖြစ်အောင် တတ်သလောက်မှတ်သလောက်လေးနှင့် အတတ်နိုင်ဆုံးကြိုးစားကာ ဖော်ပြခဲ့ခြင်းဖြစ်သည့် အလျောက် စာဖတ်သူမိတ်ဆွေများအနေနှင့် ပျင်းရိဘွယ်ဖြစ်ခဲ့လျှင်သော်လည်းကောင်း ၊ စိတ်ညစ်ညူးဖွယ်ရာဖြစ်ခဲ့လျှင်သော်လည်းကောင်း ၊ စာဖတ်သူမိတ်ဆွေများအား မည်သည့်ရသကိုမှ ပေးစွမ်းနိုင်ခြင်းမရှိလျှင်သော်လည်းကောင်း ၀ါသနာရှင်လူရွယ်တစ်ယောက်၏ စိတ်၏စေစားရာနောက်သို့ အတတ်နိုင်ဆုံး ကြိုးစားထားသော ၀ထ္တုတိုတစ်ပုဒ်အနေနှင့်သာ ရှုမြင်၍ သည်းခံခွှင့်လွှတ်ကာ ဖတ်ရှုပေးပါရန် မေတ္တာရပ်ခံ အပ်ပါသည်။ မည်သို့သောအကြောင်းကြောင့်ပင်ဖြစ်စေကာမူ ကျွန်ုပ်စိတ်၏စေစားရာအတိုင်း ဖန်တီးထားသော ဤဘလောခ့်လေးနှင့် ဘလောခ့်လေးထဲမှစာများကို လာရောက်လည်ပတ်ဖတ်ရှုကြသော ကျွန်ုပ်၏ စာချစ်သူ စာဖတ်သူ မိတ်ဆွေများအား လှိုက်လှိုက်လှဲလှဲ ကျေးဇူးတင်ကာ အမြဲတမ်း တခုတ်တရ ( အမှတ်တရ ) ရှိနေမည်သာ ဖြစ်ပေတော့သတည်း။




စိတ်၏စေရာနာခံလေသော

မိုးမြင့်တိမ်

Template by - Abdul Munir