Sunday, June 16, 2013

အဖေမရှိတော့တဲ့ သုံးရာခြောက်ဆယ့်ငါး

- မိသားတစ်စု ခေါင်မဲ့သွားတာ
  သင်္ခါရတဲ့လား..အဖေ ။
  မလွှဲမရှောင်သာ လက်ခံလိုက်ရတဲ့အမှန်တရားမှာ
  တဆတ်ဆတ်နာနေတဲ့ ရင်တွေ
  ပန်းထွက်နေတဲ့ ကြေကွဲခြင်းတွေ
  တောက်စားနေတဲ့ အလွမ်းတွေ
  အစားထိုးမရတဲ့ ဆုံးရှုံးခြင်းတွေ
  မကျက်တော့မယ့် စေတသိတ်တွေနဲ့
  စူးရှနေဆဲ နာကျင်နေဆဲ နင့်နဲနေဆဲ ။

- ခွဲခွာခြင်းနဲ့ ရှိခိုးဦးချနှုတ်ဆက်ခြင်းမှာ
  ယူကြုံးမရခြင်းတွေ ပါဝင်နေတာ
  သံသရာတဲ့လား...အဖေ ။
  ဗျာပါဒတန်းလန်းနဲ့ ရင်ဘတ်တွေအတွက်
  ကြိုးတစ်ချောင်း ပြတ်ထွက်ခြင်းဟာ
  အခါးသက်သက် တီးကွက်နဲ့
  ရင်နင့်ခဲ့တဲ့ ပြဇာတ်ပါ ။

-  ရှောင်လွှဲခွင့်မရှိတဲ့ လမ်းမှာ
  အဖေ့ရှင်သန်ခြင်း မီးငြိမ်းခဲ့ပေမယ့်
  မိသားစုရဲ့ နှလုံးအိမ်အတွက်
  အဖေဟာ...
  ထာဝရလန်းတဲ့ပန်း နေထက်လင်းတဲ့ကြယ်
  ခိုင်ခံ့မှုရဲ့တံတိုင်း နွေးထွေးခြင်းရဲ့အထွဋ်အမြတ်
  ယုံကြည်ချက်ရဲ့ ဥသျှောင် ။

- စီးဆင်းလှည့်ပတ်တဲ့ သွေးထဲမှာ
  ရှူရှိုက်နေတဲ့ ၀င်သက်ထွက်သက်မှာ
  လျှောက်လှမ်းနေဆဲ မနက်ဖြန်တွေမှာ
  အဖေဟာ..မီးရှူးတန်ဆောင်
  အဖေဟာ..ခွန်အား
  အဖေဟာ..သူရဲကောင်း
  အဖေဟာ..အရာရာပါ ။

- တစ်ဘ၀လုံးစာ ပြန်မလာတော့မယ့်
  အဖေ့ခွဲခွာခြင်း နှစ်ပတ်လည်မှာ
  ကောင်းကင်ပြိုကျခဲ့တဲ့ ကြယ်တစ်လုံး
  ကိုယ်စိတ်နှလုံး သုံးပါးစလုံး ဦးညွှတ်ရင်း
  ရင်ပွင့်အန် ကဗျာတစ်ပုဒ်နဲ့
  ရိုကျိုးဦးချ ကန်တော့လိုက်တယ်
  အဖေ...ကောင်းရာသုဂတိလားပါစေ။

မိုးမြင့်တိမ်

5 comments:

Anonymous said...

ရင်ထဲကနေ ကဗျာကိုဖတ်နေတဲ့ ကိုမိုးမြင့်တိမ်ရဲ့အသံ နားထဲမှာ ကြားယောင်...

Anonymous said...

ဒီကဗျာလေး သိမ်းထားခွင့်ပြု အုံးအကိုရေ

ထာဝရလေးစားလျှက်

(ဒုတိယ)

သိ င်္ဂါ ရ said...

အဖေ ဆိုတာ ကျွန်တော် အရမ်းကြီး နားမလည်တဲ့ နယ်ပယ်တစ်ခု ပါ ... ကျွန်တော့် အတွက် ... အဖေ က .. ကျွန်တော့် အဘိုး လိုပါပဲ ... အဘိုး ဆုံးတုန်း က တော့ ... တကယ်ပဲ ... ၀မ်းနည်းခဲ့ရတယ် ... ရွှေတောင်ကြီး ပြိုတယ် ဆိုတဲ့ စကားရဲ့ အဓိပ္ပာယ် က အဲဒီတော့မှ နားလည်သွားတယ် ...

Anonymous said...

စာမှန်အောင်ဘယ်လိုဖတ်ရမလဲ

Anonymous said...

စာမှန်အောင်ဘယ်လိုဖတ်ရမလဲ

Template by - Abdul Munir