Friday, December 30, 2011

အဲဒီ့ညမှာ သူ့ကိုယ်သူရိုက်ခွဲလိုက်တယ်

အဲဒီ့ပြဇာတ်က
မတိတ်နိုင်တော့လောက်အောင်
ညဉ်းညူစရာ မရှိတော့လောက်အောင်
နင့်နဲခြင်း တင်းပြည့်ကြပ်ပြည့် ။

ဘ၀နဲ့ရင်းလိုက်ရတဲ့ ဇာတ်
အသက်နဲ့ခင်းလိုက်ရတဲ့ ဇာတ်
ရုပ်လုံးကြွဒဏ်ရာ အရှိုးအထပ်ထပ်နဲ့
ကြီးမြတ်သူအဖြစ်လဲ(လည်း) စာရင်းမ၀င်
သူရဲကောင်းအဖြစ်လဲ(လည်း) အမည်မတွင်
နစ်နေတဲ့ဘ၀ထဲ ခဲပစ်ချရုံသာသာ ။

တိုးဝင်ပျောက်ကွယ်လုဆဲ လမင်းနဲ့
အပူတပြင်းရောက်မလာနိုင်တဲ့ နေမင်းရဲ့ကြား
မနက်မဟုတ်တဲ့ မနက်ခင်းတစ်ခုမှာ
ခြောက်ခြားဖွယ်ရာ အသံတစ်ခုရဲ့နောက်
ပုထုဇဉ်ဖြစ်တည်မှုတွေ ကျပျောက်ခဲ့ပြန်ပေါ့ ။

ဘာအတွက် သီးပွင့်ခဲ့သလဲ
ဒီမေးခွန်းမေးမိတော့
ဒီဇင်ဘာက သူ့ကိုယ်သူရင်နာတယ် ။

ပျော်ရွှင်စရာများနဲ့ အဆုံးသတ်နှုတ်ဆက်ချိန်
လူအများတွက် ကြည်နူးစရာပွေ့ပိုက်သယ်ဆောင်လာမယ့်
နှစ်တနှစ်ရဲ့ ပြည်ဖုံးကားချပိတ်ကားထက်မှာ
ပေါက်ကွဲခြင်း သင်္ကေတနဲ့
ပူဆွေးမှု ပြယုဂ်နဲ့
အသက်မဲ့သွားတဲ့ ဘ၀တွေနဲ့
အသက်စွန့်သွားတဲ့ ဘ၀တွေနဲ့
အရေးပေါ်ရောက် လူနာတွေနဲ့
သွေးသံရဲရဲ ၀မ်းနည်းလွန်းစရာမြင်ကွင်းတွေနဲ့ ။

ပျော်ရွှင်ခြင်းတွေ ဖေါက်ချခံလိုက်ရတဲ့
မျက်ရည်စက်လက် မျက်နှာတွေ
ယူကြုံးမရ ပူဆွေးဗျာပါဒနဲ့
ကျန်ရစ်သူ မိသားစုဘ၀တွေ
အချိန်မတိုင်ခင် ခြွေချခံလိုက်ရတဲ့
နွမ်းနွမ်းလျလျ ဘ၀အညတရတွေ
အဲဒီလိုတွေနဲ့ ခြယ်သ ဒီတစ်နှစ်ဒီဇင်ဘာက
လှနိုင်ပါသတဲ့လား ။

မွန်းကြပ်လွန်းလာတဲ့ အတွေးတွေနဲ့ထွေးလုံးရစ်ပတ်
အမြန်ဆုံးသက်သာပျောက်ကင်းပါစေ..
ကောင်းရာသုဂတိလားပါစေ..
ဆုတောင်းတွေနဲ့ အကြိမ်ကြိမ်ဦးညွှတ်ရင်း
ကြေကွဲခြင်းတွေ ပိပိကျနေတဲ့ညမှာ
ရှင်သန်မှုရုတ်သိမ်းခံရတဲ့ ဘ၀တွေအတွက်
ဒီဇင်ဘာက
သူ့ကိုယ်သူရိုက်ခွဲ ကမ္ဘာမြေပေါ်ဖြန့်ကျဲလိုက်တယ်
ဆင်းရဲခြင်းမှ ကင်းပါစေ ။


မိုးမြင့်တိမ်
(၂၉.၁၂.၂၀၁၁)

5 comments:

Anonymous said...

စိတ်မကောင်း စွာနဲ့ ပဲ အားပေးခဲ့တယ်
အကိုရေ ..
ခင်မင်လေးစားလျှက်

(ဒုတိယ)

mstint said...

ပျော်ရွှင်ဖွယ်နှစ်သစ်နဲ့အတူ ကိုယ်စိတ်နှစ်ပါး
အေးချမ်းစွာဖြင့် လောကီလောကုတ္တရာ
နှစ်လီနှစ်ဝ လိုအင်ဆန္ဒများ ပြီးပြည့်စုံပါစေ
မိုးမြင့်တိမ်ရေ။
Happy New Year !!!

မေတ္တာဖြင့်
အန်တီတင့်

ညီရဲ said...

ဟုတ်တယ် အစ်ကို ဒီနှစ် ဒီဇင်ဘာက မလှပခဲ့ပါဘူး။ စိတ်မကောင်းစရာ အဖြစ်အပျက် တနင့်တပိုးနဲ့ ဒီနှစ်က အဆုံးသတ်ခဲ့တာပါလေ...

Unknown said...

ရင်နင့်စွာအားပေးသွားတယ်အရေးအသားတွေ ကောင်းဆဲ......

မိုးဇက် said...

မွန်းကြပ်လွန်းလာတဲ့ အတွေးတွေနဲ့ထွေးလုံးရစ်ပတ်
အမြန်ဆုံးသက်သာပျောက်ကင်းပါစေ..
ကောင်းရာသုဂတိလားပါစေ..
ဆုတောင်းတွေနဲ့ အကြိမ်ကြိမ်ဦးညွှတ်ရင်း
ကြေကွဲခြင်းတွေ ပိပိကျနေတဲ့ညမှာ
ရှင်သန်မှုရုတ်သိမ်းခံရတဲ့ ဘ၀တွေအတွက်
ဒီဇင်ဘာက
သူ့ကိုယ်သူရိုက်ခွဲ ကမ္ဘာမြေပေါ်ဖြန့်ကျဲလိုက်တယ်
ဆင်းရဲခြင်းမှ ကင်းပါစေ ။

သိပ်ကောင်းတဲ့ အဆုံးသက်နင့်နင့်လေးကို ကြိုက်တယ်ဗျာ........... ။

Template by - Abdul Munir